ياخزياه فيكم ماعلمتكم اني ولدت الحمد لله جبت ريم ورنيم قبل العيد بيومين - عملية - وكنت ٣٧اسبوع ويومين نعطيكم الاكشن .. وشكلي بقلبها سالفه خخخخخ وسعوا صدوركم عليها راجعت في نهاية حملي بمستشفى الملك خالد الجامعي في الرياض .. المستشفى فوق الممتاز من دخلت لين طلعت من عندهم .. ممرضاتهم عسسسسل وكل شي كان تمام يارب لك الحمد والشكر الشي الوحيد اللي تحسفت عليه اني ماجبت حليب صناعي معي :/ وتجيكم السالفة اول حمل لي ولدت عملية لان الجنين تبرز ببطني ثاني حمل اللي هو حملي ببناتي .. كانت الاولى نازله براسها والثانيه معترضه المستشفى بهالحاله يقدر خلال الولاده يقلب الجنين الثاني ويجون كلهم طبيعي بس مشكلتي ان ولادتي الاولى عملية .. خافو ان الجرح ينفتح لو تدخلو وقلبوها كثير كانو يقولون التوائم لازم عملية !! والسبب يخافون الاول يطلع والثاني ينقلب حتى لو كان راسه تحت من البدايه وبعدها يحولون عملية .. وتجربين كل الولادتين !!! فعلا الكلام صحيح لكن بنسبة ١٥٪ تتحول ولادتك لعملية بعد ماتولدين الاول عموما اللي وضعها يسمح توكل امرها لله وتستخير .. لاتوافق ع العملية على طول نكمل .. حددو لي موعد العملية ثاني يوم بعد العيد .. وقلت لامي اخر المستجدات ان عندي موعد سونار ثاني العيد وبيحددون لي اذا عملية او طبيعي << يقالكم البنت الباره ماتبي امها تشيل همها خخخخخ مع اني بولادتي في ولدي تحسفت اني ماقلتلها بس الحمدلله قدر الله وماشاء فعل الاوجاع كانت مستمره من الثامن وكل يوم احس اني بولد :) لين جا ذاك اليوم - يوم الخميس فيني تكه وغلقه ومالي خلق شي وجوعانه بس مدري وش اكل .. الساعة ١١ الليل واشوف وحده في السناب مسويه عجينة البف وقومي ياسميه وزينيها واعجني ودخليها الثلاجه وسوي لك خبز وجبن << طيب يالنفسيه كان من البداية ماسويتي شي وحستي المطبخ :) نمت .. وقمت الفجر اصلي بس مااااش فيني وجع :/ صحيح انه نفس العاده بس قلبي نغزني ( كل مره قلبي ينغزني اني بولد اصلا ) صليت وقلت لابو الشباب لاتطلع اليوم اخاف يجيني شي احاول انام عجزت لين جت الساعه ٨ وقومته وورحنا للمستشفى ( محدثتكم ساكنه برا الرياض ب٢٠٠كيلو) ولازم اشوف وضعي بسرعه عشان يمديني امشي شايله هم وخايفه اني اولد بالمستشفى اللي عندنا :( رحت لهم ومن دخلت اقولها اخلصي شوفي فيه مواري ولاده ولالا عشان يمدي امشي .. ترى من الحين مانيب والده عندكم وان مسكتوني بنحاش سوت سونار وبعدين دخلتني ع التخطيط وطلع فيه طلق بس خفيف قالت الا بكشف عليك وعييت عليها قالت لازم اكشف لان لو صار لك شي انا المسؤوله قلت اخاف تحرضيني وتجيني ولاده واولد عندكم << هذا همي خخخخخخخخخخ وكشفت قالت فتح نص سانتي قلت يعني امشي للرياض ولالا قالت الا امشي ولازم ينومونك عندهم انتي دخلتي في الولاده رجعت لبيتي خذت شنطتي وقلت للشغاله تنتبه لولدي وبكلمها اعلمها وش يصير عليها طلعنا ومرينا المزرعه لان ابو الشباب بيركب استبنه سيارته << في حال ؟ اللي مهونها اني حاسه ان طلقي خفيف مب اللي ينفض او طلوق متقاربه مرره ومن المزرعه مسكنا خط الرياض .. دخلت الاسعاف ورقوني للتخطيط اسمع صرخه من بعيد اقول وش ذي تقول تولد قلت شكرا :) وقدامي وحده ياعمري تستفرغ من الطلق عورني قلبببببي :( دخلت علي دكتوره شكلها امتياز وقالت وش تبين طبيعي او عمليه قلت تستهبلين ؟ الدكتور مقرر لي عملية ودخلوني الحين ليش اتحمل طلوق ووجع واسمع اصوات تعور القلب وانا اخرتها عملية :( قالت وضعك مايحتاج ونقدر نولدك طبيعي !! خليت زوجي يدق على الدكتور يعلمه اني موجوده عندهم فوق ويشوف وضعي .. وانا رحت اصلي الظهر والعصر جمعا وقصرا .. وبعدها استخرت بالولاده ووكلت امري لله رجعت لغرفه التخطيط والقاهم مجهزين عدّة العملية .. الدكتور كلمهم وقال دخلوها العمليات الحين ارتحت الحمدلله وجهزوني للعملية .. دخل طبيب التخدير وسألني كم سؤال وبعدها قال بنعطيك بنج نصفي قلت تمام هذا المطلوب .. ولادتي الاولى بنج كامل وابدا ماحبيته النفسيه زززفت وغير كذا متعب مره وسمعت ان النصفي احسن علمني الطريقة ووش اسوي اذا ضربوني الابره وان الوضع سهل ووووالخ يعني ريحني نفسيا من الاخر دخلت العمليات .. لحظه ماقلتلكم وش صار ع ولدي والخدامه وامي في وضعي هذا لازم اعلم امي باللي صار عشان تروح تاخذهم من بيتي قلت اول مااوصل المستشفى بعلمها وياعمري هي شالت همي قلت ماعليك انا موكله امري لله واللي فيه الخير بيصير عمليه او طبيعي المهم نقوم انا وبناتي بالسلامه .. وراحو خذوهم من بيتي وهي ياحياتي معي ع الواتس اب تشوف وش صار علي .. عارفتها امي ماتتحمل وتشيييل هم بس مافي اليد حيله :( دخلت العمليات وطبيب التخدير معي الله يجزاه خير وضربني الابره طبعا اختكم في الله يوم يجيها قبل غرفه العمليات و يعلمها طريقة الابره وهي مستحيه وغايصه بعباتها ونقابها مادرت انه بيشوف البلاوي كلها ههههههههههههههههههههه ياخزياه بس اقول للمرضه عطيني كمامه عطيني شي لشعري وش ذا عيب عطتني حقت الشعر الخضراء ذيك .. والكمامه رفضو .. بس حطو لي اكسجين انسدحت وحطو حاجز ستاره بيني وبين بطني اقول لطبيب التخدير لايفتحون بطني وانا ماتخدرت قال ماعليك حنا موجودين وانا على اعصابي اخاف احس بالشق خخخخخخ شوي ويجيني باكستاني يمسح ع شعري يهديني يقول معليش بيبي انتي مافي ألم ان شاء الله مع العملية .. سلامااااات !! خخخخ بس في وقتها الواحد مهب في حال شي الله يرحم حالنا احلى فقره .. يوم قالي شوفي بنتك الاولى طلعت واناظرها وهم يحطونها في الطاوله وينظفونها ويدخلون انبوب بحلقها اقوله وش فيها ليش ماتصيح ؟ << مدري بس في بالي اي طفل يطلع ع طول لازم يصيح ولا ؟ قال شوي وتصيح .. ويوم صاحتدمعت عييناتي ياجعل امهاتنا في الجنننننه الباردة :( :( قلت وين الثانية ؟ قال شوفيها هناك ووخر الستاره شوي عشان اشوفها بس كانت بعيده قلت المهم كلها بخير قال ايه خلصو تنظيفهم وجابوهم عند خدي كل وحده لحال مشاعر عجييييييييييبه .. لو اوصفها من اليوم لبكره ماتنوصف يارب لك الحمد والشكر بينهم دقيقه وحده طلعت لغرفه الافاقه وفيني صحصحه عجيبه اقول للممرضه اخلصي وديني لغرفتي وجيبي جوالي << بعدها بساعه وانا منتكسه وبموت من الوجع وتضحك علي تقول اجل تبين غرفتك وتقولين انك طيبه خخخخخخخخخخخ بس سبحان الله من الفرحه ودك تطيرين وودك تكلمين امك واهلك وزوجك وتبشرينهم انك ولدتي :( اول مادخلت الافاقه ابي جوالي اكلم احد بس رفضو ويقولون اصبري تطلعين من الافاقه كل من مر من الغرفه اناديه ابي اكلم بجواله بس محد يسمعني.. رحمت نفسي والممرضه اللي عندي تقول ممنوع نعطيك جوالاتنا اخر شي قالت انتي ليش تنادين الناس ؟ قلت ابي جوالهم اكلم << انرحم :( وعطيتني جوالها وابشركم امي جوالي صار معلق وطافي يوم ادق اختي نازله عليها السكينه تقول رقم غريب وش يبي ! زوجي هو اللي رد اشوا وشوي ودخلته الممرضه عندي وقالت لك خمس دقايق ماينفع تطول بعد مارحت لغرفتي جاني زوجي في اخر وقت زياره وطلع وبعدها امي وجابت الخدامه ابيها مرافق عندي النوم حدث ولا حرج وكله من هالمرافقين ازعاااج غير طبيعي الله يهديهم ومن تطق الساعه ١٢ الليل وهي تقرق على اختها الوالده ومايسكتون الا ٩ الصبح :( عجزت انام اقول للممرضه قولي لهم يسكتون بس ماعندك احد هذا غير ان المرافقه كانت مصخنه وانفلونزا وحالتها حاله يقولون لها الممرضات انزلي للطوارئ لاتنقلين العدوا للناس والاطفال وكنها تكلم جدران بناتي خذوهم اول يوم .. وثاني يوم يجيبون وحده وياخذون الثانيه لين جا ذاك اليوم كنت تعبانه ابي انام وهاللي جنبي بالعين مسجل ماسكتو .. انسدحت وشوي يدخلون علي بنتي الاولى يبوني ارضعها رضعتها وناديتهم وخذوها شوي ويجيبون الثانيه ورضعتها وكلمتهم ياخذونها .. قلت الحين بنام نومه محترمه خذوها ودخلو الاولى علي يالله رضعيها !!!! قلت تستهبليييين مانمت ابي انام وخلاص مافيني حليب اصلا خلوها عندكم عيت وقعدت تقنعني بالرضاعه الطبيعية وفوايدها !!! انا لا اراديا جلست اصيح ومشاهق الشرهه عرفتوه :( انخرشت وش فيك وهذا بيبي انتي ومدري ايش كرشتها شغالتي وطلعتها هي وبنتي خخخخ وجلست تمسح ع راسي .. حسيت بالضعف وقتها :( يوم جا الصبح ويجيبون بناتي عندي كلهم .. ارضعهم ويصيحون مافيه فايده صدري ناااشف لان التغذيه سيئه والحضانه رفضو ياخذونهم ورفضو يعطونهم صناعي يقولون حليبك احسن .. الله يقلع بليسكم داريه ان حليبي احسن بس من وين لي حليب الحين عجزت فيهم وبناتي بيطيرون من الصياح وانا معهم قفلت اخلاقي.. كان يوم عيد وزوجي راح يعيد عند اهله ع اساس بطلع ثاني العيد ويجي ياخذني كلمته عقب ماخلص ضحاياهم قلت اذا قمت العصر تعال وخذني مالي جلسه هنا :( المغرب امي جت عندي وكرشت ابو جد الحضانه لين عطو البنات صناعي تحسفت كثر شعر راسي اني ماجبت رضعاتهم وحليبهم معي جا زوجي وطلعت الحمد لله وبناتي معي .. كنت بعربيه شايلتهم كلهم قلتله وقف وصورني .. هاللحظه من اجمل اللحظات ... وتوته توته خلصت الحتوتهياخزياه فيكم ماعلمتكم اني ولدت الحمد لله جبت ريم ورنيم قبل العيد بيومين - عملية - وكنت ٣٧اسبوع...
ماشاء الله العيد صار عيدين عندك فاتكك اجل الكبده والمفاطيح خخخخخ 😁 حبيت الاكشن انتي مثلي المستشفى اللي بولد فيه يبعد عني 150 كيلو
الآمرية
•
ألف الحمد لله على سلامتك سموحة
و سلامة الكتاكيت
استمتعت جداً مع اكشن الولادة ما ودي تخلص هههه
ننتظر منك عاد تكتبي قصة ثانية عن الصعوبات اللي واجهتك بعد ما رجعتي البيت و كيف استقبلوا الناس خبر التوأم و كذا.
يا الله عقاب انك ما خبرتينا بولادتك بسرعة تكتبيقصة ثانية هههههه
و سلامة الكتاكيت
استمتعت جداً مع اكشن الولادة ما ودي تخلص هههه
ننتظر منك عاد تكتبي قصة ثانية عن الصعوبات اللي واجهتك بعد ما رجعتي البيت و كيف استقبلوا الناس خبر التوأم و كذا.
يا الله عقاب انك ما خبرتينا بولادتك بسرعة تكتبيقصة ثانية هههههه
الصفحة الأخيرة
الله يسلمك ويخليلك سميتنا ووه