أم شهوووده :

توكلت على الله وعطتني مسكن بالوريد بعدها ركبت الطلق بالغذايه حوالي ساعه كانت اموري تمام وبدا الطلق يزيد بعدها جت الدكتوره وسوت تحريض وتدور وتلف بيدها ولان الجنين راسه بعيد الممرضه تضغط على بطني وهي تلف بيدها وسعت الى خمس س بدأ الام يزيد هذا على الساعه ١ قالوا الدكتور عنده عمليه عاجله الحين انتظري لين يخلص او نعطيك ابره مسكن قلت لا بنتظر ابرة الظهر جت كبيره الممرضات وفحصتني وصارت تدخل يدها على جوا وتلف وانا اصيح [emoji24] والممرضه تضغط على بطني قالت فتح ٦س على الساعه ٢ رجعت مره ثانيه ونفسه مافتح وسوت نفس الحركه تفر يدها بس مافتح نبضات الجنين مع الطلق تضعف توصل لل١٠٠ واذا خلص الطلق رجع طبيعي الممرضه تغير وجهها واتصلت على الدكتور وجا قلت ماحد يكشف علي خلاص تعبت ذبحتوني عطوني ابرة الظهر وعاد بكيفكم قال الدكتور اسمعي الجنين نبضاته تضعف وانتي مانعرف كم وصلتي والجنين نزل تحت او لا بكتب بملفك انتي اللي رفضتي نفحصك واخلي المسؤليه هنا انهرت وبكيييت وطلع قالت الممرضه الدكتور بس بيشوف كم ماراح يحرض واقنعتني لين وافقت ورجع كشف وكشفه كان مؤلم نفس الشي ٦س والراس فوق اتصلوا على استشاري وجا سرييع وقال شوفي نبضات قلب الجنين ماتطمن وانا بفحصك لو انتي نفس حالتك الجنين فوق ومافتح بنحولك قيصري كشف وقال نفس الشي ماتغير يلا قيصري مستعجل وكلم يجهزون الغرفه والممرضات يركضون اللي تجيب ورق اوقعه واللي تفصل عني الاسلاك وانا كنت اتألم من الطلق بشكل فضيييع كنت ابغى الخلاص باي طريقة وقعت على الاوراق وكتبت اسمي مدري كيف كتبت واقولهم بسرعه بسرعه همي بس يعطوني البنج وارتاح من الوجع طارو بي بالسرير وحطوني بسرير الولاده وجلسوني وفورا دق الابره حقت الظهر اسرع سريع بس كانت يده خفيفه الدكتور [emoji1303] سدحوني وبديت احس بالتمنيل والطلق اختفى وحسيييت كأني بحلم واصوات الدكاتره والمعدات مثل الخيال بديت ادعي لان الدعاء مستجاب هالوقت حسيت بضغط ووغزات بسيطه بالبطن وشوي ضغط وسمعت شفط مويه وشوي اسمع صوت حبيبي سلمان بدوا ينظفون الرحم واسمع اصواتهم وسوالفهم وانا احس اني في حلم ماني مصدقه كل شي صار بلحظه جابت الممرضه سلمان عند راسي ورتني اعضاءه قالت هذا بوي [emoji170] قلت الحمدلله الحمدلله اكرررها واحس ببكي وماسكه نفسي خلصوا وجت الدكتوره قالت حمدلله على سلامتك خلصنا نقلوني للافاقه وانا بين حلم وحقيقه بس حسيت بفرحه وشعور ماينوصف مع انها قيصري بس اهم شي خلصت وارتحت من الهم والكرب والالم اللي كنت فيه والله يصلح لي سلمان واخوانه ويطرح فيهم البركه ولا يضيع لي ولا لكم تعب ويخلف على امهاتنا [emoji173]

توكلت على الله وعطتني مسكن بالوريد بعدها ركبت الطلق بالغذايه حوالي ساعه كانت اموري تمام وبدا...

ترانيم H :

هادة الشهر انا متأملة كثير أكون حامل بالله ادعولي اني احمل وربي يرزقني يوسف😢 الله لايضيقها عليكو وتقومو بالسلامة انتو وبيبياتكو

هادة الشهر انا متأملة كثير أكون حامل بالله ادعولي اني احمل وربي يرزقني يوسف😢 الله لايضيقها عليكو...