Rozaleen_22 :

صباح الخير حبيباتي جعبة .. طمنيني عليك ودي أعرف هل هذا اول حمل تجيك فيه هذه الأعراض؟ وإلا حملك بأولادك اللي قبل كان بدون مشاكل؟ أحس الطلق ملازم لك من السادس مافك عنك دايمًا تحكي لنا إن تجيك تقلصات فإذا حملاتك السابقة كذا وتكملين التاسع معناها زي ماقالت لك إن طلق كاذب . أنتِ ياروحي طمني نفسك وادعي والله إن النفسية لها دور بكل شيء لما نكون متضايقين مانشوف ولا نتخيل إلا الأشياء السلبية ونتوقعها ومن كثر وساوسنا تصير لنا للأسف 😢 يارب تعدي علينا هالكم أسبوع على خير ونرتاح

صباح الخير حبيباتي جعبة .. طمنيني عليك ودي أعرف هل هذا اول حمل تجيك فيه هذه الأعراض؟ وإلا...

Sukarrah :

جعبه ياقلبي ألف سلامه عليييك وماتشوفين شر طيب كان رحتي وشفتي التخطيط عشان لو فعلا طلق يعطونك اشياء توقف الطلق انا عطووني بحملي الأول وفعلا وقف الطلق بس كان الحبل السري لاف فولدوني غصب.. بنتي تبغى تطلع ذاك الوقت مصممه 😂 ونجمه والله منطقه هنا من الهم والشكااوي احس ارتااح اذا شكيت لأحد من برا الأهل لأن الله يخلي أهاليينا يشيلونك هم ضعف همك🙁 معقوله نقص المويه بسبب الكحه؟؟انا عندي كحه من الشهر الثالث تقريبااا وكل المستوصفات رافضه تعطيني علاج حتى موعدي الأخير قلت لها ابغى علاج كحه قالت يقضل انك ماتاخذينه الفترة ذي مغصني بطني يوم ذكرتوا ملف التباشير 😱 لاتفتحونه أبد خلونا نكذب على بعض لييين نخلص لأنه كذا كل ماولدت وحدة بنخاف ونقول الدوور علي الحين نحمل ومانبغى نلد 😓 الله ييسسسر لناا جمييع ان شاء الله

جعبه ياقلبي ألف سلامه عليييك وماتشوفين شر طيب كان رحتي وشفتي التخطيط عشان لو فعلا طلق يعطونك...

جعبه الزمن :

طبعاً بعد ماطلعت من دكتورتي قالت لي روحي مستشفى حكومي لان لو زاد الطلق متوفره حضانات عندهم جيت للبيت ماقدرت اروح من خوفي واخذت مويه زمزم اشرب منها وامسح على بطني وقلت لو زاد الالم بطلع للمستشفى اخر الليل الحاصل ان الالم مستمر اللي مجربات الطلق نفسه يجيني المغص من فوق البطن مع تحجير والم بالظهر ماتحرك ابداً من نومي افز اصارخ توكلت على الله ورحت من يوم دخلت جاتني فجعه من شفت صريخ الحريم ،،،،دخلت للدكتوره ووصفت وضعي قالت طلق نتاكد بالتخطيط شربت عصير وطلعت للتخطيط جلست تقريباً نص ساعه جاتني السستر تقولي متأكده شربتي عصير قلت اي قالت مايتحرك البيبي وفعلاً ماكانت فيه حركه قلت يمكن نايم قالت لو نايم وشربتي عصير بيصحى وانقلبت على جنبي قالت يمكن يتحرك ماتحرك ،،،،،،جات رجه بطني رج يمين ويسار بقوه وتحرك الحمدلله 😥شعور مو زين حسيته فجعه كل شي جاب ببالي اعوذبالله من الشيطان ،،،، خلصت رحت للدكتوره واعطتني ابره توقف الطلق وابره مسكنه للالم وصرفت لي ادويه قالت اهم شي ماتجوعي حتى وانتي نايمه حطي اكل خفيف جنبك لان الضغط نازل وانا مو قادره اكل شي من الالم ونزل مني شي بني خفيف قالت لي هذا من الالتهابات لاتخافين منه ورجعت صرفت لي تحاميل وطلعت من المستشفى الصباح تعبت من المستشفى والقلق النفسي كل اللي بسويه حالياً برتاح بالبيت معاد بطلع لين تمر اسبوعين ووكلت امري لله

طبعاً بعد ماطلعت من دكتورتي قالت لي روحي مستشفى حكومي لان لو زاد الطلق متوفره حضانات عندهم جيت...