الجديد في حل مشكلة الشيب

السلام عليكم اخواتي الطيبات

بما أني دائما اسأل عن الشعر الابيض و كيف نخفيه و هل الصبغة ورا صبغة تعدم فعلا الشعر ..الخ

بحثت في النت و حصلت بعض الأشياء ، اللي جربتها او عندها فكرة عنها ياليت تدخل و تشاركني ..

عن نفسي كنت اصبغ غارنييه ..و كل 10 - 14 يوم اصبغ

بس ابدا ما مرتاحة ، صح الشعر الابيض يختفي و اتمتع بكم يوم بدون شعرات بيضاء بس صعب جدا و خطر ع الصحه ، وخاصة ان صبغة غارنييه معروف ان فيها امونيا ..



لذلك غيرت الصبغة الى لوريال



..عندهم نوعيات بدون أمونيا
و مستمره عليها ..لكن تظل مستحضرات غير طبيعية .. يعني اذا كنت حامل ، ما تقدري تصبغي على الاقل في الثلاث الشهور الاولى ..

المهم / و خلال بحثي في النت ، حصلت على الاتي :

1- استخدام ضلال العيون لاخفاء الشيب
بفرشاه نظيفه لوني جذور الشعر بظلال العيون البنية الداكنه او الاسود حسب لون شعرك ..

وطريقة اخرى - وحدة جزاها الله خير زمان ذكرتها هنا في المنتدى وهي بالماسكارا ضللي الشعر الابيض -
صحيح الطريقتين مؤقتات ..بس تنفع للزنقات :)

2- في شي اسمه قلم تلوين شيب الشعر ( وهذا اول مرة اسمع به ، فياليت اللي جربته تخبرنا عنه شوي)
هو مستحضر يلون جذور الشعر بشكل مؤقت ، لذلك اللي مثلي ، الشعر الابيض يظهر لها من الجذور اتوقع ممكن يكون حل مؤقت لها تريح فيها شعرها من الصبغات لبعض الوقت ، أما اللي يكون الشعر الابيض فيها عبارة عن شعرات متفرقة بيضاء على طولها ما اعتقد انه سيناسبها ..
اسمه : Roux Tween Time Instant Hair color Touch-up Stick
وهذا شكله :



ع العموم ،،

أتمنى منكم اي وحدة عندها طريقة مجدية لاخفاء الشيب بغير الصبغات تسدحها هنا للفائدة

واللي مجربة الطريقة الاخيرة مطلووووبه هنا ..

ما اعتقد هالمنتج موجود معنا في عمان ، هل موجود في الامارات ؟ السعودية ؟
لاني متحمسة اجربه ، بسي من الصبغات ، شعري انعدم :icon36:

ملحوظة / الخلطات ما تنفع للشعر المصبوغ ، عشان كذا ما ذكرتها في موضوعي ..:pbsmile: