بنات بشاوركم بشي وابغى رأيكم هل معاي حق او لا
الحين مرت خال زوجي سنها قريب من سني وانا وهيا كنا مررره اصحاب وهي شخصيتها قويه بس فحالها وماتحب احد يدعسلها على طرف زي اي شخص فالعالم واهل زوجي من النوع اللي يحبو مرت الولد الساكته الغلبانه وخالاتو مرررره قوايا وكل ماسولها شي ادتهم على راسهم ماتسكت على حقها وزوجي مو طايقها عشان كدا وعشان امو ماتحبها بسبب شخصيتها القويه واصلن هو يحب من تحب امه ويكره من تكره ودا الشي يقهررررر فيه
والان هو حالف علي مااكلمها ولا اتواصل معاها وبدون اي سبب بس كدا يقول انا زوجك واللي اقوله يتنفذ وقلي مابينك وبينها الا الواجب فقط وهي تكلمني من فتره لفتره وتعاتب بس ماني عارفه ايش اقولها صعب اقلها انو زوجي مانعني عنها ،وامس كلمتني هي والده من كم شهر ونقلت بيت جديد ولا زرتها ويوم قلت لزوجي ابغى ازورها قلي تروحي بس مو لوحدك احد يروح معاك مرافق ومررررره عصبت ، هو عادي اروح عند صحباتي لوحدي مايقول لا بس دي الادميه مايبغاني ادخل عليها لوحدي حسسني اني بزررررره والله مره قهرني وامس اتضاربت معاه بسبب دا الموضوع كني نونو ولا سفيهه يخاف منها لا تعك فكلمه
علما بأنو اصحابو اغلبهم عزابيه وسفرياتو مررررره كتير وعمري ماسمحت لنفسي ادخل فحياتو اقول دام يخاف الله فيني خليه براحته ،لكن انه يدخل بعلاقاتي فالناس ويقولي اماشي مين قلة حيا وكرهتو وحسيت انه متهكم ومنااااافق قدام خالو مسوي حبيب ومن وراه يمنعني من حرمتو
لو مكاني ايش تعملو ، انا امس هددته وقلتله اني حكلم خالو واقلو انو مانعني اماشي حرمتو وانا كدابه ماحتصل بس انرفزه وانصدمت انه حلف عليا بطلاق لو اتصلت وقرفت منو زياده
بنات بشاوركم بشي وابغى رأيكم هل معاي حق او لا
الحين مرت خال زوجي سنها قريب من سني وانا وهيا...
baby bonnet
تطلع لك اشكال كتيرة 👍🏼😍