التعامل مع كبار السن

السلام عليكم اخوي الوحيد والله ادميت قلبي يوم قريت موضوعك تدري ليش لان ابوي الله يرحمه ويغفر لة كان كبير سن وتذكرته الحين
تبي تعرف شلون تتعامل معاهم يبون كل شي ما تعصاهم فيه وتقول لهم انشاء وانا متأكدة ان الله بيسر الامور بس الله الله في صله الارحام لاتقولون شايب والا عجوز وما يعرفون من اللي يحيهم واللي ما يجيهم وكافيه دعوتهم لك اذادخلت عليهم وسولفت معاهم تسوى الدنيا وماعليها


الله يرحمك يايبه ويدخلك فسيح جناته راح وما شبعت منه
ميمي

ميمي يا عمري لا تقولين رحت وما شبعت منك
مو زين لابوك كذا
انت كذا تعذبينه بدون لا تقصدين
الحي لازم يسمح من ميته لانه اذا قعد يطلبه وليش رحت وخليتني
الميت يتعذب

اذكر مره وحده ماتت امها وقعدت شهور تبكي على امها وليش راحت وخلتني و كذا
المهم حلمت جارتها بالام المتوفيه تقول لها قولي لابنتي تتركني بحالي انا ابي اروح لاهلي واصحابي وهي مو تاركتني
وقولي لها تبيح مني و تطلبني

صدقيني ميمي انا لما قريت كلامك تاثرت و لا حبيت ان ابوك يصير به مثل ام هالوحدة اللي ذكرت سالفتها

الوحيد اسفة على المداخلة

بس ترى كلامك صحيح انا ابوي كبير بالسن ما ينام الا لما يتاكد اننا ردينا من الدوام ويسالنا شنو سوينا وشنو شفنا

البيت من غير كبير صدقني ما فيه حلى و لا ينقعد فيه

الله لا يحرمنا منهم

ميمي رحمه الله وغفر له وأسكنه فسيح حناته . ياليت لو تحدثينا عن أهمية البر بهم لأننا نشتكي منهم في حال وجودهم ولكن مانلبث أن نندم على التفريط بعد وفاتهم

العصفورة ... الله يحرم والدينا عن النار والله ما راح نحس باللي يحسونه إلا لما يجينا أطفال ونعرف مقدار الحب والرحمة التي تبها قلوبهم علينا .

اللهم أرحم موتى المسلمين ...

------------------
إن طال الليل فلابد من طلوع الفجر وإن طال العمر فلابد من دخول القبر

اللهم امين

عمري العصفورم مشكوره على التنبيه بس ويش اسوي من الحرة الي في كبدي
اخي الوحيد التعامل مع كبير السن تتعتمد على الشخص نفسه مثلاً ابوي الله يرحمه ويغفر له كان يزعل اذا ما جهزنا العشاء لاخواني ومن هالشكل همه كان انا نحتوم اخوانا وما نخليهم يطلبون شئ من الخادمه
والله يرحمه ويغفر له خلانا بهذا التصرف غالين عند اخوانا بس اهم شئ مثل ما قلت لك ان شاء الله
ميمي