مافي فايده للاسف قلنا ولا ماقلنا كان من حقنا ولا ماكان ..الرجال اهم شي يسوي الي براسه مايهمه ظلم ووراه زوجه وعيال اهم شي يسوي الي براسه مو احنا تعودنا علا مثل الرجال مايعيبه الا جيبه يعني مهما سوا حلال ومو عيب سوا ظلم ولا طلق ولا ايش ماسوى اعيد واكرر البنت هنا مكسوره الجناح مو زي البدان الثانيه تعتمد علا نفسها وتروح وتجي وتقضي مشاويرها ولا تنتظر ابو سروال وفنيله عشان يقضي اغراضها وهو الله يعلم وش ويسوي وشمغول فيه علا هالبرامجً وغيره وغيره

هذا شرع ربنا ما في اعتراض عليه

لا حوول ولا قوة الا بالله الحين انا ابين لك ان مافي دليل وكذا واخرتهآ ردك 😑😑

علشان انتي متزوجه ومرتاحه ومعك اطفال وجايه تتفلسفي ..ترى في المجتمع بنات متاخرات عن الزواج مطلقات ارامل يتمنون يكملون حياتهم مع زوج ﻻ تجلسي تتفلسفي ثم الله يبلاك وتصيري مكانهم .. محد تتمنى تكون زوجه ثانيه بس الظروف تجبرها والله الدنيا دواره تحتاجين تحسين بشعور احد علشان تعرفين ليش الله شرع هالشي والله يشرع شي لعبث .

اول مره يطرح موضوع التعدد بطريقه مختلفه فيها توضيح وشرح لمعلومات محد يعترف فيها او حتى يطرحها او يسأل عنها

وللاسف الردود بالموضوع تثبت انه حتى بعد الشرح بعضهم مايقرأ بس يردون على اساس العنوان

وموضوعك لو انا بتكلم فيه متأكده بيكفروني ويخرجوني من المله والعقيده ويرفضون حتى التفكر والتأمل والسؤال اذا كانت المعلومه فيها جانب من الصحه او لا عموما كويس محد فهم قصدك وسلمتي من هجومهم


انا سبق قرأت ان التعدد له شروط مثل ماوضحتي وانه يخدم الارامل لكن للاسف في الواقع اللي نشوفه ان التعدد بعيد كل البعد عن الارامل والمطلقات وكل من اشتهى بنت خطب له بنت العشرين اللي ماسبق لها الزواج !!

واكبر كذبه وحجه ينشرونها ان التعدد يحل مشكلة العنوسه وهذا الشي غير صحيح لان حل العنوسه الحقيقي هو ان المقتدر مادياً يتكفل بزواج العزاب الغير قادرين كذا يصير في المجتمع توازن الشباب يتزوجون شابات بدون استغلال للبنت من الشيبان

وبخصوص الاحصائيات برضوا سبق قرأت احصائيات ترجع تقريباً لسنة 2014 في السعوديه ودول الخليج ان عدد الرجال اكثر من النساء وليس كما يدعي بعض المطاوعه ودعاة التعدد

شكرا على الموضوع