التنظيف اذا كان عنق الرحم مغلق جدا جدا

السلام عليكم

ااااخ يا بناات.. والله تعبت ..
طبعا تدرون اني مجهضة من فترة..
ومن يوم نزول الكيس و الدم مو راضي يوقف ..يعني من شهر تقريبا :( وكل مكان كنت اروح كانو يقولون لي مايبي لج عملية تنظيف لان الكيس وااايد صغير..وعملية التنظيف لاجهاض بداية الحمل مو زينة.. و كل شي بينزل مع الدورة القادمة..

بعد ما شفت ان الدم مو راضي يوقف.. رحت مستشفى غير طبعا .. وقالو لي ان فيه شي باين معانا ليلحين..ويمكن انها المشيمة او شي ثاني .. و قالت لي ان فيج التهاب :( و لاازم عملية تنظيف..
المهم سألتهم عن سعر العملية قالو 6000 ريال:eek: ..
انا شلت حالي و رحت مستشفى غير .. صارت خبيرة مستشفيات<<
قالو لي ان احنا انسوي لج ب1800 ريال قلت على الاقل هذي معقولة..مع انها ما تسوى بس بصراحة اخاف من مستشفيات الحكومة.. سمعت ان ساعات يصير ثقب في عنق الرحم فخفت اروح..

المهم..قالت لي بفحصج..وبعد الفحص قالت لي ان عنق الرحم مغلق جدا جدا جدا لدرجة انها ماتقدر حتى اتدخل صبعها...وقالت لي ان احنا مانسوي العملية لين ما يفتح عنق الرحم من نفسه(قانونهم جذي وماقالو لي السبب)..و انتظري اسبوع و رجعي و بنجوف اذا سقط المتبقى فمابنسوي لج.. و اذا ماسقط و العنق فتح بنسوي.. واذا مافتح بعد انتظري :angry2:

وانا من يومها اتجيني الاام انقباضات الرحم و اليوم اشوي الام زادت ..ان شاء الله ينزل كل شي و انظف ياااااا رب.. ادعو لي يا بنات الله يسهل علي و ارتاح الله يجزيكم الجنة..

ولكن انا خايفة ان عملية التنظيف اتكون مضرة اذا كان عنق الرحم مغلق جدا !! و اذا كان الاجهاض في بدايته..والله احترت و مادري من اصدق..
اشرايكم يا حبيباتي.. بليز قولوا لي اذا اتعرفون انها مضرة ولا ..ولا تنصحوني انتظر على كلام اخر مستشفى يمكن انظف من نفسي .. اذا وحده مرت في نفس التجربة او عندكم اي معلومة او اي تعليق... لاتخلوني بروحي والله اني تعبانة و نفسيتي منكسرة :(