السلام عليكم
انا والده لي 10 ايام ماسوولي خياطه وناويه اروح مستشفى خاص اتطمن عالوضع برنامجي بالاكل بعد الفجراشرب كوب حليب دافي مع ملعقه من اللهوم من نضام فيافي استخدمته بعد سته ايام من الولاده والساعه7 عصيدة تمر او مراصيع او قطايف بالسمن والعسل الغدا مسلوقة لحم او مطازيز والعشاء مو شي محدد حسب المزاج بيض او سندويتش كباب او دجاج مشوي وطول اليوم اتقهوى من قشر وقرفه ويانسون وميراميه مخلوطه مع بعض من نضام فيافي بس اللي قلقني الم الضهر ومفاصل الورك مقدر اتحرك منها اول مره يحصلي كذه
السلام عليكم
انا والده لي 10 ايام ماسوولي خياطه وناويه اروح مستشفى خاص اتطمن عالوضع برنامجي...
حبيت اساعدكم بوصفات بإذن الله تساعدكم في نفاسكم لأني مجربه الروتين والطفش ....
يابنات لازم الحليب الساخن بدون سكر مع شوي فلفل اسود وكولي مع تمر حطي عليه شوي زيت زيتون
يابنات لاتنسون الدخن تراها ممتاز
بالنسبة للغداء ..شوية بصل محموس مع لحم مقطع صغار بدون طماطم وحطي عليه بهارات وماش وخليه يطبخ وبعدين اكبسي عليه الرز ( انصح بالرز مثل باب الهند والله خفيف وينهظم بسرعه )وحطي عليه جزر مبشور
لاتنسون الشوربه سواء عدس او شوفان ومرقة الخضار ممتازه (بطاطس جزر بازلاء )
المطازيز والقرصان وتكون معها خضار عشان تفيدك وتكون مستويه كويس وماهي ثقيله اقصمد مويت المرقوق تكون كثيره
سوي مقلقل لحم وهو لحم مقطع صغاره مره وبعدين تحطين بصل ويكون شوي كثير وتحطين عليه اللحم وتقصرين النار مررررره وتحطين عليه قصديره واذا قرب ينضج حطي عليه بهارت وملح
لاننسون الفواكه وخصوصا التفاح ...
استخدموا العسل الاصلي ...
اذا عطوك المستشفى حبوب فيتامينات استخدميها
حاولي تشغلين قرآن في غرفتك ولاتنسين الورد واتركي السهر ونامي كويس اهم شي الراحه
اسأل الله العظيم ان يمدكن بالصحه والعافيه