التهاب الحلق

السلام عليكم اخواتي اعرف انكم ماتقصرون انا وايد تعبانه حلقي يعورني اقصد البلاعيم مرة مسكرة عطتنى الدكتورة مضاد حيوي اموكسيل بس للحين ماني حاسة بتحسن لوفي شيى من الطبيعه اقدر اسويه بساعدني اشربه ياليت تدلوني ترا البلغم قتلنى وطول النهار ارجع من الغثيان وشكرا لكم
ا

حبيبتي سوي بخار بابونج وافتحي فمك خليه يدخل واشربي شاي اخضر دافئ مع عصرة نص ليمونه وعسل واشربي بابونج ولاتشربين مشروبات بارده ابدا خلي شربك سااخن والله يشفيك.

هلا والله

ماتشوفين شر ولا باس طهور ان شاءالله ..

صلحي لك شاي بكاس وحطي عليه ملح ويفضل الملح الخشن .. وخلي طعمه يكون مالح .. وتمضمض فيه ..

والمضمضه اللي ترفعين راسك لفوق علشان توصل المويه لعند اللوز ان شاءالله انك فهمتي علي ..

وتمضمضي مرتين او ثلاث وطولي شوي وانتي تتمضمضين ..

واستخدمي هالمضمضه مرتين باليوم او ثلاث باليوم ..

وتراها من جد مفيده باذن الله تعالى لدرجه اني اذا استخدمته يطلع الصديد تكرمين من اللوز ..

بس كثرتها مضره لانه تعمل على تقشير اللوز يعني قويه ..

واتمنى لك الشفاااء العاجل

ونسيت اقولك حطي ماء دافئ في كوب وحطي معه قليل من الملح والليمون وتغرغري فيها يوميا.

مشكورة اختى سنوبس واختى ايام العمر بس انا الحين في بدايه الثالث والوحام هلكنى لاينفع نافدوكسين ولا برامبرانت حتى صرت اخذ حقن توقف الترجيع كل اربعه ايام حقنه فكيف اقدر اسوي الغرره انا مااقدر افتح فمي اتكلم مابي شيء يدخل فمي حتى الماء ماحبه