بسم الله الرحمن الرحيم
اخواتي بنات حواء تكفون افزعولي التهاب اللوز ذبحني مااقدر ابلع ولاانام ولا اشرب واحس اذني بتنفجر من الالم
والمشكلة اني في بيتي الحالي زوجي طالع للبر وماعندة ارسال وماراح يرجع الا الجمعه واهلي في ديره ثانية واولادي صغار مافية احد عندنا ومابقى طب ماجربتة غرغرة الماء والملح والعسل والليمون ولمرة والبصل شويتة وحطيته ولافي فايدة مغير ابلع في سابوفين ولاشفت نتيجة
اكتب لكم الحين وانا في حال مايعلمة الا الله فتكفون افزعولي بشي يريحني الله يجزاكم الجنة
حصيصة2008 @hsys2008
عضوة
يلزم عليك تسجيل الدخول أولًا لكتابة تعليق.
$حياة الروح$
•
جربي العسل مع القسط الهندي ورسولنا محمد صلى الله عليه وسلم موصي عليه ابحثي عنه في النت وشوفي فوائده ووحده في المنتدى شاريته من عطاره بن منقاش كانك بالرياض وخلي احد من جيرانك او معارفك يجيبه لك لا تستحين واشربي مويه كثير والله يحفظك ويشفيك
الله يجزاك خير اختي حياة الروح بس انا ماعندي قسط هندي ولاعندي احد يجيبة لي
وانا كل خوفي لاترتفع الحرارة وابلش من يسنع عيالي
وانا كل خوفي لاترتفع الحرارة وابلش من يسنع عيالي
اللحمد لله وين جيرانك عشان كذا دين وصانا على الجار لا تستحين كلمى جارتك يروح زوجها يجيب احبوب مضاد من الصيدلية
الصفحة الأخيرة