الله يعطيك العافية حبيبتي البراءة

ومبرووووووووووووووووك علينا التجمع 20

ولي عودة للاسئلة ... لاني ارد من جوال الحين

الف مبروك التجمع الجديد وتسلم ايديك بروؤة والله يجزاك الخير
بالنسبة للأسئلة تبع النفاس انا مالي شي معين اهم شي
الاكل الصحي ومشروب حار حلبة وقرفة وقشر وزنجبيل
غير المره اكسرها صغار واكلها مثل الحبوب لزوم الالتهاب
والشمم مايجيني بإذن الله خصوصا ان ولادتي عمليات
النونو على يد ماما الله يخليها لي تحممه كل يومين وليلة
حمامه ندفي زيت زيتون وسمسم وتمسج البيبي وتدفيه و
تكوفله كمان اول ايام ولادته تاخذه لجدتي وتحنكه الله يسعدها
وبما اني بجيب ولد بإذن الله تعالى الطهار يكون بثاني اسبوع
وماما تهتم بجرحه كل يوم تصب صب عليه زيت زيتون وتصك
الحفاض عليه بدون اللصق تبعه وتلبسه كلها يومين وتطيح الشاش
الي عليه ولو ماطاحت ترجع للي طهره ويشوفه ويفك اللفه وتستمر
يومين عالزيت وخلاص كل شي يصير تمام
امممم تجهيزات البيبي لسى حبيباتي ماجهزت زوجي يقول
بكره نروح للطبيبة ونتطمن عالبيبي ونتأكد انه ولد وبعدها
نبتدي نجهز

والله يتمم لنا جميع على خير وسلامه

1- بكريه ؟ اذا لا هذا الحمل رقم كم ؟
لا مو بكرية الحمل الخامس والطفل الثالث الله يحفظهم

2- نظامك بالنفاس ولو كنتي بكريه اذكري نظام اهلك بالنفاس من ناحية :
أ/ نظام الاكل واللهوم والاعشاب بشكل عام ؟
نظام الاكل بالنفاس
1) احرص على التغذية الصحية 6 وجبات ماشاء الله لزوم الرضاعة والحفاظ على الوزن
2) اشرب الماء بدرجة حرارة الجو مو بارد
3) اشرب العصائر الطبيعية
4) مشروبي المفضل منقوع التمر مع الشمر والقرفة وقليل من الحلبه 4 مرات باليوم مغلي لمدة 10 دقايق
5)ابتعد عن القهوة والشاي والمنبهات
6) اتناول السلط والفاكهه
6) بعد شهر ازاول تمارين شد البطن لتقوية الظهر وشد البطن المترهل اهم شيء
اطلع من النفاس بدون كرشه

نظام العناية الشخصية والعناية بالمنطقة الحساسة وتعقيمها
1) احف جسمي قبل لا اولد وبالذات المنطقة الحساسة عشان النفاسة تكرمون :35: ما تتلوث المنطقة
2) استخدم غسول سبيداميد كل يوم
3) لجسمي صابون فازلين ثم صابون روز من بدي شوب لازم 2 صابون
4) شامبو يا اسبيداميد او شامبو الاطفال من جونسون
5)الترطيب فازلين لاظافري لانها تشقق مع الحمل والولادة
وجسمي مرطب فازلين ووجهي مع الرقبة صابونة ومرطب بزلين
واستخدم مزيل العرق من بزلين لانه مبيض للمنطقة وما اطلع من الاربعين الا اختفى السواد
6) استخدم فوط الويز البنكي واغير كل 3 ساعات
7) احط على الفوط نفسها قطرات من المرة المنقوعه للتعقيم
8) الخياطات ابدا ما اقدر اقرب منها لانها غرز كثير عندي 20 داخلي و10 الى 9 خارجي
فقط شطف بالديتول ووضع جل من المستشفى مو فاكره اسمه
9) اتجنب ولا اقدر استخدم العربي تكرمون استخدم الكرسي
10) اتجنب الامساك لانه يفك الغرز
11) بعد 10 ايام من الولادة ابدا بالبانيو الساخن مرتين باليوم مرة مع الملح الخشن ومرة بالبيتاديين
وبعده اشطف بالديتول واحط الجل
12) اسبح مرتين باليوم بدون شعري وشعري كل يومين
13) البس شربات ولفافات على الراس

3- اخطاء ارتكبتيها في نفاسك سابقا ؟
الغلطة اللي ارتكبتها ببكري الله يحفظه تعبت أمي حيل
وراحت المشفى تنومت وانا نفاس قمت غسلت الملابس
وشلتها وهي مبلولة الغسالة عادية فهبط الرحم وارتخت عضلاته
أكبر غلطه تشيلي شيء ثقيل وانتي نفاس وظهرك مفتوح
والهبوط هاد طول معاي وكان من اسباب الولادات المبكرة

4- امور تنصحين فيها للنفاس ؟
انصحها بالتحصين لها ولطفلها اهم شيء
واذا تنفست عندها امها تراعي امها مو تترك كل شيء عليها
حتى البيبي يكفي انها تهتم بيك وباكلك ونظافة لبسك ولبس طفلك وتستقبل
ضيوفك كمان تعطيها البيبي اخر الليول وتنامي ابد مو حلوة ومو من البر
خلي نفسك حلوة مع اهلك وزوارك لاني الاحظ كثير نفوسهم شينه وزعلانات وبس
يعطون اوامر اوكي انتي تعبانه وتعانين شيء يوجع بالذات الخياطات لكن مالهم ذنب
تنكدين عليهم :06:

نظمي لبسك ولبس طفلك ومسلتزماتكم قبل لا تولدي مو تحوسي العالم معاك سواء شغالة او زوج او ام او اخت

5- كيفيه معاملة الطفل خلال فتره النفاس من رضاعه وتغيير حفاظ واستحمام ؟
الطفل يعلمك معنى الصبر وطولة البال بالذات اللي اطفالهم صياحين
ينامون فقط 2 ساعة متواصلة مافي امل اكثر من كذا ويصحى يبكي وينام وهو يبكي
بسبب وبدون سبب فمن اللحين كل وحدة تتعلم طولة البال
وتصبر على قلة النوم
اولا التغذية
1) اهم شيء الرضاعة الطبيعية
2) عقمي 6 رضاعات يوميا قبل لاتنامي افضل بيجون وهالمرة راح اجرب ماركة ايفنت
عشان ممكن يقل حليبك فتكون الرضعات جاهزة
3) جهزي الموية الدافئة بالترمس كل ست ساعات وجنبها الحليب والرضاعات بتبسي او سلة
4) المشروب اللي لازم يكون معاكي موية غريب للمغص مسكن جيد
5) احب اعطي اطفالي مشروب الحلبة مع سكر نبات
العناية الشخصية
1) اسبحه كل يوم وبعد التسبيح احط زيت اطفال وفازلين على صدره عشان
ما يدخل الهواء صدره واسبحه بدون بانيو احط الاسفنجة في المغسلة والطفل بحضني
2) بالليل ادهن جسمه بزيت زيتون او زيت سمسم مع ملابس مخصصه لان الملابس
تمسك ريحة الزيت فيها
3) النظافة افضل اغسله بالماء وسائل الاستحمام تكرمون وما تعجبني المناديل وبعد الغسل احط فازلين كثير
تحت عشان ما يتسلخ والحمد لله عيالي ما يتسلخوا
4) استخدم بودرة السرة والختان على طول لمدة 7 الى 10 ايام
5) اغسل لبسه باريال الاخضر والوزير واشطف باللينور ولوحدها
6) اعطرها قبل لا يلبسها الطفل
7) بالضرورة تشتري اكياس الحفاظ المعطرة للحفاظ على نظافة الباث وما تزعجي احد


6- نصائح للرضاعة الطبيعيه وادرار الحليب ؟
المشروبات الساخنة وافضل شيء منقوع الشمر والحلاوة الطحينية

صباح الخير

1- بكريه ؟ اذا لا هذا الحمل رقم كم ؟ ( ماشاء الله )
لا موبكريه هذي الحمله الثامنه

2- نظامك بالنفاس ولو كنتي بكريه اذكري نظام اهلك بالنفاس من ناحية :
أ/ نظام الاكل واللهوم والاعشاب بشكل عام ؟
بالنسبه للاكل ضروري افطر بيض ولهوم وحليب الحين الحليب يتعبني مادري شبسوي
والظهر عصيده
والغدا دجاج او لحم مسلوق مع خبز بر مااحب المرقوق وهذي الشغلات
بس والعشا اي شي واحيانا اتعشا عصيده
الاعشاب الشرب اشرب زنجبيل ويانسون هذا الاساسي واحيانا احط حلب معاه واحيانا لا

ب/ نظامك بالنظافة الشخصية والمنطقة الحساسه وتعقيمها ؟
بالنفاس الحمدلله ماتخيطت الا مره الباقي بدون خياطه
كنت اتوضا بالارطا والمره او ملح لحاله
ولعمليتي الاخيره كنت اسعمل معقم زي الايدين ومسحات طبيه
واحط بودره طبيه اللي تستخدم للسر احنا نسميها دجنان مادري الاسم كذا صح والا لا
بعد سبوعين من العمليه صرت استعمل زيت زيتون معاه خواجوا وقطعة مره وحده
3- اخطاء ارتكبتيها في نفاسك سابقا ؟

اخطاء ايه بنفاسي بطلت الحلب بدري فصار ظهري يعورني على طول الخط
من بعده صرت اخذ الحلب شهر
وانا بعد ماانسدح بالنفاس دايم قاعده او امشي يقولون انه غلط
4- امور تنصحين فيها للنفاس ؟
انصح ان الوحده تهتم بتغذيتها عشان تعوض جسمها
5- كيفيه معاملة الطفل خلال فتره النفاس من رضاعه وتغيير حفاظ واستحمام ؟
تغيير الحفاظ مالي عدد معين وغالبا الطفل يسرب وكل شوي تغيرين كل ملابسه
الاستحمام يوميا لان السباحه تنشط الطفل وتخليه يشد
طبعا الاطفال الخدج مايتسبحون اول كم سبوع
6- نصائح للرضاعة الطبيعيه وادرار الحليب ؟
الرضاعه للاسف انا جدا فاشله بالرضاعه الطبيعيه يارب هالمره ارضع
ولعيالي كلهم استخدم حليب اس 26
7- تجهيزاتك لنفسك من ملابس ؟
التجهيزات لنفسي اخذ روبين كشخه وبجامات وارواب عاديه
8 - تجهيزاتك لطفلك ؟ مع ارفاق صور ان وجدCOLOR]
لالحين ماجهزت:26: