... ( ياسلاااااام)أوووووووه ياأم جود ؟ .. نعم؟ أنا ما قلت لك لاعاد أشوف وجهك هنا ؟ ليش ما رحتي تشتغلين مع عاملات النظافه ؟ لايكون بس مسويه شيء وانا مدري ؟ والله ان وجهك ما يبشر بالخير ... أم جود : لا أنا .. أنا .. عرفت أكيد انك سويت شيء وما بتقولين لأحد .... ياااااااااالله أنا عارفه انتي اللي بتضيعين علي زبايني اسمعي لازم تشوفين لك دوره كذا والا كذا في فن التعامل والا على الأقل شاركي في مؤتمر الحوار مع الآخر مايصير هذا الكلام ... أم جود : آنسه نيفين بالله سامحيني أنا ما عندي الا الإبتدائي يعني ما أعرف أتصرف
...انا: بس خلاص اذا روحي اشتغلي مع نينا ولا تحاولين تنظفين لأحد شيء ... أم جود : شكرا شكرا الله يسعدك يا آنسه نيفين انا ماني مصدقه انك سامحتيني الحين باروح اساعد نينا امممواح اممممواح ( صوتها وهي تبوس رجولي خخخخ) (هذه الفقره ضحكت فيها وانا نايمه)... وينها هاه ؟ وينها ؟ خير خير أيش فيه ؟ وينها هذه اللي حرقت وجهي ؟ انا:من هي هذه ؟الحرمه وحده يقال انها نيفيا أنا : لو سمحت نيفين الحرمه : يعني تعترفين ؟ انا: هه ؟ لا مو أنا هذه أم جود انا عارفه .. الحرمه الا انتي انا : لا مو انا .. الا نتي الا انتي( وي وي وي وي النجدات ... دربق دربق ردبق صوت رجول الشرطه ..
المكان كله محاصر انصحك يا منسيه بالخروج وتسليم نفسك وعدم المقاومه بأعد لك لين 1-2-3-4-5-6-7-8-9-10 هييي وقف الواحد ليصلي ركع الإثنان لربي.. أنا : وثلاثه واحد واثنان والأربعه اثنان واثنان ... الشرطي : والخمسه كعكه بالسكـ ...احم احم بأعد لعشرة واذا قلت 10 وانتي ما خرجتي .. انا حأضرب في المليان وقد اعذر من انذر .. انا : طيب واذا وصلت للعزيزة ما تمسكني صح ؟ ( العزيزه لعبه يوم نتطارد ورا بعض واللي يوصل لنقطه الإنطلاق نكون في مأمن مدري وش تسمونها أظن حبشه ) الضابط : أقول بلا هبال تخرجي والا حأطربق الدنيا فوق دماغك انا: لا انا ماسويت شيء ما سويت شي الا وياخذوني الشرطه ويدخلوني على الضابط صاحبنا اللي رحت عنده أيام العطاره .. الدب 
.. هذه انتي ؟ كم مرة قلت لك لا عاد أشوف وجهك ؟ انا .. انا ( انشد .. نعم .. ادري وغلطانه وانا هاليوم ندمانه ... الشرطي آآآآآآآآآآآآه ( يعطيني مؤثرات صوتيه ما قصر نقس طبقه الصوت ) انا : ولا أحدٍ وده يفهمني وانا ياناااااس انسانه ) الشرطي : آآآآآآآآه انسااااااااااااااانه ... انا : نصيحه يابنات اليوم ... محد يشتغل بمشغل ويترك كل شغلانه الشرطي : الله الله هذا النغم هذا الصوت الأصيل والكلمه الراقيه اللي يستاهل انها تنسمع .. كملي يا بنتي بارك الله فيك كملي كملي .. خلاص ما عاد أقدر أألف ورطت .. وأروح أبوس رجوله يا سعاده البيه يا سعاده الباشا ربنا يخلي لك ولادك انا ما سدقتتش ايمتى ألاقي لي شغلانه استرني ربنا يسترك الشرطي .. لا ..هو انتي فاكراها تجي وتروح بالساهل ؟( تخيلوه يتكلم صعيدي ) انا : والله اذا حضرتك عايزها بالساهل تيقي بالساهل وان كنت عيزها تيقي(تأتي) باللكاعه تيقي باللكاعه ... الشرطي برضه مش حغير كلمتي واصل .. أنا : إقطع وإخس ياسعاده الباشه مش انا اللي اشترك في خدمه واصل .. الشرطي طيييييب ياعسكر ودوها السجن وحتتحول النيابه العامه بكرة .. أنا لئه لئه.. (يعني نو ) انا عايزه حؤئي (وفي روايه حقوقي ) القانونيه ... محكمه ... حكمت المحكمه حضوريا على المتهمه منسيه المنسيه بأن تنسى عفوا أن تنفى مدى الحياه وفي حاله استئناف الحكم والله حتتعدم انا
: لالالالالالالالالالالالالا والله العظيم بريئه ياسعاده الباشا والله العظيم بريئه ياسعاده الباشا وأدوخ وسط المحكمه وهم بيرحلوني للإعدام ( سويت نفسي أغمي عليه ويطشوني بالماء وانا أقول انا مغمى عليه انتوا ما بتفهموشي ؟ الا و منسيه منسيه منسيه ... الا وصحيت والمويه على ملابسي وعلى السرير كأني طفل بلل ملابسه في ليله مطيرة ... يمه ؟ ليش ترشيني بالمويه ما تعرفين ان اللي يرشني بالمويه أرشه ببخاخ الفليت لأن ماعندي نار ؟ أمي طرخ على وجهي ( يالله داااائما كذا وسيله التفاهم عندها يدها ياكف والا قرصه وين حقوق الحيوان عنها لما تسوي لنا كذا عندكم رقمهم ؟ ) ( فديت أمي الحقيقيه والله لو ألف العالم كله ما ألقى مثلها الحمدلله اني ماني بنت اللي في القصه والا كان سويتها اتصلت على حقوق الحيوان خخخخخ) .. المهم صحيت الا وأمي شاكه في الموضوع امي: منسيوه وش الموضوع ... أنا : هه سلامتك ما فيه شيء امي : والله ما قلتيها الا وانتي مسويه شيء ... أنا : اوهووووو جتنا أم جود الثانيه أمي : والله اني قلته عندك بلوه بنتي خبز يدي وانا عارفتك زين .. يمه الله يهديك بس وش عجين وخبز قلنا لك اتركي امثال البدو هذه شوفي لك برجر والا توست .. بعدين وش بيكون فيه ؟ امي : مدري بس يمكن متهاوشه مع زبونه والا مسويه مقلب في زبونه والا حارقه زبونه والا منا والا منا انا : بسم الله الرحمن الرحيم انتي جني ؟ من وين عرفتي اني متهاوشه مع وحده والا حارقه وحده ؟ امي : والله اني قايلته انك مسويه شيء قولي لي وش المرة اللي أرسلتك فيها ما سويتي لنا مشكله ؟ بالله تبيني أرافقك في كل مكان ؟ ياربي وش أسوي في نفسي ؟ أموت أنتحر ؟أولع فيك وفي نفسي وأرتاح ؟انا : انتي بكيفك بسلامتك اما انا لا والله بأعيش باقي صغيره توي فقصت من البيضه 
بس اذا ودك مساعده والا اتصال بصديق والا حذف اجابتين انا جاهزه .. أمي : خلاص بس ما ابي اسمع صوتك انا قلته والله باموت مجلوطه منك ما فيه أمل انك تتعدلين وتصيرين مرة سنعه انا : يمه ..يمه ليش تقولين هذا االكلام ؟ ليش تجرحين شعوري ؟ ليش كلما أبغى أغير في نفسي تحطموني ؟ ليش ليش ليييييييش؟ اهيء اهئ اهئ .. خلاص انا من اليوم ورايح لاني بنتكم ولا انتم أهلي أنا باروح اسكن مع نينا منها آكل كل يوم اندومي ومنها كل يوم أروح المشغل معاها يمه أحسن شفت عندهم شيء ما يسويه الا الحريم اللي بيصيرون حلوات امي : نعم ؟ انا : والله ما أقول لك عشان ما تصيرين أحلى مني بعدين تتزوجين قبلي .. أمي : انتي صاحيه والا مجنونه يابنت ؟ انا : ( بضحكه بلهاء) هههههههئ أووووووووووه يمه سوري نسيت انك متزوجه الله لو زوجك يسمع هالكلام يانه بيطردك انتي وعيالك في الشارع .... امي : ياربي الصبر من عندك اللهم طولك ياروح ... أنا : أوه يمه لاتقولينها ماتتذكرين جدتي مستورة يوم قالتها وماتت وخالي مسفر يوم قالها ومات و ... أمي : والله أني عارفه انهم ما قالوها إلا قدامك انتي يوم عجزوا انك تكونين آدميه لاعرفوا لك وجه من قفا كأنك كائن فضائي وكللللللهم ماتوا بسببك ..انا :
ليه ؟ ليه ؟( تخيلوا دقه حزينه ) ليه ياماما تقولين لي كذا ؟.. ما تخافين الله ؟ ما تخافين على نفسيتي ؟ ما تخافين تخسريني ؟ ما تخافين اني انحرف واصير كل يوم من سجن في سجن ؟ بالله كيف قدرتي تقولينها ؟ كيف قدر لسانك يطاوعك تقولينها قدامي ؟ كيف قدرتي تقولينها بكل بساطه ؟( أمي متأثرة
) ... كذا بكل بساطه .. ما عندك أي نوع من المقدمات ؟ بكل سهوله نطقتيها ؟ انا ماني آدميه ؟ ليش خبيتي عني كل هالسنين؟ ليش ماصارحتيني ليش ماقلتي لي اني كائن فضائي ؟ليه .. ليه ماخليتيني أروح عند أهلي اللي ولدوني يمكن يكون النصيب هناك وانا أقول ليه النصيب متوقف في الأرض أثاريه في الفضاء ؟ أمي عاد هنا أخذت أكبر .... وعلى طوووول على رأسي وراحت وخلتني تحسبني صدق بصير آدميه طيب إذا انا فضائيه ابا عن جد ليش ترغموني اكون منكم وانا غيييييير حتى البنات ما يتقبلوني صديقه لهم ألحين عرفت السبب لأني كائن فضائي ... والله ان رجعت لأهلي أني لأقول لكل جيراننا في الكوكب لآحد يروح الأرض أعوذ بالله فيه ناس ما تقدر نعمه الله وناس قاسين متوحشين يشيلون غابات من على وجيههم ورجولهم بالحلاوه البحرينينه ( قههرررر بالله من أولى أنا آكلها والا رجولهم ؟) تخيلوا ذاك الفضائي الفارس 
اللي يجيني على طبق طائر وياخذني معه للفضاء الفسيح ويوريني مزرعه أهله في المريخ والثانيه اللي في الزهرة ويوريني أمه وخواته ويوم نتضارب ويوم نتراضى من اللي يغسل المواعين ؟ انا : لن .. أغسل .. شيء .. اذهب.... وأطلب ... من ... أمك ... العجوز ... الشمطاء .... أن ...تغسل .... أمه : أنا .... شمطاء ..... يالجيكرة ..... ياللي .... ما تستحين ....؟
أنا : أنا ..... ما استحي ..... ياعجوز ... النار ؟؟؟؟
امه : يا الله .... من .... وين ...جتنا .... هذه ....
المصيبه؟
والولد الفضائي يفرع بيننا بالعقال
وعععععععععععععععععععع مو حلو مضاربه الفضاء كل شيء بالتقسيط ... أحسن شيء المضاربه على الأرض كلها تجي مرة وحده على دفعه وحده ما فيه أقساط الحمد لله اني ولدت في الأرض .....
بالله ما قد فكرتوا الكائنات الفضائيه عندهم مثل مشاكلنا مع بعض ؟ البنت أمها ما تفهمها ؟ والولد يتناول مخدرات ... والأب لاهي بالسفر بين ذا الكواكب تاجر ياكبره ومضيع عياله ؟؟؟
والحرمه مغير تفتر من جاره لجاره ؟؟ والبنت تعاني من الفراغ العاطفي ؟ ههههه أبشوف فضائيه وحده مهمومه وتفكر وعندها هالات سوداء على عيونها ... والا وحده جالسه عند التلفزيون ياترى كيف أشكال مذيعاتهم ؟ هههه اتمنى أشوف وجه وحده فضائيه وهي تشيل بالحلاوه ههههههه .. يازينهم أهلي هناك يصيرون أخواتي يعفسون وجيههم تعفيسه فضائيه هههه .. لا بسسسسسسسسسسسسس ...
والله بأشتاق لأهلي .. يعني ما أقدر على فراقهم ... الوقت الوحيد اللي أفارقهم فيه هو للمدرسه .. وأحس اني بموت من الخوف ومايطمن قلبي الا اذا وصلت البيت وشميت ريحه كبسه أمي اللي ريحتها من عند باب الشارع تستقبلني( مدري عند الفضائيين كبسه ؟) ... وبأشتاق لزميلاتي اللي في عالم حواء اللي ما أقدر أفارقهم يووووووم من الأيام الله يسعدهم ويخليهم لي ويخليني لهم ...
بنات .. بكرة ان شاء الله باروح أداوم وأكمل شغلي على الساااااكت ومحد يدري عني راح انفذ خطه الهجوم 2 2 4 ....