فرصه بما انى سهرانه على النت اعطيكم وصفة الشعر وهى رائعه للشعر الجاف والمقصف بس ما تستغربوش من المكونات باميه مسلوقه اى كميه انا بعمل كميه فى برطمان واحطها فى الثلاجه او فى الفريزرسلقنا الباميه نضع عليها موز ونا بجفف قشر الموز واطحنه واحتفظ به لهذه الخلطه فاكيد ما فيشقشر مجفف حتى الموز بقشره وياريت يكون مستوى وعليه ملعقة عسل وبن او نسكافيه وقرنفل مطحون واى زيت حتى لو زيت اكل واضربيه فى الخلاطوتوضع على الشعر ساعه مع لبس كيس ثم يغسل الشعر والنتيجه لون جميل للشعر ونعومه ولمعه غير عاديه وتقضى تماما على هيشان الشعر وهى امنه جدا مع الحمل والرصاعه لان كلها طبيعيه جربوها وياريت ما تنسونيش من الدعاء بظهر الغيب يالا ما تكسلوش وصفات موفره واقتصاديه والنتيجه ان شاء الله مرضيه واى سؤال انا معاكم

وحشتونى
بالنسبه لتجديد غرفه النوم هاتى تل احمربالذات او اىلون تفضليه قصى مفرش للتسريحه وكشكشيه جميل جدا اااااااااا واتبعى نفس الطريقه فى باقى الغرفه الكمودينو ومرايه التسريحه تربطيها بفيونكه وممكن تعلقى نموسيه فوق السرير وممكن ترفعى هذى الديكورات لمى تملى وترجعى ترتبيهم بشكل مختلف وحاولى الابتكار فى التل مثلا قطعى شرايط على مقبض الدولاب واربطيهم فيونكه



على فكره انامكتئبه مش بلحق اخلص واجباتى المنزليه المفروض انجزها يوميا ودايما الاقى البيت حوسه وبقلق احسن حد يجيلى بدون ميعادلانى معنديش حجره معيشه واضع الكمبيوتر فى الانتريه مما ادى الى ان الانتريه اصبح كراويته يعنى دكه بفضل توم وجيرى الى فى البيت وبيجرو ورا بعض فى البيت كله حدثو ولاحرج عن غرفتهم التى اصبحت غرفه تنكريه ساعووووووونى لانقذ ما يمكن انقاذه من البيت ولانهااااااااء سلسله من المشاكل بينى وبين الحليف الاستراتيجى لى فى هذا البيت والشكله تكمن فى انى بتعب بسرعه ولااستطيع ان اكمل والاقى نفسى اكتئبت واقول ليه انا الوحيده الى مش شاطره ومبلحقش اخلص

وجزاها الله خيرا من تساعدنى

اخواتي العزيزات واحشني يا قمرات بس مش هقول اسماء عشان منساش حد...


ايجيبتي ___حمدا لله على سلامتك انا والله قلقت اوي عليكي ...الله يكون في عونك في موضوع الوحم ده اصله حاجه صعب اوي مع اني مجربتوش و انا حامل ...لازم تشوفي دكتوره تانيه مضمونه و كذا حد شاكرلك فيها احسن دي اهم حاجه
و المهم انك تقولي للبيه اللي جوا ميحرمناش منك و يبطل وحم و دلع هههههههههه




شيماء____بلييييييييييييييز طمنينيعليكي احسن كده مينفعش



ماما زوزو____الام الرائعه المعطاءه ربنا يخليكي لينا و لولادك و يجعلهم من الصالحين و الابرار





اما عن يومياتي فلا جديد بس سهرانه عماله اخبز عشان يويو بيه قبل ما ينام قاللي عايز بيتزا و طبعا لازم يصحى يلاقيها

السلام عليكم ورحمة الله وبركاته
ازيكم يا احلى صحبه
عودا حميدا يا_ايجبت_ كنت عارفه ان اكيد اللى منعك الوحم اصلى لسه مجرباه قريب
بالنسبه للدكتورة هى ما شاء الله عليها ممتازة وهى شغاله فى مستشفى الهدى بحلوان
لكن انا بروح العيادة احسن من دوشه المستشفى
انا الحمد لله ولدة عندها فطوم وكانت ولادة سهلة باذن الله عقبال الولادة الجايه ان شاء الله
وكمان عملت مرة اجهاض عندها بردو الحمد لله كانت عمليه سهله
هى عيادتها ما شاء الله عليها حديثه جدا وكمان فتحت قسم للولادة القيصرىيعنى بقت مستشفى ولادة
وبصراحه انا بحب اعملها دعايه لان معظم النساء بيخافو من الطبيبات مش عارفه ليه
مع ان بصراحة لا اذكى على الله احد ولكنى احسبها كذلك انسانه ملتزمه تتقى الله فى عملها
حتى لو بتشتكى من اى حاجة مش تخصصها تقولك لا زم تروحى لطبيب متخصص يعنى مش بتحب تفتى
وهبعتلك رقمها وعنوان العيادة على الخاص وان شاء الله تستريحى معاها
وربنا يقومنى ويقومك بالسلامه ويقر عينى وعينك بالطفال الصالح خلقا وخلقا

انا رحت اطلع الحاجه من الفرن و جيت و طبعا انا و جوزي خلصنا نص البيتزا و يادوب لحقت للولد كامواحده اصلي عاملاله ميني بيتزا و رسماله علبهم بالمكونات وشوش بس طلعت تجنن ماشاء الله
و كنت عامله كمان ساندويتشات بيتزا و جبنه بالزعتر و جبنه لافاش و طبعا مخبوزين كده مش قاصدي ساندوتشات عاديه بس طلعت فظيعه الحمد لله
كل ده عشان خاطر الكابتن الصغنن اصله بقى لي كم يوم بوديه حضانه يلعب شويه عشان يطلع طاقته بدل ما يكسر الحاجه في البيت
و بكره بقى ان شاء الله هغديهم فول و اي حاجه جانبه اصلي تعبت اوي النهارده و كمان زهقت من الاكل كله و اديني حاطه الفول يستوي

بس كده يا حلوين
نفسي بقى اعمل على نفسي حمله نظافه شامله ماسكات و حركات احسن بجد حاسه جلدي مرهق


يلا تصبحوا على خير بقى اشوفكوا بكره ان شاء الله