البيرجر الآمريكي بنكهة شاميه ..حياكم مع الصور ..

البيرجر الشامي على الطريقه الامريكيه ..



جايبتلكم اكله طيبه كتير وسهله وآمنه ، يعني احسن من بيرجر المطاعم ، من ناحيه النظافه وكمان الدسم فيكي تتحكمي فيه ،، وكمان الطعمه ولا آيب ، وريحه الآكل بتوصل لسابع حاره ..


وقت التحضير :
٤٠ دقيقه وآقل ..
الكميه تكفي ل ٤ آشخاص ، سندويشه وحده لكل شخص .

المكونات :
نصف كيلو لحم بقري مفروم ناعم
رشه بهارات مشكله .. انا استعمل السبع البهارات آو كما يسمونها بالإنكليزيه : آوول سبايسز .. يعني كل البهارات مجموعه فيه ..
كتشب ٣ معالق كبار
خردل معلقه كبيره
ظرف واحد من ميكس شوربه البصل الجاهزه
اذا ماكانت متوفره عندك بودره الشوربه او الميكس ممكن تبشري بصله كبيره .. وكمان بتكون طيبه ..وساعتها بتزودي بهار وملح
لا حاجه للملح لآن الشوربه مملحه وفيها بهارات جاهزه









اخلطي المكونات مع بعضهم ، وشكليهم اقراص حسب ما بتحبي ، كبار آو صغار ، المهم ما يكونوا سماك .. يعني سماكه متوسطه يا دوب ١ سم







ضعي مقدار ملعقه كبيره سمنه آو زبده بمقلايه على نار عاليه واقليهم على الوجهين كم دقيقه بس ليتحمر الوش تبعهم .. وبعدين حطيهم بصينيه عاديه بدون سمن وبدون زيوت ، ودخليها على الفرن
حوالي ٢٠ آو ٢٥ دقيقه على نار وسط ..







هون اتتحمروا بسرعه ، فخففت النار شوي تحتهم




حمري قراص اللحم كلها ومن الوشين وبعدين صفيهم بصينيه الفرن تكون منيحه وما بتلزق كتير ..خلي الفرن على ال ٣٥٠ فهرنهايت يعني حراره متوسطه






وهون طلعوا من الفرن والمي تبعهم والسمن نشفان .. ما بدك ينشفوا اكتر مشان ما تطلع اللحمه قاسيه ..




بعد ما تقيمي اللحمه ،فورا حطي الصينيه تحت المي السخنه وبلشي ايمي الزفر بالملعقه المناسبه هيك لحتى يروح الدهن وما بعلق ويعزبك ..




وبعدين حضري خضر مقطعه حسب ما بتحبي ، والخبز الصمون التازه المقرمش ..




هون حضرت مع الآكل صحن تبوله يمي يمي ..




مكوناتها :
٢ بندوره وسط - بصله صغيره - نصف ليمونه مقطعه ناعم كتير - ٣ حزم بقرونس مفروم ناعم - برغل ناعم منقوع ومغسول - ٢ معلقه كبيره نعنع يابس - عصير ليمون - ملح - زيت بلدي ..
اخلطيهم مع بعض وودوقي اطيب تبوله ..

بالصوره في صحن يبرق بايت عندي من نبارح .. تفضلوا خدولكم لقمه ..

وفي كمان صحن سوشي .. تخيلوا ولادي ما بحبوا البرجر الله يهديهم ، فحطيت شغلات تانيه يقبلوها ..

وهي هي الطبخه .. ان شا الله تعجبكم