معي حكايه طويله احكيها لكم ايش اللي حصلي في اول يوم لي في مستشفى الولاده اللي بولد فيه طبعا حكومي المستشفى جديد ومهتمين فيه من ناحية الشكل ويقولو الولاده فيه كويسه..بس رحت اليوم وتعبت تعب يابنات من الساعه 9 الصباح لين الساعه 3 واحنا من دكتور لدكتور ..اتخيلو دكتور يشوف راسه ويقرر تحاليل..بعدين نروح عند التحاليل بعدين عند دكتورة الفحص المهبلي بعدين عند دكتورة الاشعه..غير الانتظار رغم انه كان معايا موعد وحاجزين ..انا رحت عشان القلصات وكلمت الدكتوره من البدايه اني رافضه الفحص المهبلي لاني عارفه يابنات ان الفحص يحرض الولاده وحاسه ان الذي فيني التهابات مسالك..ورغم هذا حولوني ورفضت الفحص الاقي يقولون لي خلاص روحي خذي موعد ثاني للاشعه العاديه..هذا حصل على الساعه 2 ونص تقريبا..ساعتها مسكت اعصابي بالعافيه اقلهم الدكتور غلطان انا كلمته ما ابغى فحص مهبلي ابغى اشعه عاديه اطمن وانا منتظره من الصباح ماهو معقوله تسوو كذه..الدكتوره لاحظت حالتي ودخلتني ومعاها متدربه جلست على بطني نص ساعه تسوي السونار وتشرح للمتدربه .. وطبعا الفحوصات اليوم نصها وبكره اكمل الباقي طبعا ..وفوق هذا كله ادخل انتظار الحريم قدامي واحده معاها بنتها يمكن عمرها 4 سنوات في شعرها قمل كثير وجالسه تاخذ القمل وترميهم على جنب في الارض😭😭😭😭وتدخل ام ثانيه معاها 2 عيال عفسو الدنيا عفيييييس وياخذو من يد بناتي اغراضهم ووسخو الدنيا وامهم ولاتحرك ساكن..يابنات جالي بكااااااااا رحت ارتاح لقيتلي وجع قلب وقرف..ولحظه ازيدكم من الشعر بيت😭😭😭وانا طالعه ومعصبه وقرفااااانه يجي واحد يتغزل ويرمي كلام😭😭😭يا الله يابنات يوم مش طبيعي ..الله لاوفقه شايف كرشتي قدام وحالتي حاله ويدوب اسحب نفسي ويقوم يتغزل ايش من بني ادم هذا ايش الدم الذي بيجري في عروقه مايخاف الله...خلاص ارتفع ضغطي بالزياده وشوي وابكي وعصبت على بناتي وزوجي وحالتي حاله..ومن العصريه لحد الان لساتني هدأت شويه وقدرت اكتبلكم حكايتي..حرمت اروح ثاني مره وبرجع لدكتورتي بالخاص والمستشفى بروحلهم وقت الولاده
اتخيلو اوري الدكتور ادويتي واستغرب كأنه اول مره يشوفها ويقلب فيها وهي فيتامينات عاديه واقله فيني تقلصات يقولي القولون ..اقلكم يوم استغفر الله العظييييم 😭😭
ذكريات حبيبتي تقولي الدكتوره الراس تحت الحمدلله بس مش في الحوض لساته مرتفع ..رغم اني قريت انه المفروض يكون نزل الحوض
صح نسيت اقلكم بعد هذا التعب كله رفضو يجيبو لي اي شي او اي نتيجة تحليل الا بعد اسبوعين يعني ولا استفدت شي
امانه يابنات كيف بستحمل التقلصات اسبوعين ..الان مضطره ارجع لدكتورتي وتشوفلي ايش الحكايه..شفتو الغبن
معي حكايه طويله احكيها لكم ايش اللي حصلي في اول يوم لي في مستشفى الولاده اللي بولد فيه طبعا حكومي...
لان في بعضهم يخلو الصق مايشيلوه الا بعد ثلاث ايام وبعض الدكاتره يشيلوه قبل لاتطلعي من المستشفى وبعضهم يقولوا لاتجي المويه ع الجرح وبعضهم عادي
وبعضهم يقولوا عاددي البسي مشد وبعضهم يعارضوا
وبعضهم الخياطه تكون كبس وبعضهم ليزر وبعضهم خيوط
يعني كل مستشفى وكل دكتور وله طريقته