الثقل او الخفه مع الزوج او الاعتدال((للنقاش))

السلام عليكم ورحمة الله وبركاته💜
((موضوعي للنقاش وتبادل الخبره))
شرايكم بالحرمه اللي مدلعه زوجها وصاير شغلها الشاغل يعني اذا جا من دوامه تركض تضمه وتحبحبه تقل لها سنه ماشافته وتطير تجيب له ثوب البيت وتساعده باللبس وتقوله اشتقتلك البيت من دونك ولاشي وتركض تحط الغداء وطبعا الغرفه جاهزه مبخره ومعطره ومرتبه واذا تغدا وراح انسدح جت تركض تهمزه وتكثر من كلام الحب الله يخليك لي انت تجنن انت جميل اشو اني تزوجتك😒 مادري شرايكم خصوصا لاصار الرجال طبعه ثقيل ومايسوي مثلها يعني مايبادلها ويبالغ بالكلام والاهتمام وهي بس تراكض وراه طبعا حنا نسوي كذا عشان لايطالع برا وعشان الشرع محلله 4 وهذا اللي مخوفنا وهو حاط رجلينه بماء بارد يدري مالنا غيره 😢...طيب الحين نبي نتعاون ونجيب راسه 😈نبيه هو اللي يهتم ويركض ورانا اكيد كل وحده ودها زوجها يهتم ويفكر فيها ويدور رضاها ويحبها شلوووووون نخليه زي مانبي طبعا اكثر الرجال من وجهة نظري مايحب البنت الخفيفه اللي مخليته كل شي بحياتها يحب البنت اللي لها عالمها الخاص فيها تهتم بنفسها وبنظافتها ولبسها وبيتها وواثقه من نفسها وهو يكتشفها لانها غامضه وطبعا مايحبون النشبهه الي اذا طلع دقت عليه وترسل رسايل وتساله من وين جاي ووين رايح وجب كذا وتكثر طلبات وتزن على راسه واذا جا لقى البزران حوسه والبيت ريحته خايسه كذا بيهج انا اشوف الاعتدال كويس تهتم فيه بدون مبالغه واكثر اهتمامها يكون بنفسها وش رايكم والله تعبونا هالرجال مدري وش يبون ان لصقنا فيهم هجو وان سفهناهم دورونا !!والحل يعني الثقيله تقولنا شلون زوجها والخفيفه تقولنا شلون زوجها عشان نعرف مين اللي جاب الثقل معاه نتيجه يله الخبره تعلمنا شلون نتعامل مع هذا الكائن الغريب👳