عطر

شوية اسئلة بايخة
وطولى بالك علية يا حوت
انت فرنك نوعة اية؟؟؟؟؟؟ هههه بجد
انت بتعملى العجينة دى عيش عادى مدور يتاكل بية؟؟؟؟؟ بجد
ولو محطتش محسن كيك اغير فى اى حاجة تانية؟؟؟؟؟؟
ردى ومتستهيفيش الاسئلة لو سمحت هههههههه

بالنسبة لموضوع المشروع
اشجعك بشدة وفكرة روعة
بس اعتقد انك عايزة افكار مش محدداها
ولو كنت جنب مامتك كانت اكيد هتفيدك اساليهابردة

ماما زوزو___دا يا بختي و يا سعدي انك اول واحده تردي عليا

بصي يا اجمل ماما
ممكن منحطش محسن و تزودي بداله البيكينج باودر عادي-----الاثنين بيادوا نفس الغرض اللي هو يغني العجينه و يطريها و ينفشها

و بالنسبه للسكر هو بيحسن الطعم اولا و ثانيا عشان الخميره تشتغل بس ممكن تحطي بداله عسل نحل انا مره جربتها و عادي شغال (اصلا شفتها ايضا في موقع اجنبي)
ممكن تحطي سكر بني عشان يكون صحي
ممكن تقللي الكميه


اما بالنسبه للكسوف فانا وشي مكشوف في البيت انما في الشارع اسدددددددددددددددددد و يا ويله اللي يفكر يعاكس او يرزل (مش بقولكوا مش بسيب حقي ابدااااااااااا)
بس فعلا ربنا يخليلك بنتك و يحميها يارب و فعلا لازم تعلميها تبقى انثى جدااا في بيتها و راجل في الشارع

اصل بصراحه الشارع الايام دي بقى مرعب ...تخيلوا انا بخاف امشي لواحدي في الشارع يعني لازم العربيه و اقفل على نفسي من جوه


عموما ميرسي انك رديتي عليا يا ماما يا حلوه يا اجمل غنوه
و جربي بقى العيش و قوليلي رايك

اشكركم جميعا كل من سال عنى والحمد لله ان افكارى لها صدى طيب
واشكركم ايضا انك هونتو عليه كتير لان كانت نفسيتى تعبانه لانى مش نازله مصر السنه دى
لكن يعلم الله انكم هونتو عليه كتير وحاسه بالفه انى بين اهلى وناسى
عطر الشموع طريقة العيش شكلها ما شاء الله حلوه لانى بحس من شكل المقادير
قبل ما اعمل اى حاجه اذا كانت حاتظبط ولا لا
بالنسبه للبنه هى نفس مقادير الزبادى لكن الفرق انها بتتصفى تماما حتى تشبه الكره
مش لاوم شاشه انا بحطها فى اى تيشرت قطن قديم والفها ثم فى اى مصفاه
فالامر بسيط مش محتاج انك تشترى حاجات مخصوصه او اى فنله داخليه
تكون عند زوجك اعمليها وخصصيها لتصفية اللبنه
انا حا اسيبكم لانى حا اقوم بحملة نظافه على البيت وارجع لكم السلام عليكم ورحمة الله
قبل ما امشى عطر الشموع اشجعك جدا على مشروعك توكلى على الله وحا تستفيدى
انك حا تكونى فى بيتك وعملك مش حا يتطلب منك مواصلات وارهاق فى الخروج جربى اعملى
اعلان فى الوسيط وبين الاقارب والجيران وان شاء الله ربنا يوفقك
ماما زوزو انا معجبه بافكارك جدا ما شاء الله جميله وامكانيتها من البيت استمرى وما تتاخريش علينا
وحا ارجع لكم بعد ما اخلص عشان اكون براحتى سلام

كدة برضوا يا قمر قصدى يا بنات محدش يسال عنى مخصماكو............................................
بس بصراحة بحبكو وما قدرش على كده
حبيبتى ماما زوزو
الصور مش هنتنازل عن الصور

مادو_________--اسالي يا قمر ولا يهمك دانا مصدقت حد عبرنييييي


نوع الفرن-----بوتاجاز ينيفرسال و ساعات الفرن الكهرباء



يعني ايه عيش مدور يتاكل بيه؟؟؟؟؟
مش فاهمه السؤال بس هحاول اخمن-----------بعمل عيش فينو و عيش كايزر و بيتعمل ساندويتشات و يتحشي و زي الفل و مش بيفرول ----ماشاء الله


مش محسن كيك-------محسن خبز
بس ممكن تحطي بداله بيكينج باودر



اما للمشروع
المشكله اني مش عارفه احدد افكاري او تصوراتي للموضوع لان محدش في عيلتنا جرب يعمل اي حاجه من دي

و بالنسبه لماما اصلا مش موافقه اني اعمل حاجه لانها بتقوللي اكيد هيخسر ههههههههههه (متفائله اوي)
و جوزي هو اللي بيشجعني بس انا خايفه جدااااا و بجد مش عارفه ابدا ازاي

لاني الحمد لله شخصيتي قويه و ممكن امشي الموضوع بس مشكلتي البدايه


و اسالتك مش تافهه اطلاقا دانا كنت معرفش يعني ايه عجينه اصلا