لا هذي دكتورة فاطمة الشنقيطي نصحتني فيها وحده من البنات هنا


تشتغل بمستشفى السلام قالت انها تساند الولادة الطبيعية بعد قيصرية او قيصريتين اتكلم معها عن حالتي تتكلم معي عن الفلوس وعن الدورات اللي يسوونها عشان اخذها ويستفيدون بس شي طبيعي يبون يستفيدون مستشفاهم جديد كان قبل كم شهر مستوصف عادي ..


الحبيب رحت لخالدة وقالت تاخذين فرصتك اذا مشت الامور تمام هذا فضل من الله واذا فيه اي طاريء حنا موجودين وندخلك قيصري قلت لها دكتورتي اتفقت معي قيصري وخلاص بس هي اجازة قالت انا مستحيل اولدك قيصري بدون سبب وبالنسبة للتأمين حسب اتفاق التأمين احيانا يكون vip وماله مميزات ويكون مثلا A وتغطيته مميزة
انا تأميني تبع زوجي وهم اللي قالوا يغطي التجميل (مثل ليزر .. تركيب ابتسامة هوليوود.. واي شي تجميلي ) وفعلا سألنا طلع صحيح بس مااستخدمته بالتجميل مدري ليه 😔


انتي اسالي نفس الشركة حقت التأمين وشوفي ايش الخدمات اللي يغطيها ..

بنات شوفوا الموضوع هذا
هذا اللي قلت لكم عنه من مضاعفات القيصري 😥
https://www.hawaaworld.com/sho...

صباح الخير
الحمدلله حمدا كثيرا يليق بجلال وجهه وعظيم سلطانه
ولدت وجبت احلى سلمان اللهم انتبه نباتا حسنا
اسفه على التاخير كان ودي ابشركم بنفسي
بس ماقصرو البنات الله يعطيهم العافيه
ولدت قيصري بعد ماكانت ولادتي طبيعي ومن غرفة الولاده تحولت لغرفة العمليات
الحمدلله اللي جعل لهم مخرج ثاني
جيتكم وجايبه قصة ولادتي

تحذيييير اللي تخاف من قصص الولاده لا تقرا
كان يوم الثلاثاء الصباح موعدي وطلبت مني الدكتوره بالموعد السابق اسوي تخطيط قبل ادخل عليها
حطو التخطيط وكان الطلق يزيد مع الدقايق وصار يوصل ٩٠ هنا قلقلت الممرضه وراحت للدكتوره توريها التخطيط
جلست عند الدكتوره قالت بكشف قلت هذا طلقي من اسبوعين ومااحس عندي ولاده قالت ترا بسجل في مفلك انك رفضتي الكشف فكرت شوي قلت خلاص اكشفي وسوي تحريض مره وحده
كشفت وقالت الرحم مفتوح من ٣_٤ خلاص بحولك للولاده قلت طلقي خفيف اقدر اتحمله بطلع واذا زاد رجعت لكم قالت لا انتي ولاده الرحم مفتوح رحت للتنويم قبل الظهر جا دكتور وكشف علي وكان كشفه يذبح وطلع سالت الممرضه كم قالت ٤س بعد المغرب مباشره جت الممرضه وقالت يلا ننزلك غرفة الولاده
دخلوني غرفة الولاده وركبو التخطيط وكان اخف من الصباح الطلق يوصل الى ٥٠
مع اذان العشاء قالت الدكتوره بنفتح موية الجنين علشان يزيد الطلق صليت العشاء وفتحت المويه وكانت كميتها كبيييره وسالتني قالوا لك عندك مويات زايده !
قلت لا المهم قالت انتي عارفه انواع المسكنات وابرة الظهر قلت اي بس ماابي ابرة الظهر قالت براحتك وسجلت بالملف
بعد ماراحت قالت الممرضه الساعه عشر بنركب طلق صناعي قلت ليش طلق صناعي انا عندي قيصري قبل قالت خفيف مايأثر وعلشان طلقك بارد
قلت اجل عطوني ابرة الظهر اذا فيه طلق صناعي
قالوا دكتور التخدير عنده قيصريتين وانتي خذي مسكن عادي لين يخلص الدكتور

توكلت على الله وعطتني مسكن بالوريد بعدها ركبت الطلق بالغذايه حوالي ساعه كانت اموري تمام وبدا الطلق يزيد بعدها جت الدكتوره وسوت تحريض وتدور وتلف بيدها ولان الجنين راسه بعيد الممرضه تضغط على بطني وهي تلف بيدها وسعت الى خمس س بدأ الام يزيد هذا على الساعه ١ قالوا الدكتور عنده عمليه عاجله الحين انتظري لين يخلص او نعطيك ابره مسكن قلت لا بنتظر ابرة الظهر جت كبيره الممرضات وفحصتني وصارت تدخل يدها على جوا وتلف وانا اصيح والممرضه تضغط على بطني قالت فتح ٦س على الساعه ٢ رجعت مره ثانيه ونفسه مافتح وسوت نفس الحركه تفر يدها بس مافتح نبضات الجنين مع الطلق تضعف توصل لل١٠٠ واذا خلص الطلق رجع طبيعي الممرضه تغير وجهها واتصلت على الدكتور وجا قلت ماحد يكشف علي خلاص تعبت ذبحتوني عطوني ابرة الظهر وعاد بكيفكم
قال الدكتور اسمعي الجنين نبضاته تضعف وانتي مانعرف كم وصلتي والجنين نزل تحت او لا بكتب بملفك انتي اللي رفضتي نفحصك واخلي المسؤليه هنا انهرت وبكيييت وطلع قالت الممرضه الدكتور بس بيشوف كم ماراح يحرض واقنعتني لين وافقت ورجع كشف وكشفه كان مؤلم نفس الشي ٦س والراس فوق اتصلوا على استشاري وجا سرييع وقال شوفي نبضات قلب الجنين ماتطمن وانا بفحصك لو انتي نفس حالتك الجنين فوق ومافتح بنحولك قيصري كشف وقال نفس الشي ماتغير يلا قيصري مستعجل وكلم يجهزون الغرفه والممرضات يركضون اللي تجيب ورق اوقعه واللي تفصل عني الاسلاك وانا كنت اتألم من الطلق بشكل فضيييع كنت ابغى الخلاص باي طريقة وقعت على الاوراق وكتبت اسمي مدري كيف كتبت واقولهم بسرعه بسرعه همي بس يعطوني البنج وارتاح من الوجع
طارو بي بالسرير وحطوني بسرير الولاده وجلسوني وفورا دق الابره حقت الظهر اسرع سريع بس كانت يده خفيفه الدكتور
سدحوني وبديت احس بالتمنيل والطلق اختفى وحسيييت كأني بحلم واصوات الدكاتره والمعدات مثل الخيال بديت ادعي لان الدعاء مستجاب هالوقت
حسيت بضغط ووغزات بسيطه بالبطن وشوي ضغط وسمعت شفط مويه وشوي اسمع صوت حبيبي سلمان
بدوا ينظفون الرحم واسمع اصواتهم وسوالفهم وانا احس اني في حلم ماني مصدقه كل شي صار بلحظه
جابت الممرضه سلمان عند راسي ورتني اعضاءه قالت هذا بوي قلت الحمدلله الحمدلله اكرررها واحس ببكي وماسكه نفسي
خلصوا وجت الدكتوره قالت حمدلله على سلامتك خلصنا
نقلوني للافاقه وانا بين حلم وحقيقه بس حسيت بفرحه وشعور ماينوصف مع انها قيصري بس اهم شي خلصت وارتحت من الهم والكرب والالم اللي كنت فيه
والله يصلح لي سلمان واخوانه ويطرح فيهم البركه ولا يضيع لي ولا لكم تعب ويخلف على امهاتنا