كده برضو محدش رد عليا انا زعلانه

ماما زوزو الله يقويك ويخليك فوق روسهم يا رب ما شاء الله عليك
أولادي في ابتدائي ادنى وروضة والاخير صغير بيبي وانا بتبع معهم اسلوبك الحمد لله وبحب آخد أكتر من أفكارك لو تكرمتي ،

بحب اعرف رأيك بالعدد 3 فعلا الموضوع ده بيهمني ، يا ريت تجاوبيني إلهي يسعدك دنيا وآخرة
لاني من النوع اللي احب الاطفال والعائلة الكبيرة ، لكن احساسي بالمسؤولية وحاجات الاطفال واحتياجهم لأم معهم بكل طاقاتها بيقولي 3 نعمة من ربنا بس خايفه اندم بالمستقبل واقول يا ريت انجبت كمان أو أولادي انفسهم يقولوا احنا كده قليليين!! معقوله !؟؟!؟! فيديني من تجربتك ربنا يخليك
وطبعا كله بإيد ربنا أولا وأخيرا ، بس لتبادل الخبرات !

ونقطة تانية بحب أسألك لكونك خبرة وقطفت الثمار ما شاء الله
أحيانا ما بقدرش أميز بين صفة ممكن تستمر مع الطفل لكبره ، أو انها صفة ملازمة لمرحلة الطفولة بس وبتتغير لوحدها من غير مقاومة
يعني مثلا الانانية عند الطفل طبيعية لحد عمر معين ، احيانا بتوتر لماأشوفها عند واحد فيهم وبخاف تستمر معاه ، وبرجع أقول لنفسي لأ مش لازم أبالغ لإنه الصفة دي مرتبطة بمرحلة عمرية بس
مثلا النسيان
عدم التركيز في بعض الاشياء ، بخاف تستمر الصفة ، كن برجع اقول لأ هو الآن طفل وعقله بيتشتت بسرعه بملهيات تانية ،
مسألة الترتيب انا متلك بطلب منهم يوضبوا حجرتهم ويلمواألعابهم ، لكن بتسائل لحد متى حفضل أطلب انا ومتى حشوفهم التترب بآ عادة عندهم يرتبوا من نفسهم !!
وبكده بفضل متلخبطة مش عارفه !!!

ممكن تقوليلنا خبرتك بالموضوع ده ؟ كيف لاحظتي تطور الأطفال وكيف تبدلت صفاتهم لوحدها بناء على المرحلة العمرية هل فيه صفات معينة لاحظتي انها مرتبطة بالعمر وتبدلت فياطفالك
هل في صفات قلقتي منها وقاومتيها بعدين اكتشفتي انها صفات مرتبطة بمرحلة عمرية معينة وبتروح لوحدها بس يكبر الطفل ...



وعلشان ماأطلعش عن موضوع الترتيب :) يومياتي النهارده :
انا بكتب دلوقتي الصبح بدريييييييييييي صحيت وفطرت عيالي
وإن شاء الله بقوم لترتيب البيت ترتيب عادي ، ولازم أجهز أكلة كوسا محشي ...

عاوزة قولكم عن شيء جربته اتكتب في المنتدى لإزالة شعر الجسم باستخدام الموس ، الاخت كتبت انها بدل الرغوة استخدمت نشا !!!
وفعلا الفكرة سهلة جدا والحلاقة بتبقى سريعة ومن غير ما البشرة تتعب ما شاء الله
جربوها !

سلسبيل المصرية
اهـــــــــــلا بيكى معانا ونورتينا
ايجيبتى
الحمد لله انك طمنتينا عليكى وفعلا الوحم رخم انا فى بنتى الاولانية الحمد لله محستش بالوحم خالص وكانت مريحانى بس دلوقتى اول 3 شهور تعبونى كتير وعلى طول دوخة وشعور بالنوم لا يقاوم فربنا يقويكى يارب ويعدى المرحلة دى على خير
وفعلا احسن حجة انك ترتاحى للدكتورة اللى بتتعاملى معاها فان شاء الله ترتاحى مع الدكتورة اللى بتروحلها فطوم ومتخافيش ياستى تعالى زورينى وادوقك مش معتبر وان شاء الله تلاقى فراولة هى موجودة بس بندرة شوية

شيماء
ان شاء الله ترجعى بالسلامة وتطمنينا عليكى انا فعلا حاسة ان ناقصنا حاجة ان شاء الله تكونى بخير

ماما زوزو
انا زي حضرتك وسما شهاب باحب السمك جدا ولسه عملاها فى الغدا امبارح بس كان فيليه ويا خسارة كان حاذق بسيط بس مع الرز والسلطة مقالش لا وخلص الحمد لله

عطر الشموع
فعلا انا كمان حاسة ان بشرتى مبقاش فيه النضارة متاعة زمان فالحمد لله بقالى يومين بعمل مسكات وان شاء الله اداوم عليها

حبيبة اوسو
فعلا معاكى حق شغل البيت مبيخلصش خالص بس ممكن اننا نرتب نفسنا يعنى نشوف عايزين نعمل ايه ونبدأ بحاجة حاجة مش كله مع بعضه وممكن تودى الكمبيوتر فى اوضة الاولاد وتقفلى اوضة الانتريه علشان لو اى حد جالك فجأة يلاقيها نضيفة

اما بقى عن يومياتى امبارح
مسحت المطبخ باريال وجاز وماء
وغسلت الحمام على السريع بانيو وتواليت وحوض
وعملت قراقيش بالعجوة طلعت حلوة الحمد لله بس فى صاج اتحرق بسيط :06:بس متقلقوش ان شاء الله هيتاكل سويت صاجين امبارح بالليل وكملت الصنيتين التانيين النهاردة الصبح قبل ما اروح الشغل

ايجيبتى
حمدا لله على السلامة
ماما زوزو
لية الشرف الكبيييييييير

كلامك رافع معنوياتى فى السمااا وكتيير علية كدة

عطر الشموع
سالتك عن الرز بالمستكة وحاجات مبترضيش علية ليههههههههههههههههه؟؟؟؟؟؟

السلام عليكم ورحمة الله وبركاته

ازيكم يابنات مصر حبيبتي عاملين ايه
انا جديده معاكم اول مرة ادخل الصفحة دي
ازيك ياسما عاملة ايه
فكراني؟؟

اعرفكم بنفسي
اسيرة العشق ممكن تنادوني ب روئة
عندي 24 سنة وداخلة في ال25 بعد شهر
متزوجة
مغتربة(اهئ اهئ اهئ)
قاهرية