التربيه مزدوجه

السلام عليكم
حدخل في الموضوع على طول
انا بنتي عمرها سنه 9 شهور احبها حب ما اقدر اوصفه ولا تقولون كل ام تحب بنتها انا ليا ضروف خاصه بنتي هذي تمنيتها لسنين طويله وكمان مالي اخت هي بنتي واختي وصديقتي وكل حياتي وكمان هي ونيستي في غربتي
المشكله الي اعاني منها هي ام زوجي ما عندها بنات عندها 7 اولاد ماشاء الله وطول عمرها تتمنى خلفت البنات وانا اول كنتها تجيب بنت رغم ان كل كناينها جيبين اولاد يعني بنتي هي نور عيونها وكمان بنتي تحبها موت
فزوجي محرض علي اننا لما نروح لبيت حماتي ما اجي جيهت بنتي يعني اخليها مع حماتي تلعب معاها و كل شيء
المشكله اني انا اربي بنتي بطريقه وهما يعلموها طرق اخرا مثلا انا بلعب مع بنتي و واخليها تلعب لحالها بس لما تروح عندهم على طول تلاقيهم يلاعبوها وعلى طول شيلينها وانا ما احب بنتي تتعلم انها تضل على طول في اليد ابغاها تعيش كويس وتمشي مو طول الوقت شيلني شيلني
يعني هذا اول شيء\
ثاني شيء تحسين طول الوقت دلع حتى لما اقول لبنتي لا ما تسمع كلامي ابدا
وانا ما ابغى اربي بنتي على دلع وقلة التربيه انا بدلعها بس بحدود
وكمان لما اروح عندهم احس بنتي ما تسمع كلامي نهائي ولا تجيني على طول معاهم كاني مو امها
وهذا كله لانها تشوف دلعهم فانا لما اقصى عليها احسها حتكرهني فصرت ادلعها واعطيها لتبغاهخ عشان اقدر اوصل لدلع الي يدلعوها وبكده بنتي راح تخرب تربيتها
ايش الحل
لما تكون في بيت حماتي اناديها ما ترد علي اقلها تعالي ما تجيني صرت ما اكلمها عشان ما احرج نفسي
الحين ابغى منكم حل ايش اسوي
امي قالتلي جيبي غيرها عشان تصير تغير وما تبعد عنك وانا صرت اخطط للحمل الجديد
انصحوني منتضرتكم يا امهات