السلام عليكم
اسعد الله صباحكم ،،،،


أختي .. جروح جده
اسأل الله العلي العظيم انه يعوضك بخيري الدنيا والآخرة
والله لايحرمك الأجر
الحمد لله على قضاء الله

يمكن مارح تستفيدوا كثير من إجابتي على الاسئله بس احب أني اكتب تجربتي


1- بكريه ؟ اذا لا هذا الحمل رقم كم ؟ ( ماشاء الله )
لا ...الحمل الثاني
2- نظامك بالنفاس ولو كنتي بكريه اذكري نظام اهلك بالنفاس من ناحية :
أ/ نظام الاكل واللهوم والاعشاب بشكل عام ؟
ماستخدمت اي خلطات للنفاس فقط كنت اكل اكل صحي تماماً
واشرب قهوة القشر ومغلي القرفه واستخدمت الثفاء فقط الاسبوع الاول
ب/ نظامك بالنظافة الشخصية والمنطقة الحساسه وتعقيمها ؟
استخدمت منقوع الملح والغسول فقط
3- اخطاء ارتكبتيها في نفاسك سابقا ؟
مااهتميت بحالي كثير لأمن ناحية الأكل او اللبس
طبعا أمي الله يحفضها ما قصرت بس أنا كنت ارفض أشياء كثيره كانت تقدمها لي طبعا جهل مني
ومن الاخطاء المفروض أاخر استخدام الثفاء بعد الأسبوعين الاولى
4- امور تنصحين فيها للنفاس ؟
تلتزم بالاذكار وتكثر من الاستغفار وسماع القران
لأني عانيت من كآبة مابعد الولادة كانت دموعي طرف عيني دائماً
كنت مستغربه من حالي
رغم أني ولله الحمد مداومه على الاذكار
بس بعد فتره عرفت انه في شي اسمه كاابة مابعد الولادة
5- كيفيه معاملة الطفل خلال فتره النفاس من رضاعه وتغيير حفاظ واستحمام ؟
استحمامه الطفل تقريبا يوميا واحيانا يوم بعد يوم طبعا بمجموعة جونسون
الرضاعة طبيعيه وراح ادخل الصناعي من مرتين لثلاث في اليوم

6- نصائح للرضاعة الطبيعيه وادرار الحليب ؟
البنات ماقصروا طبعا الحلبه والطحينيه حلوه للشي هذا وطبعا ما اكثر منها عشان الوزن واستخدمها في الوقت الي احتاجه
7- تجهيزاتك لنفسك من ملابس ؟
ان شاء الله قريبا
8 - تجهيزاتك لطفلك ؟ مع ارفاق صور ان وجد؟
قريبا وكلي شوق ان أجهزتها


ألقاكم على خير


البرائه
الله يجزاك الف خير على الملف
ام دانه
الله يسعدك على الاسئله الي كتبتيها ماقصرتي مرررره استفدت من تجارب البنات
زهره وفيفي
الله يسعدكم وين ماكنتم ولا يحرمكم اجر تعبكم

صموته
الله يهون عليك وييسر لك الي فيه خير لك


استودعكم الله الذي لاتضيع ودائعه

صباح الخير’’

ملهمه

الله يوفقك باختبارات يارتك يارب ؛؛ وعن سالفة جار زميلتك ؛؛ لوومنها ابلغ عنه ؛؛

هذي اخرتها .. نشتكي من الشغالات والهنود يدخلوون على البيووت ؛؛ وبالنهايه يطلع واحد من جيرانا


واحه,,

ههههههههه ضحكت على فاعله خير خخخخخ


معتس وقت تفصلين ؛؛ والا تبينه جاهز...!!


دنياك ... الله يعينك والله المذاكره مع الحمل هم على القلب ؛؛

<<ززيك تدور في الصبغات والقصات هههه


جنــونه .. يتهنى فيهاا النونو يارب شكل اقمشتها حلوووه

صباح الفل دانا
اي والله هم

فتافت بحاول اضغط على نفسي ويارب التوفيق

صباح الانوار
كيفكم ياحلوات

اليوم باذن الله اخر يوم للمطبخ مبسوطه  اخيرا
وامس رحت اشتريت النواقص الي احتاجها للمطبخ وشوية اكسسوارات لزوم التغيير عشان احس بانجاز 

بما ان الجميع يفضفض ههههههه انا حابه اشكي لكم من شيء
يابنااااااااات انا ماانام زين
اتعب كثير عشان انام نومه حلوة احس بكتمه بين فترة وفتر ويقوم عليه الحرقان فجاه من غير اني كل ٥ دقايق اقوم من غير شي كذا اقوم واقعد وقت لما اقدر ارجع انام 

اهلين دانا ودنياك

الي عندهم دراسه واختبارات الله يوفقكم ويسهل الامتحانات عليكم

جنونه
يتهنى العريس بهالتجهيزات الحلوة

واحة
الجاهز مليان للحوامل وشيك وممكن تفصلي وخذي القطعه الي عالصدر فخمه وكرستالات بس القماش الي تحت سمبل وخفيف

اما جلابيه ماايد بتكبرك بالسن وحرام احس الحمل حلو لو لبستي شي يناسبه
انا لو تم فرح اخويه بصير بالتاسع تخيلي بس ربك يسهل ليته يتم ومو مشكله الباقي