احتاج للتغيير :

جئناكم المهم ياطويلات العمر والسلامه استمرت على ذا الحال نكون مجتمعين عند اهلي وسهرانين ماتفرقنا الا الساعه 12 في الليل وبعد 3 او4 ايام تقول امي اختكم س تسلم عليكم في النمسا ! متى راحت يمه؟ فجر اليوم اللي سهرتوا عندي طيب ماعلمتنا وماجابت خبر ليش؟ السفر يبي استعداد وشنط تتقفل وبيت يتعزل اكيد كل هذا مسويته قبل تجي يا الله اذا راحت للبيت تنام لها كم ساع قبل السفره اكيد والغريب بناتها مايجيبون طاري حريم ماشاء الله يتكلمون في كل شي الا حياتهم امي ترد الله يعين يمكن رجلها يقول لها لاتعلمين طيب هي امعه ماتعرف الصح من الغلط؟ لو قالت لنا هل بنروح نقول لزوجها ترانا دارين هذي هي تحكي فيه انه وانه وانه بالحش وما خافت ياصله الحكي يوم جاء السفر وغيره مهيب ضامنه سريه المعلومه هههه طيب ماتعرف انه ضروري تسلم علينا وتستودعنا الله قبل ما تسافر؟ من السنه فعل ذلك وين الدين اللي تدعيه الناس يعنون ويسلمون على اهلهم قبل يسافرون وهي معنا ماتجيب طاري واستمر المنوال على هالطريقه سكتم بكتم الى ان جاء يوم وكانت امي عندي في زياره وسالتني قالت انتي حطيتي شبك حمايه للشبابيك في بيتك قلت ايه ليش؟قالت ان اختك س تسالني عنك تقول احتاج للتغيير حاطه شبك حمايه؟ واني قلت مدري والله ابشوف وارد لك هنا انا بتلقائيه بالغه قلت ليش؟ قالت انهم يعمرون وان ابوهم يقول ابحط وهي تقوال اصبر ابشوف في هاللحظه جتني دوخه وحسيت الارض تدور بي بس حاولت قدر الامكان اني ما اوضح هالشي قدام امي علشان ما اضيق صدرها وعلشان ما تتندم انها قالت لي قلت ببرود متصنع -مكشوف امره- ليش هم يبنون؟ والله قلتها وريقي ناشف من هول الصدمه ليش كذا واصله لحديد الحمايه وحنا اخر من يعلم ولاولا انها احتاجت تسال كان ماعلمتنا ويمكن لو كانت امي جاوبتها في الحال 0-عن شبك الحمايه-بدون ماتقول لي كان مادريت ابد:44: الصراحه ماصبرت قلت لامي ليش ماتعلمنا انا يوم شريت الارض علمت خواتي ويوم بنيت ناديتهم كلهن علشان نتعشى فيها قبل نسكن وداروا فيها كلها الى لسطح وكنت حاطه مسبح بلاستيك وسبحوا الاطفال يعني كشته حتى الحارس كان مازال في الموقع مستغرب اننا جينا وهي تحت التشطيب هههه الصراحه امي وصلت لها عتبي عليها واننا اول من بيفرح لها ليش ماتعلمنا ومن هذا الكلام قالت امي يمكن زوجها يعييها تحكي الصراحه استغرب رد امي وكانها تبرر لها فعلتها للمعلومه امي امرئه بسيطه وشبه مغلوبه على امرها عندها مبداء في الحياه الرضاء بالواقع مع عدم تغييره للاسف هالسلبيه اثرت كثير في مجريات الاحداث يفترض يكون لها دور اقوى في رأب الصدع ولم الامور قبل ان تستمرى س في سلوكياتها ومرت الايام وكالعاده سافرت س في عطلتها السنويه الي بلد بعيد واخذت جوله اوروبيه في 3 دول عرفت من بعض الاخرين اللذين تنتقيهم لتخبرهم بامورها الخاصه وبعد ان جائت السفر بكم يوم قلت خل نتواعد معهم نروح نلعب عيالنا ونشوفهم عقب السفر اعتذرت ان نومهم متلخبط وينامون الى العشاء ويواصلون ومتلخبطه امورها وراها غسيل وترتيب بيت انا هنا سكتت ما علقت بمعنىاصح صدقت وبعد اتصالي عليها ب3 ايام دريت انها سكنت بيتها وماثثه بهد! الله يوفقهم ويكتب لهم الخير فيه بس ليه كذا حنا عندنا بيت قبلهم بكم سنه ولوو علمتني كنت بفزع معها وبقطع قلبي لهم كالعاده اقلها اباخذ البزران عنها وابرسل الشغاله ان مارحت وارسلت لهم غدا يوم دريت تضايقت ودخل في خاطر بس دحرت الشيطان وكلمت وباركت ذالصراحه كانت مبسوطه بالسكن وما ركزت كثير على كلامها ومن ضمن كلامه سيروا خل نشوفكم قلت لين تتواسون وتترتبون قالت كل شي مترتب كل شي جايبينه جديد بيتي الاول مانقلت منه شي ماجيت الا بثيابي كل الاول على المبره مايصلح الصراحه صعقت متى ووشلون كانوا مسافرين لمده 42 يوم وجو وعقب 5 ايام سكنوا متى تىتبت وهي كل هرجتها الله يخلف متى نفضي انطلع ابونا دوامه الى المغرب الخلاصه رايكم اروح ابارك واخذ نزاله وامشي الامور ولا اطنشها شوي واخلي نزالتي بعد مده لانها مانزلتني الا بعد 3 سنوات من سكني وهي عندي كل اسبوع تقريبا ومستقببلا وش احسن طريقه مثمره للتعامل مع مثل هولاء الناس وتتوقعون ليش تسوي لي كذا انتظر ردودكم وتفاعلكم ولي عوده باذن الله

جئناكم المهم ياطويلات العمر والسلامه استمرت على ذا الحال نكون مجتمعين عند اهلي وسهرانين ماتفرقنا...

على سنقة عشرة :

اختك تعزينها وتحبينها ليه ماتواجهينها خبري خواتك عنها وانك ماااااخذه على خااااطرك منها وبقوة واتفقوا انكم تقعدون معها وتصارحونها حبيبتي اللي في قلبك طلعيه كلها ولا تخلين شي الله يصلحها ويهديها اخاف على كثر السفرات والفيله اللي بنتها ان زوجها مو موظف عاااادي غير انه موظف كبير ومسؤل في الدوله ههههه وخبت عنكم ماتبي حد يحسدها

اختك تعزينها وتحبينها ليه ماتواجهينها خبري خواتك عنها وانك ماااااخذه على خااااطرك منها وبقوة...

قمر تميم :

ماشاء الله اختك حاسه ان حياتها حلوة وفوق ماكانت تطمح له علشان كذا هي تتكتم عموما اللي كذا اسلوبها معليش انا ماودي اتكلم واخربك على اختك بس لازم تبردين قلبك وتخبين عليها زي ماتخبي وصدقيني اللي خيرها لاهلها واخواتها ربي يسخرلها ولا تخافين كل شي سويتيه لها او قدرتي فيه اهلك ماراح يزيدك الا اجر وسخره من اللي حولك

ماشاء الله اختك حاسه ان حياتها حلوة وفوق ماكانت تطمح له علشان كذا هي تتكتم عموما اللي كذا...