ماشاء اللہ تبارك الله الف مبروك ماجاك سميحه والحمدلله على سلامتك وسلامة الحلوات الله يرزقكم برهم وصلاحهم ويجعلهن من الصالحات
اكشنك مره حلو😍😍

صباحكم سعاده وسرور ورضا يارب 🌸😍 ،ماشاءالله مجلسكم مشتعل امس هههههههه ،
بنتن لبابا قدامك العافيه كثري مويه اهم شيء واشربي بيره بعد
،
هوني قدامك العافيه ، وانتبهي مو بس من الحلويات حتى من الفواكه والعصيرات دوري شيء يناسبك ما يرفع السكر
،
مهندسة قطر ولونلي انا زيكم حالة اسناني بس اللي سويته افرش بشويش وابتعدت عن الاكل القاسي زي التفاح والخ
،
ميشو الله يسهل امرك ويفرح قلبك انتي والتواسع النايمات 🌸
،
نجي لسميحه 😂😂😂😂 حبيلك وه زينه من اكشن ضحكتيني وانتي توصينهم ما يشقون وانتي تحسين ههههههههههههههههه الله يسعدك ويحفظهم لك حبيت اساميهم مره ، اما النوم في غرفه مشتركه ماتقدريننن ، بغيت اسألك يارب تقرين ما صدقت ظهرتي لنا هههههههه البنج الابره وين عطاها لك الدكتور ؟ ،و مثل ما قالت يا بنات ترا بس تدخلين الثامن تحسين انك بتولدين من قوة الضغط والحركة على تحت والله اني قاعده احياناً وتجيني ذيك الضربه اللي على تحت واصيييح من وجعها ومن الفجعه احس اني بولد 😂😢 صبر جميل والله المستعان

اللهم لك الحمد حتى ترضى ولك الحمد اذا رضيت ولك الحمد بعد الرضى ❤❤❤ اللهم صلِّ وبارك على حبيبنا محمد وعلى آله وصحبه وسلّم تسليماً كثيرا

نجي للتجهيزات ،
اول شيء المدسات هذه اللي ارسلتي صورتها يا هوني ما فكرت اشتريها ابداً زحمه يا دنيا زحمه مع اثنين بعد ، لكن جيبي المدس الكروشيه الصدق اجمل وارتب واصغر ومكثر الحسابات اللي يبيعوننه ، والسرير شريت استخدام اول قولوا ثلاث شهور سرير مستطيل الشكل سعره 399 يجي بلحافه وتغطيته وستاره من سنتر بوينت خذته لأنه وسيييع يكفي اثنين بالرااااااحه لأنهم صغار بس شلت الستاره وسوست بي 😂 المشكله الوانه موف وبنك وازرق واصفر وبيج وانا ابي اجيب بيج لأنه ما ادري وش العلم من كثر ما حاسوني ويالله يالله لقي البيج زوجي بعد ما سلم على فروع سنتر بوينت كلها 😂 مخلص من كل الفروع حتى اللي لقاها كان اخر حبه بالعرض ، لكن مره حلو وحتى مثبت زين وما يتهزهز ولا يتحرك فيه كفرات تثبتينها انتي ، والملابس شريت لكل واحد 4 باربتوز نيوبورن و ثلاث من مقاس 0-3 ، بجايم اللي تجيك متصله مدري شسمها احسها مريحه لهم خذت 4 لكل واحد مقاس نيوبورن ووحده مقاس 0-3 و بجامة منفصله وحده من 0-3 ، و طقم متكامل مقاس نيوبورن لكل واحد اللفه واللبس وشراب وقفازات والحبل اللي تربطين فيه اللفه والطاقيه وطبعاً بربتوز واللي تنلبس حول الرقبه عشان الترجيع قلت للاستقبال ، المناشف خذت روب دي شامبر لكل واحد وهه يازينه شكله يخرفن ههههههه، وشريت بطانيتين ثقيله كون اننا داخلين على الشتا ، شريت من سنتر بوينت هذه اللي تنحط حول الرقبه ههههه ودي اعرف اسمها طقم كذا 8 قطع بيضا من فوق قماش ومن تحت بلاستيك احسن عشان ما يوصل لملابسهم البلل ، وشنطة من سنتر بوينت لهم خذت حجم وسط كونهم توأم ان شاءالله تكفي ، ومروش بس كبير مره مالقيت الصغير اللي فيه زي القطعه البلاستيكه للحمايه هذا احسن بس يلا ، اي تذكرت شيء بعد شريت من سنتر بوينت لفه تجيك جاهزه فيها لصقه ومقصوصه ومريحه تلفين البيبي فيها وتلصقينها شريت علبه وحده فيها ثلاث حبات مكتوب عليها swaddle me قلت بجربها واذا تمام برجع اشتري
،
عساني افدتكم هههههه مابقي الا ملابسي اقول وش شريت متحمسه ، الله يتمم علينا 🌸

بقشة حلاو ، ودي تطلين علينا تطمنينا عن نفسيتك وكيف عسى فادتك التحاميل ؟ الله يكون في عون الجميع