وينكم بنات شسالفه ما فيه ردود ...

يااام خلوودي نصيحه نصيحه نصيحه من قلب محب حاولي تبعدين عن هالاشياء
وصدقيني كل ماكان اللي حولك كذا كل ماانجريتي معاهم في الشر

حاولي تبعدين عنهم هذا اولا : لاتقولين مااقدر
لا العزيمه هي اول بداية النجاح
وثاني شئ ابتعدي عن رفيجتك هذي لاتقولين مااقدر حاولي اذا تبين راس ابوتس يتم مرفوع

خلي علاقتك فيها سطحيه
حاولي دايم تخوفين نفسم منها
تخيلي انها يمكن تتورط في مصيبه لاسمح الله وبعدين تسحبك معاها
تكفين تكفين اهم شئ سمعة اهلك خليه دوم مرفوعه فوق
ابوتس واموتس ماجابوتس الا لانهم يبونتس والحين كبرتي لازم تفرحين قلوبهم
ولازم تسندينهم في الشدايد مهوب تجيبينها لهم

تكفين في نفتس احفظيها
تراهم مابينفعونتس بكره
وترى مو كل وحده تكلم يهمونها اهلها
المستويات تختلف فيه اللي تهتم لسمعة اهلها وفيه اللي ماهمها

انتي ان شاءالله فيتس الخير

واي شئ حبيبتي يصير لتس لازم تدورين حل له موب تكتمين في صدرتس وتتعبين

الجأي اول شئ لربك واعزمي بنيتس انتس تتركين هالاشياء
والله اني اعرف وحده صديقتي زين زين الحين تعبانه نفسيا بصوره بشعه والسبب واحد حبته وضحت واخلصت له وفي الاخير سحب عليها وهو يعرف كل شئ عنها كل كل شئ
وهي والله ماتعرف الا اسمه الاول وهذا بعد اذا كان اسمه وسحب عليها
والحين هي تعبانه نفسيا عليه وياليتها حزينه لانها عصت ربها للاسف حزينه عليه

الله يهديها ويردها لصوابه وربي ياابوها انه طيب ومايستاهل منها واخوانها يشيلونها من عالارض بس للاسف ماقدرتهم الله يصلح قلبها



لااوصيتس في نفستس ولا في امتس وابوتس والله يوفقتس
وسامحيني ان كان قسيت عليتس

أسأل الله العظيم أن يسخر لك الرفقه الصالحه وإلجئي قبل كل شيء الى الله وحده وأكثري الدعاء
وان شاء الله ربك بيفرجها

هلا ام خلودي

الدعاء ثم الدعاء .......... بالنسبة لصديقتك ارسلي لها رسالة مكتوبة فيها تحذير مما هي فيه وانا هذا الطريق خطر ولا تعرف انك انتي المرسلة و راقبي الموقف و شوفي النتائج .

والله يهدي الجميع .

تحياتي

هلا بنات مشكورين على ردودكم الحلو المهم سويت وصيه وحده من البنات
والله مو ذاكره اسمها المهم جزاها الله خير
ذاك اليوم ارسلت لها مسج بمناسبه السنه الجديده وتمنيت لها التوفيق والصحه
والعافيه وباخر المسج قلت لها الله يبعد عنج عيال الحرام المهم ماخذت دقيقه
الا هي راده وقالت لي ما فهمت دعوتج غريبه عاد انا اشتغل استعباطي قلت مو غريب
الا الشيطان وشعندج تسالين المهم دقيقه ثانيه الا جايه مسج ثانيه وقالت غريبه دعوتج
ما فيها شي المهم اني وصلت للي ابيه وحسستها اني عارفه بالوضع اللي هي فيه والله
يوفقني واكمل المسيره حقي لين احاول اخليها تتخلص من اللي هي فيه ان شاء الله
المهم بنات خلكم معاي بفكاركم
ناطرتكم