لااااااااا لاتقولون عرفتوني الله يرحم ام جابتكم وأب صرف عليكم تكفون يالربع الفزززززززززززعه الدبرررررررره والله ما أعرف غير أهذري بهالكلام مرة تصيب وعشره تخيب .. الله يستر والله ماعندي الا اني أداوم وانا متنكرة مثل ما قلت لكم .. والله خساره كل هذيك الشياكه تروح فيها حرام وانا كل يوم رايحه ومتشيكه ولابسه أحسن لبس مالي الا ألبس الزي التنكري وأروح ...
انا الآن لابسه الزي الوطني السوري وما ناقصني الا الدبكه سبحان الله اللي يشوفني يقول سوريه .. أخذت المبيض ( فير آند لافلي) ومسسسسسسسحت وجهي كلللللله راح كنه لمبه خربانه مدري ليه البنات اللي يحطونه يصيرون بيض وانا صايره رمااااااادي وغامق بعد بس يالله اسمه موحد لون البشره وأخذت نظاره أبوي الشمسيه كبيييييييره وسود بصراحه يوم لبستها اتذكرت الشاعر اللي يقول ان العيون التي في طرفها حور.. قتلننا ثم لم يحيين قتلانا ... الله ( ياترى وش كان شعور الحرمه اللي قالوا فيها هذه الكلمه ؟ أكيد مثل شعوري
خخخخ) المهم ولبست كدش لأخويه الكبير .. مسكين كل من شافه قال هذه التربيه الشينه والتقليد الاعمى وأخويه مبسوط انهم فاكرينها مجرد قله أدب محد يعرف مشكله أخويه مسكين .. ماعنده ولاااااااااااااااااااااااااااح به شعر في رأسه يصقل صقل والله لو تمر النمله من فوق راسه ما تدري الا وهي على خشمه .. لالالالالالالا لاتحاولون تعطوني خلطات أسويها له أخويه حاله ميؤووووس منها انه فخر الصناعه السعوديه .. وحطيت مكياج طبعا كان مكياج الصباح شفت نينا وهي تحطه لنفسها الا وهو نقطه ملمع على البراطم .. ووووو فقط لاغيييير .. بصراحه يوم شفت نفسي حسيت اني أستهبل يعني اتخيلوا بالله إطار سياره يلمع ؟ بصراحه هذا اللي حسيته ( لاتضحكون على براطمي .. فديتها كل ما كبرت تنمو براطمي وتزدهر وتنتفش وتنتفخ
يعني الحمد لله من ناحيه لو بأسوي نفخ براطم ماله داعي هي منفخه تلقائيا بس ههه فديت بريطماتي سووووود كنها ركبي ) .. المهم والله رحت انا واجتهدت .. وحطيت شويه بس شويييييه ظل أسود على العين بون أي شيء آخر ( لزوم البساطه ) وحطيت حمرة من حمرة أمي (السحريه اللي لون علبتها أخضر تحطينها مايطلع لها لون وبعد شويه الا والأحمر يجنننننن عليك وبنت أبوك اذا قدرت تشيلينها من فمك ) طبعا سبب إختياري لهذه النوعيه من الأرواج انها هي التي تناسبني .. تعرفون مع كثرة الشغل هل اللي تثبت لين بعد بكرة بأسبوع وما تطلع من على الحدود وتصير كنها شنبات أبويه .. ماعلينا وشويه أحمر خدود (لزوم الإحراج .. الا نفسي أفهم كيف الممثلات والمغنيات يحطونه على اساس انهم محرجات ويسوون اللي مايتسوى عجبي .. ما طلع لهم الحياء الطبيعي وهم بيخرجونه بالغصب .. ياويلي ان كان حتى المشاعر الإنسانيه اللي محد يتحكم فيها يمثلونها .. والله محد يقولي انتي حلوه الا ويطلع وجهي كذا 
.. هيا قولوا لي ..ولبست ياطويلات العمر بالطو طوييييييل للبرد لأبويه لونه أسود عشان يعكس بياضي .. ومن تحته قميص بالله من بيشوفني ؟ أصلا مايحتاج ألبس فوقه عبايه ماهو أنا متغطيه من فوقي لتحت .. المهم نزلت على أمي وهي في المطبخ .. ودوبني بأقول لها يمـــ.. الا وااااااااااااااااااااااااا بسم الله الرحمن الرحيم من انتي وش تبغين لايكون انتي اللي يقولون عليك السعلوه .. خذي عيالي كلهم فداك .. يمديني أجيب غيرهم وان كان تبين ابوهم ما يغلى عليك بس خليني اعيش حياتي تكفين .. انا:
أمي نبع الجنان .. عفوا الحنان تقول كذا ؟ وين اللي بغت تفجر في نفسها امس ؟ طييييييب واتجه لأمي بكل سرعه وأقول لها ارفعي يدينك بسرعه انا من قوات المارينز الأمريكيه اللي تطب على الخلق في أي وقت بغوا يحطوني في العراق لكنهم غلطوا ومروا بي على بيتكم ونزلوني هنا قالت امي الله يحييك وش تبيني أطبخ لك على الغدا ؟ قلت : برجر مرقوق ونقانق جمال وشوربه ديكه .. أمي : والله ياذا الريحه والصوت والطلبات الغبيه ما هم من أمريكا انها لوحده أعرفها أكثر من نفسها .. انا: افااااا الأم دائما تعرف .. ليه يمه كذه ؟ على طول بترمين بنا في زباله الأمريكان وتروحين تشوفين حياتك ؟ امي : هههه والله اني عرفتك يالشيفه من يوم ما أقبلت بس قلت اعطيها ايحاء انها من زنوج امريكا ... انا : ايه صح بدليل السعلوه .. امي : بس خلاص .. وش ذا اللبس من بتخرعين ؟ انا : حرام عليك يمه هذا يسمونه تنكر .. باتنكر على هيئه سوريه حتى اسمعيني : ولي يا أمي شو هاد ؟ شوي اللي عم تعمليه هون ؟ ليه ماحدا عم يساعدك ؟ اما محطت العقال على ظهور ولادك ؟ شو رأيك ؟ أمي : تمحطين هاه ؟ أقول ليه ما تسوين افريقيه افضل لأنه والله لا الشكل ولا الهرج يعطي انك آسيويه ؟ انا : اخس ياجغرافيا .. أمي: تضحك بدلال .. عيب يابنت انا لو يخلوني اطوف العالم لأسوي لهم خريطه جديده مو هالخريطه الكذابه .. انا : والله يمه من كثر الفرفره في الحواري وعند الجارات طلعت لك مواهب المفروض تسوين لحارتنا خريطه .. أمي تعقب على كلامي: صح صح يعني بالعقل أمريكا اللي كل يوم ناطين لهم دفعه في العراق في قاره واحنا في قاره ؟ والله لو عندهم صواريخ اهب انا عاد مسكت فم امي قلت يمه الله يرحم والديك كانت الكوارث اللي تصير بسببك محليه الحين بتصير عالميه وسياسيه وتدخل فيها امريكا ويحطونك ارهابيه وعلى القائمه السوداء .. وووو.....امي مفجووووعه سكتت
.. انا: بعدين يمه حرام عليك كل هالبياض وتبغيني افريقيه ؟ قالت والله هذا رأيي وانا حرمه ديموقراطيه .. انا: يمه رجعنا للسياسه ؟ والله ان الحريم هم اللي بيخربون الدنيا .. يعني بالله حرمه اوباما ما تتدخل في شغله تقوله بالله ترا اهلي هناك لاتكثف القصف عليهم .. يقول ان شاء الله .. تقوله هناك وحده من البنات دايما تكايدني ارسل لهم صاروخين اهداء باسمي .. يقولها حاضر .. تقوله هناك ابله كانت دايما تمدحني قدام البنات بالله ارسل لهم اعانات يقول لها تراك زودتيها اما اعقلي والا روحي بيت اهلك يامرة انا رجال ورايه كبتاجون مدري بنتاجون ورايه مجلس شيوخ ... تقوله هاه ترا ازعل واروح بيت اهلي ودور من يطبخ لك برجر .. يقول خلاص اللي تبينه طال عمرك وبكذا يعيشوا في تبات ونبات 
ويخلفوا ورعان وبنات .. وهكذا .. الحريم اولا واخيرا يتحكمون في العالم تلقين الرجال حاكم دوله مالي هدومه وتحركه يدينها في الخفاء وتقول انا ما اتدخل في اعمال زوجي السياسيه .. امي : اقوووووول على شحم بس يالله روحي دوامك واما اسكتي والا تكلمي افريقي .. والأفضل سوداني ولو انهم أحسن منك .. انا : شكرا يامو : أمي : وبعدين ؟ انا : آآآآآآآآآآآآآي ورحت على المشغل وانا أقول يالله الستر دخلت ونزلت عبايتي الا وحده جتني قالت انتي تشتغلين هنا ؟ قلت آآآآي قالت يالله بسرعه نزلي العبايه وتعالي سوي لي ميك اب قلت والله يازوله ما اعرف اشيل الا بالحلاوه والشمع اما اشيل بالمكب ما أعرف بعدين اعملو ليكي لك وتروحي تشتكي .. ضحكت قالت بسرعه الله يسعدك مو وقت المزح أبغاه مكياج مميييييييييز .. أنا : آه الخبله ماقالت لي من أول الظاهر عجبها مكياجي
أجل ما شافتني من تحت النظاره والله يا انها بتدوخ لاشافت الظل اللي يعطي النظرة الحازمه .. المهم دخلت الا انواع المكاييج على التسريحه والله اني ضعت شي زين مرسوم عليه وين يوضع مثل الأواج اللي تنحط على العين (لا أحد يطالع مرسوم عليها عين ) ومثل الأقلام اللي نرسم بها على الوجه دايما أشوفها في الحدائق يوم يرسمون بها على وجوه الأطفال يالله هينه لكن اللي مو مرسوم عليها ؟ ياويلي وش قول للآدميه ؟ اني ما أعرف ؟ المشكله انه عدم الاعتراف بالحقيقه هي اللي ودتني في مشاكل سويت نفسي ذكيه قلت لها يالله نقي ايش تبغين احط لك أول ؟ قالت : كريم الأساس .. قلت ااااي أعرف لكن أي لون قالت افتح مني .. ( يالله ياذا التناحه ليش ما تكلفين نفسك وتقولين لي وينها ) قلت أي ماركه تحبي ؟ قالت انتي ليش غريبه ؟ ليش ما تبدأين أول مره أشوف وحده ماتعرف وش تسوي ( صادووووووه)
انا : لا يازوله انا اسلوبي هنا الديموغراطيه يعني انتي اختاري اللي تبغين قالت : امممم خلاص خذي هذا اللون .. اف مابغت .. وأجلس على العلبه ساعه افتحها وساعه لين ما أحط لها وأكب على وجهها أكب ما رضي يصير أبيض قالت يالله أول مرة أشوف أمانه زي كذا العاده يحطون نقطه على أصابعهم ويفرشونها على الوجه انا : مدام الزوله نيفين معاك ما تخافي وشويه الا والأخت تبي مكياج هندي وورتني الصوره .. شفتها ما عجبتني وش تبي بمكياج كلللله رمادي وأبيض وأسود كنها خارجه من فيلم قديم أبيض وأسود قلت بكيفك وأجمع عندي كللل الألوان الأبيض والأسود قالت ليش هذه الألوان ؟ قلت زي اللي في الصورة قالت فتحي عيونك زين وشوفي مكياج هندي يعني ألوان الدنيا وفعلا أنا لما حطيت الظل الأسود على عيوني دخل في عيوني وجلست أفرك أفرك ليييين قلت آمين وطلعت عيوني حمر عشان كذا ماقدرت أشوف المهم رفعت النظاره وشفت الصورة وأفتح عيوني زين وبقوة عشان أشوف وعيوني حمر نار الا والله اني هبلا نظارة أبويه تطلع الصور أبيض وأسود وفتحت عيوني بقوه في الحرمه بشوف وجهها وافهمها الا الآدميه نااااااااشفه رايحه قطعه بيضاء الظاهر انها شافت شي خوفها مرة قلت وش فيه .. قالت خلاص ما أبغى أحط مكياج وجلست تبكي مفتحه عيونها 
سبحان الله كنها سمكه .. سبحان الله .. الله حط لي هيبه في عيون البشر .. هي ما تبي تحط مكياج وانا أقول لا والله ماتروحين الا وانتي مخلصه (حزنتني وهي تبكي الظاهرشافت نظاره الوالد واتذكرت نظاره أبوها الله يرحمه ..مدري حي والا لا ) سألتها أبوك حي ؟ قالت لا .. قلت : أبوك داب ..هههههه وأصقعها بذيك الضحكه ابغى اغير الجو والحرمه تبكي قلت خلاص ولايهمك .. وأحط لها على عينها الأرضيه أسود ملك الألوان وأنقطه بأبيض ثم حطيت من فوق بأصبعي لون وردي فااااتح ومن زاويه العين الخارجيه من الداخل اللون الأصفر ودمجته مع اللون الأحمر الناري وختمته باللون البنفسجي من تحت العين برضه بأصبعي .. حطيت لها أحمر خدود بس ماناسبني داااايم لونه أحمر قلت أغير المرة هذه وأضيف شويه لون أخضر على الخدود والآدميه مستسلمه العاده الحريم يتفلسفون على الكوفيره بس انا ربي رزقني ببنت حلال وحطيت لها في النهايه شويه رسوم على الوجه ورود ... طيور .. بزارين يلعبون .. بعير مسوي حادث مع جمس .. وختمت اللوحه بروجي السحري ( ذكر أعلاه ) .. الا يوم خلصت حسيت ان عملي مميز فعلا قلت اتحداك تلاقين مثل هذا التميز .. يوم قامت تشوف وجهها ... وش صار ؟؟؟؟؟ ان شاء الله أكمل في الحلقه القادمه .. شكرا لكل ردودكم الحلوه ياحلوات الله يعطيكم العافيه ..
الله يسلم ايديك يافور
ويشرفني اني رديت اول وحدة