الله يكتب أجرك و يجزاك الجنه ♥️

لااله الا الله
الله يبارك لكم في هذا التجمع يارب
والله يجزاك خير اختي ميرال ويوفقك الى عمل الخير

مشكوره ربي يجزيك خير والله يبلغنا رمضان واياكم بصحه وسلامه
حبيت الجدول لكن أنا أحب كل يوم أمسك غرفه واخلصها من الى يعني المطبخ والثلاجة والغاز والحوض والدواليب وكل ابو شي أخلصه بيوم مثلا الصباح أبدا بالثلاجه والغاز وبعد الظهر ارجع لدواليب وبعدالعصر ارتب الأواني بالادراج وآخر شي اشطف الارضيه الْيَوْمَ الثاني غرف الضيافة وهكذا صح ينهد حيلي بس اذا شفت النتيجه اتحمس خصوصا نظافة رمضان😍

يالله انك تجعله تجمع خير .. وتبلغنا رمضان لا فاقدين ولا مفقودين وتعيننا على صيامه وقيامه .. تسلم يدك على الموضوع الروعه اللي يفتح النفس ويجدد العزيمه والطاقه
انا عن نفسي بإذن الله ببدا على رجب ولما تستقر الاجواء وتنتهي موجة الغبار اللي موجوده هالايام بس في كم نقطة حابه ابدا فيها من الان 😏
مثلا .. بنني الله يحفظها عمرها 9 سنوات ومن سنتين بدات تصوم رمضان كامل الحمد لله .. بس هي بنيتها ضعيفه وبرمضان مع الحر تشرب سوائل كثير فتنسد نفسها عن الاكل .. فببدا من الحين اعطيها فيتامينات بحيث يكون جسمها افضل وما يأثر فيها الصيام كثير
ثاني نقطه ابغى اتعلم اصناف جديدة من المعجنات والصواني وجاري حاليا البحث والتطبيق لان ليا فترة ما غيرت في روتين الاكل فحابة اجرب افكار بالذات للسلطات والعصاير الطازجه واذا ضبطت اعتمدتها في الشهر الفضيل
ثالث شي ببدا حاليا بتنظيف الشي اللي اضمن انه ماراح يرجع يتبهدل مثلا دولاب غرفة نومي والادراج وغيره اللي ممكن احافظ عليه
كمان في نقطة بعملها دايما .. كل ما انظف غرفة في البيت اكتب في ورقه خارجيه ايش تحتاج الغرفة من كماليات بسيطه ممكن تجدد فيها .. على سبيل المثال تغيير خداديات مجلس الحريم .. تغيير مفارش طاولات .. اممممم ممكن اضافة اكسسوارات لتسريحة غرفة النوم .. بوكسات ومنظمات تحفظ الاشياء .. واكتب كل الاغراض واذا حصل ونزلت لمحلات الكماليات اخذت اللي احتاجه عشان تساعدني على التنظيم وقت ما ابدا التنظيف في رجب وكتجديد في العيد بالذات انه ظروفنا ما تساعد على تغيير المجالس و تغيرات كبيرة والله يفرجها علينا وعليكم
هذي بعض افكاري اللي حاليا ممكن ابدا فيها .. بس البدايه الفعليه بتكون في رجب باذن الله ..
وطبعا واهم شي اجتهد واجتهد واجتهد اني من الان ازيد من قراءتي للقران وصيام النوافل والحرص على الاذكار واسال الله لي ولكم القبول
حسيت ان كلامي كثير بس من حماسي للموضوع 😁وان شاء الله تكون فيه الافادة .. وياليت باقي الاخوات يفيدونا .. اكتبوا اي تجهيز تفكروا فيه للبيت وللعناية بنفسكم واللي عندها اطفال كيف تشغلهم وكذا