طفلة عشرينية ٢٠٢٠ :

بنات رحت اليوم للدكتوره سلطانه ودخلت مباشره قالت امس طلعتي وماشفتك شفت اشعتك وتخطيطك عشان كذا سويت لك موعد عاجل وزن الجنين ٣٢ اسبوع وعمر الحمل ٣٥ اسبوع وهذا مؤشر خطر في هالفتره الزمنيه ولازم تولدين بال٣٦ خلاص نخاف اي لحظه يحصل للطفل شي لاقدر الله سوت معي خطه اللي هي سونار دقيق كل ٣ ايام وتخطيط يوميا الى موعد الولاده باذن الله طبعا لاتسالوني عن راييي ولا قراري ولا شعوري 😔😔 كنت في متابعه دقيقه مع سلوى ابراهيم وماقالت لي اي شي عن وزنه او مقاسات بطني ابدا مع اني كنت اقولها بطني صغير جدا وماكانت تهتم بينما سلطانه حكمت من مقاسات البطن وجود موشر خطر

بنات رحت اليوم للدكتوره سلطانه ودخلت مباشره قالت امس طلعتي وماشفتك شفت اشعتك وتخطيطك عشان كذا...

عصفورة السحاب :

الحمدلله حمدا كثيرا طيبا ولدت اليوم ودعيت لكم جميعاً💙

الحمدلله حمدا كثيرا طيبا ولدت اليوم ودعيت لكم جميعاً💙

Malak31 :

بنات عادي غازات البطن للطبيعي اعرف اكثر شي العمليه !! مززعجه صراحه

بنات عادي غازات البطن للطبيعي اعرف اكثر شي العمليه !! مززعجه صراحه

Malak31 :

وهااذا هو اكشن الولاده 😅 صحيت الأثنين متأخر طيبه مافيني الا العافيه طبعاً كل يوم اصحى وبدون الآم اتحطم << مستعجله 🏃🏻‍♀️ صحيت افطرت انا و زوجي وعيالي و رحت غرفتي وجلست اقرا سورة مريم وورد الولاده لين قبل صلاة العصر خلصت قلت بتروش بمويه حاره و صليت العصر ونزلت عيالي عند اهلي ورحت امشي على الكورنيش انا و زوجي رجعت ظهري خلاااص مع اني مامشيت الا ٢٥ دقيقه تقريباً وثقل ظهري كان عجييب واحس بالحركه تغيرت علي كأنها تدق على تحت مع الام عاديه المهم جلست وتقهويت مع اهلي وتعشيت عندهم وكنت اجااامل ورجعت بيتي على الساعه ١١ واكل لي اناناس و زي ماقلت لكم صار جماع وطولت بعدها لين قبل صلاة الفجر منسدحه تقريباً لو نمت يمكن نص ساعه مو اكثر ومتقطع بعد لأن احس بألم يضايق يصحيني من نومي ويوم قمت بتروش حسيت بإفرازات ورديه والألم كل شوي يزيد تروشت وطولت تحت المويه الحاره بطني وظهري وانا تحت المويه احس بإنقباضات تعصرني بس متحمله المهم خلصت وصليت الفجر و آخذ لي ثلاث حبات تمر مع كوب موية زمزم وبديت اضف بعض اغراضي لأن مع الام الطلق وانا اتحرك وامشي احسه اهوون من اكون منسدحه حسيت الألم يزيد وعطيت زوجي خبر عشان يوديني قال حاولي تنامين لين موعدك الساعه ١١ ماقدرتي بنروح قلت يلا بحاول رحت غرفتي الألم زااد واحس بنتي تدف خفت يكون مفتوح الرحم و أولد بالسياره طلعنا على ٦ ونص تقريباً و اخذت معي مويه دافيه بعسل وشوي زعفران شربتها بالسياره ٧ انا بالمستشفى خلصت كشف الطواري اجراءات سريعه شافوني تعبانه ماطولوها معي على طول دخلوني جلست على السرير ماقدرت انسدح ١٠ دقايق جت الدكتوره كشفت قالت مفتوح ٥ سم سريع سريع طلعوني فوق لقسم الولاده رحت على مالبست لبسهم وطلعوني على السرير وحطو لي المغذي وتحاليل دم وركبو لي جهاز الطلق الا الساعه ٨ ونص جت كشفت الدكتوره قالت ٥ ونص او ٦ تقريباً بس الراس بعيد لسا عالي إذا تقدرين تمشين امشي شوي والقابله تقول للدكتوره الطلق جداً عالي تحتاج مسكن طبعا ما اخذت ابرة الظهر لأني بالنهايه قررت اولد بحكومي صح و استغربت سؤال القابله تقول لي اكلتي تمر قبل تجين قلت ايه ضحكت قالت عشان كذا طلق ورا بعض و شكلك بتخلصين بدري قلت عسى 😂 المهم جلست امشي بالغرفه شوي والطلق كل شوي يزيد وجت كشفت مره ثانيه علي قالت ٧ سم وفكت المويه عاد هنا بدت تزيد الأوجاع وكبدي بدت تقلب واستفرغ مدري وش السبب 🤷🏻‍♀️ مرتني الدكتوره مره ثانيه قلت تكفين إذا لسا الراس عالي خلاص حوليني قيصري قالت لا حنا معك وبنساعدك ودام فتحنا المويه خلاص بينزل الراس وبعدها بشوي جت قاست قالت ٨ سم جلست لين الساعه ١٢ وبدت القابله تجهز الأغراض وتقربهم لي وترفع رجولي وحسيت بنتي تدف وبدينا عاد بسالفة الدف دفيت كثييير واحسب نفسي أعرف تقول لا خطا انتي ماتدفين من تحت وهي ماقصت تحط جل وتدلك المكان وتحط كلينكس فيه مويه دافيه حاولت قد ماتقدر انها ماتقص بالأخير قصت 🤦🏻‍♀️ وحسيت الدف وانا منسدحه صعب قلت ارفعو لي السرير خلوني جالسه رفعوه وخلو رجلي ضاغطه على بطني اسهل بالدف والحمدلله شرفت بنيتي الساعه ١ وربع طبعاً الولاده لها تعبها اكيد لكن بما إني ولاداتي قبل يومين بالمستشفى واليوم الثالث اولد وطلق صناعي فـ اشوف الحمدلله الحمدلله تسهلت من ربي وفادتني طريقة التنفس شمي ورده وطفي شمعه احس صدق تخفف شووي والله يابنات احس إني بحلم مو مصدقه إني ولدت اللهُم لك الحمد 🥺❤️❤️❤️

وهااذا هو اكشن الولاده 😅 صحيت الأثنين متأخر طيبه مافيني الا العافيه طبعاً كل يوم اصحى وبدون الآم...