نسيم بحر33 :

بسم الله ونبدأ في ليلة الاحد رحت اخذت مسحة كورونا الظهر ورجعت البيت في الساعه ٩ المساء قمت اجهز كل شي واعلم الشغاله ان احتمال اتنوم واحتمال ارجع ماولدت وكذا افهمها وجهزت عشاي انا وولدي وكان زوجي طبعاً مع اخوياه وارسلت له المفروض هالوقت تكون عندي انا محتاجتك جب هذا وهذا من الاغراض والساعه ١ قمت اتسبح واتنظف واجهز عمري والساعه٣ قلت بصلي ركعتين ادعي فيها تتيسر عمليتي وتعرفون بعد الفجر بقعد كم يوم نفاس وكذا احس مشتاقه للصلاه والدعاء واحس اني محتاجه لربي صليت وكل مره اصلي جالسه عالكرسي وذاك اليوم لا نسيت كذا صليت ونزلت سجدت عادي والحمدلله وقبل الفجر يمسكني ألم في ظهري وفخذي اليمين وأبكي واتشهد فوق سجادتي واقول باقي ماكملت صلاتي وادعي وابكي واقوم الا ويأذن الفجر واروح اصحي زوجي قلت اناتعبانه قال انتظري الى ٧ ونروح مره وحده قلت لا الحين تصلي وتجي بسرعه وبتجهز ونروح عالمستشفى وطول الطريق ابكي وافكر بولدي اللي عمره سنتين 😞 كيف بيكون وضعه لوحده وبكاء ليين وصلت ويدخلوني يقيسون النبض والطلق حامي تقول ليش ماجيتي من قبل وبعد ساعتين قالوا امورك تمام وجهزنا غرفة العمليه قلت الحمدلله يارب كانو بيخلوني بعد اربع عمليات بس من حظي الحمدلله المهم ادخل الغرفه وتجي طبيبة التخدير وتجلسني وتمسك ظهري هنا المصيبه يابنات اقسم بالله ماعرفت تدخل الابره البنج النصفي مسكت وحددت بيدها وتدخل الابره وتميييل تخيلوا حسيت بمكان الابره والليّ مايل قلت احس في شي واتوجع واتحرك وترجع تسحب وتحدد بين الفقرات والله العظيم اربع مرااااااات حسبي الله عليها دخلت وخرجت بالابره والدكتوريقول هذا شغلك وانا اصيح اقول حطوا لي بنج كااااامل لاتعذبوني كذا مع الطلق يوجعني ظهري وزياده ألم الابره وتدخل وتخرج ودعيت عليها قلت في ولدي قبل سنتين رجال ودخلها من اول مره الحمدلله نادوا لي دكتور تخدير قالت خلاص ليش زعلانه ضبطت قلت والله لوصار لي شي مابيصير لكم طيب وتجي تقول يلا تسطحي ويخلصون عمليتي ويخرجوني الافاقه ويحطون الاجهزه ويبدأ جهاز النبض عندي يتغير القلب دقاته ينخفض والظغط عندي نزل ويجون يركبون جهاز التخطيط للقلب ويغيرون الجهاز قلت عندي دوخه وصداع وغثيان قالوا عادي من البنج ويمكن قعدت عشر دقايق وياخذوني للعنايه ويقولون اجلسي هنا لحدما نتأكد انك طيبه واعطوني مضاد وترتفع الحساسيه بوجهي واحك وجهي وجفوني وخشمي والله العظيم حتى لساني يحكني وهم ساكتين عادي يقولون تحمليها وتبدأ حرارتي تنزل وبردانه ويجيبون ليّ طويل يدفوني به يطلع هواء حااااار تحت اللحاف ووجهي ملتهب احك بشرة وجهي واقول لهم ابغى دواء حساسيه وعيّوا حسبي الله وقعدت بالعنايه ٦ ساعات وطلعوني الغرفه والحمدلله انا والبيبي طيبين واليوم الاربعاء بنطلع البيت . بس والله اخذت مسكنات معي حبوب وتحامميل لان ماعطوني الا مرتين بس والحمدلله والف مبروووك للي ولدوا بعدي وعقبال الباقين تبشرونا يغرب بسلامتكم 🌹♥️

بسم الله ونبدأ في ليلة الاحد رحت اخذت مسحة كورونا الظهر ورجعت البيت في الساعه ٩ المساء قمت اجهز...

طفلة عشرينية ٢٠٢٠ :

تجي حتى بالطبيعي اشربي كمون ونعناع وربي ترتاحين واذا اخذتي حبوب طارده للغازات افضل

تجي حتى بالطبيعي اشربي كمون ونعناع وربي ترتاحين واذا اخذتي حبوب طارده للغازات افضل

الفراشة 12 :

اي عادي اول اسبوع كذا تذبح

اي عادي اول اسبوع كذا تذبح

ركوني نور عيوني💕 :

صباح الخير🌺 طلعت امس العصر لوحدي لان بنتي ماكملت24 ساعه وينتظرون تحليل البكتيريا انا مسويته شوي يدقون يعطوني خبر خروج او لا وباذن الله طيبه وتطلع معاي لو تسوفونها عروووسه بسم الله عليها😍😍 الاكشن😭😭😭 الدكتوره اتصلت الاحد الظهر تسال عني وتقول ليه ماجيتي سويتي اشاعه ومسحه قلت حصل عندنا وفاة ماقدرت وبعدين قلت لها عن الالم الي بجنبي قالت مدام الم متواصل كم يوم ماخف تعالي طواري واقول لزوجي بكره الصبح اقصد يوم الاثنين بنروح الطوارئ قال ليه ننتظر الصبح زحمه وكذا يلا بعد المغرب اوديك ونروح ويدخلوني وتكشف فاتح3 الى4 ومافي طلق خفييف مايتعدا 30 وقالت تنويم ونزل علي افرازات دم ويطلعوني للتنويم ويقيسون ويخططون ومافي الم اصلا بس مكان البيبي يوجعني فجنبي وعطتني مسكن قالت نامي مافي طلق عاد والله مانمت زين هاذا غلطي فالمستشفى ارهقت عمري بالمشي والتقرفص ابي اولد واخلص والمرضات قمة الازعاج سوالف وضحك اعلى شي😭😭 مستحيل تنامين ومن حضهم الولادات ذاك اليوم قليله4 غيري المهم من 10 الليل تنومت لين ال11الظهر ومافي الم طلق ولسى3 قالو احتمال نخرجك بنشوف ونرد لك قلت عطوني طلق صناعي مدام لسى ينزل علي دم قالو لا ماراح نتدخل فالطلق حالتك ماتستدعي وانتي باقي ماكملتي التاسع تحطمت وامشي وادعي ربي مايخرجوني جات كشفت قالت4 ماراح تخرجي وقالت بحرض بس ماحسيت بالم يدوب خفيييف وجلست لين المغرب الالام بسييطه بس تحجر ويمسكني الم جنبي بس ادف الجنين عنه ابي يخف الالم بعد المغرب بدا الطلق اكثر شي تحجرر والم فظهري والطلق حاار وجات كشفت قالت6 يلا غرفة الولاده 8 ونص قاست لقته 8 وفكت الموياا والالم قوي وتقول دفيي وانا ماعرفت ادف تقول غلط انتي تكتمين نفسك بس ربع ساعه حاولت تولدني لوحدها تقول غلط طريقتك نادت الدكاتره 2 ويعلموني ويحاولون يقولون ابد ماتدفيي انتي الي تسوينه غلطط بنتي شكلها كانت نايمه ماتدف هي معااي كمان😭😭 وصارت الممرضه توسع بيدها تحط جل وتوسع تساعدني يمكن ساعه كامله تعبت فيهاااا واخر شي تعبو مني نط الدكتور والممرضه فوق بطني يدفونهاا خافو عليها بدت تتعب بالقوه طلعت وكانت مزرقه خافووو ويقولون دفيي انا تعبت مره واحد منها راح يجري لبرا شكلو بيجيب جهاز شفط بس بنتي اسرع منه طلعت واعطوها اكسجين شوي وبكت الحمد لله 😭😭😭😭 الممرضه الي ماسكتني حيواانه دبه مررررره ومركزه ثقلها على رجللي اليمين فاكتها للاخر واقول رجلي تشنجت ماعاد اقدر احركها تقول خليها انتي دفي وتصارخ ومسكت يدها تحسب بقرصها قالت لاتقرصيي قال الدكتور لاتقرصيها قلت انا ببعد يدها عن رحلي ماعاد احس فيهااا ياعالم حتى بعد بنتي ماطلعت جلست تنافخ علي كلبه💔💔 تقول انتي يجيب4 اول كيف مايعرف يدف☹️ الحمد،لله هم وانزااح وجعلكم ماتجربونه او تطيحون في ممرضه ماعندها اخلاق مهنيه😭طبعا ولدت بدون شق وخياط . بس جنني مغص بعد الولاده ورجلي لاان توحعني منها 😭😭 دهنت بزيت زيتون واخد مسكن يخف شوي المغص لاكن الم الرجل مو مره يخف يدوب امشي منه او انسدح بالقوه كنت ارفع رجلي الحين اخف شوي الله يكتب اجرنااا😢

صباح الخير🌺 طلعت امس العصر لوحدي لان بنتي ماكملت24 ساعه وينتظرون تحليل البكتيريا انا مسويته شوي...

طفلة عشرينية ٢٠٢٠ :

بنات رحت اليوم للدكتوره سلطانه ودخلت مباشره قالت امس طلعتي وماشفتك شفت اشعتك وتخطيطك عشان كذا سويت لك موعد عاجل وزن الجنين ٣٢ اسبوع وعمر الحمل ٣٥ اسبوع وهذا مؤشر خطر في هالفتره الزمنيه ولازم تولدين بال٣٦ خلاص نخاف اي لحظه يحصل للطفل شي لاقدر الله سوت معي خطه اللي هي سونار دقيق كل ٣ ايام وتخطيط يوميا الى موعد الولاده باذن الله طبعا لاتسالوني عن راييي ولا قراري ولا شعوري 😔😔 كنت في متابعه دقيقه مع سلوى ابراهيم وماقالت لي اي شي عن وزنه او مقاسات بطني ابدا مع اني كنت اقولها بطني صغير جدا وماكانت تهتم بينما سلطانه حكمت من مقاسات البطن وجود موشر خطر

بنات رحت اليوم للدكتوره سلطانه ودخلت مباشره قالت امس طلعتي وماشفتك شفت اشعتك وتخطيطك عشان كذا...