العلاج ياخذ وقت استخيري وقرري

اغلب الرجال بعد الزواج يطلبون عيال وهذا من حقهم
وانتي برضو من حقك تكملين تعليمك
بس برضو ماتحطين العقده في المنشار
احسك متأخره شوي في الدراسة
اذا عمرك في اول العشرينات المفروض تكونين خلصتي البكالوريس مش توك تبدين
عموما الدراسة ماتعوق مع الاطفال

خل نسوي مقارنة مفصلة


لو تعالجلتي وحملتي خلال كم شهر باذن الله
ممكن اول الشهور تداومين بالجامعة عادي لكن مع الثقل والولادة واحتياجات البيبي
راح تضطرين تعتذرين عن ترم واحد على الاقل اذا مو سنة
وراح تتاخرين بالتخرج هذي اكيدة ، واحتمال احتمال ينزل معدلك


طيب لو اجلتي الحمل واستمريتي تدرسين ثلاث او اربع سنوات الين التخرج
خلال هالفترة اذا ما اخذتي مانع احتمال تحملين باي وقت لان التكيس البسيط هذا ممكن لحاله يروح
اذا اخذتي مانع لسنوات معناه قدرتك على الانجاب بتكون بخطر كبير لان المانع يعطيك مناعة تستمر فترة
طويلة بعد ماتتركينه ، صح انك صغيرة ولايضرك سنوات تاخر الحمل لان قدامك عمر باذن الله
لكن تاثيرات هالخيار عليك انتي وعلى زوجك بنشوفها الحين


الخيار الاول بيرضي زوجك على حسابك انتي لكن وش بتكون خسارتك ؟ هل خسرتي شي ممكن يتعوض ولا لا ؟
الخيار الثاني بيرضيك انتي على حساب زوجك لكن وش بيكون زوجك خسر وهل خسارته ممكن تتعوض؟


تركت الاسءلة لك انتي تجاوبينها عشان تعرفين بنفسك وش الانس والاحسن لك انتي وزوجك مع بعض