كيف حال حبيباتي الغاليات
وقبل ابدء اشكر المشرفه سمكه بريه على توجيهها لي ولفتت نظري على ان البطله رهف متحرره زياده وانا اقتنعت في كلامها وحبيت اعدل في الجزء الثاني وجزاها الله الف خير والحين نبدء تفضلوا حياكم والي ماشاف الجزء الاول هذا الرابط http://forum.hawaaworld.com/showthread.php?t=2515463
بسم الله الرحمن الرحيم
بعد ماقالت الام لرهف انها ودها تكون زوجت لولدها
وعرفت ان رهف ماعندها أي مانع دخلت الام على تركي ودار بينهم هذا الحوار
الام : بعد طرق الباب ممكن ادخل ياولدي
تركي : طبعا طبعا يامي تفضلي وقام وقبل يدها
الام : بارك الله فيك ياحبيبي انا ودي اكلمك بموضوع بس ماودي تردني ابيك تقولي تم
تركي : لايامي معاش الي يردك اطلبي والي تبينه بسويه
الام : توعدني
تركي ***** الله بس اول مو اعرف الطلب
الام : رهف بصراحه انا حبيتها كثير ورتحت لها واتمنى انها ماتفارقني وحتى خوانك مينا وفهد ماقد شفتهم تعلقوا في احد زي ماتعلقوا فيها وماودي احد ياخذها غيرك
تركي : انا مستحيل اسف يامي ماودي اردك بس اسمحي لي
الام : ليش عشان رجلك هذا ماهو عيب يخليك ماتتزوج
انت الف وحده تتمناك
تركي : ماهوبس هذا السبب انا مستحيل اتزوج وحده متحرره زيها كيف اهلها يخلونها تسافر بالحالها لوحدها
وانا زوجتي لازم تكون محافظه انا احس انها جريئه كثير انا اسف يامي ماكان ودي ارد طلبك
الام : لايولدي ان كان هذا السبب فانا جلست معها وصارلي وقت من عرفتها والبنت في غايت الادب
واذا كان عشان لبسها انا اقولها وجهت نظرك ولاتهتم وشرايك
تركي : لايامي لا اسمحي لي انا مافكر بالزواج انا مرتاح كذا لاتشيلين همي
الام : كيف ماشيل همك وهي تبكي ياولدي انا قلبي يتقطع انت ماتدري انا حتى النوم مانام افكر فيك ودي اشوف عيالك واشيلهم بين يدي
تركي بعد ماقبل راسها اوعدك اني بفكر بالموضوع بس عطيني مهله مايصير كذا هذا زواج ماهو لعب عيال
كلمت الام رهف وقالت لها عن لبسها قالت لها رهف
بصراحه هو فعلا معاه حق انا ان شاء الله كنت ناويه من قبل لايقول انا بعد ماتعرفت عليك انتي وبنتك الله يحفظها وشفت طريقت لبسكم وحتشامكم حسيت اني لازم اتغير وفعلا تغيرت رهف وتغير طريقت لبسها صار محتشم والام مافتحت الموضوع من هذاك اليوم
لحد ماجاء يوم خرجت رهف من عندهم وهي خارجه من عند الباب شافها تركي لكنه ماعرفها ودخل وسال امها مين هذه يامي الي خرجت من شوي
الام : ماعرفتها هذه رهف
تركي ماشاء الله والله ماعرفتها
الام : كانت جايه تاخذ رائيي في عريس متقدم لها وتسالني بحكم انها تحس اني لها مثل امها الثانيه
تركي : اه وكان الصدمه بانت على وجهه وهي موافقه
الام : اقولك ياتركي انت جبت الاغراض الي قلتلك عليها تراني ابيها ضروري
تركي : ايوا ايوا جبتها بس مارديتي على سوالي
الام : وعلى وجهها ابتسامه خفيفه مالحظها تركي من صدمته أي سوال ذكرني كذا
تركي : هي وافقت على العريس الي تقدم لها اولا
الام : بصراحه مدري هي جت تاخذ رايي لكن انا بصراحه
مكان ودي لكن انت طلبت مني مافتح الموضوع مره
ثانيه بصراحه هي مين مايبيها جمال وادب واخلاق وخفت دم وبنت اصل وفصل الله يهني الي بياخذها
تركي : والحزن باين عليه وعلى صوته صحيح انتي
صادقه بس هي تستاهل واحد احسن مني انا ماصلح لها
ولاراح اقدر اسعدها واعطاها ظهره وطلع الدرج وحست امه انها قلبها بيتقطع عليه لكن عشان مصلحته
لازم تكمل الي بدئت فيه
انتهت رهف من الرسمه الي طلبتها الام من رهف وسوت زي ماقالت لها بضبط وخلت مينا تشوفها وقالت لها اذا اعجبتك انا بعطيك اياها طبعا مينا فرحت كثير واخذتها وطلبت منها الام انها تحطها في غرفتها وحطتها عند الابجوره الي عند سريرها ونامت
ودخلت الام على تركي وقالت له ان مينا مسكينه كانت تبي تسلم عليك قبل تنام بس انت يوم طولت نامت
راح تركي ودخل عليها الغرفه وباسها على راسها وجاء بيطفي النور حق الابجوره وشاف الرسمه كانت عباره عن ثلاث حصن وبيت كبير ورموز ماهي واضحه وتوقيعها تحت بس ماهو واضح زين
ولما صارمن بكره وهم جالسين على الطاوله يكلون الفطور راحت الام المطبخ وبقى تركي ومينا وسالها
تركي : مينا حبيبتي حلوه الرسمه الي عند سريرك منوين جبتيها
مينا : هذي رهف اعطتني اياها رهف ماشاء الله عليها
تحب الرسم رسمها يجنن
تركي : طيب وليش رسمت الحصن
مينا : هذي الحصن حقتك هي شافتهم وقالت لي انهم حلوين وانا ودي ارسمهم ورسمتهم
مينا : تركي ليش ماتتزوج رهف ترى انا احبها كثير وهي بعد تحبني وامي بعد وفهد كلنا نموت فيها
كان هذا الكلام كله امها هي الي وصتها تقول كذا
وهي ماكذبت خبر
مينا وترى بعد هي احس انها تحبك
تركي وهويضحك يسلام وكيف عرفتي ان شاء الله
انها تحبني يامشاغبه
مينا انا شفت عندها صوره فيها حرفك وحرفها ولما شفتها قالت لي اوعي تقولين له ترى ازعل عليك
تركي : صحيح طيب وليش تقولين لي مدام هي طلبت منك انك ماتقولين لازم ماتقولين
مينا : خلاص اذا شفت مره ثانيه شيء مراح اقولك
وقامت مينا ورجعت الام هي والخدامه عشان يشيلون السفره وسالها
تركي : يامي الي تقدم لرهف تعرفين اسمه
الام : وليش تسال
تركي : لالا بس انا ابي اعرف فضول بس
الام : وهي فرحانه ان خطتها ماشيه تمام لكن بدون ماتبين له طبعا
الام : اسمه احمد لاكن انا ماقلت لك
تركي : ايش وش فيه
الام : هي رفضته مع انه مافيه ولاشيء ينعاب ولد ناس وظيفته محترمه واخلاقه زينه
تركي : صحيح رفضته ليش وشو السبب
الام : مدري حتى انها مارضت تشوفه رفضته وبس واهلها زعلوا وقالوا اذا جاك احد ثاني بنوافق على طول
تركي وبان على وجهه ان الخبر افرحه المفروض مايقصبونها الزواج ماهو بالقصب
الام : ايو بس ان راح هذا بيجي غيره وهي مراح تقدر ترفض كل واحد يجيها
تركي : طيب ليش يامي ماتسالينها ليش رفضته
الام : انت ليش مهتم امرها يهمك
تركي : لالا طبعا بس انا شفتكم كلكم مهتمين فصرت زيكم وضحك وكنه بيشغلها عشان ماتنتبه
الام : كلام بيني وبينك انا حسيت ان قلبها مشغول باحد ثاني واضح عليها بس ماسالتها مين الله يحقق مناها ويعطيها الي تبي والله انها ماتستاهل الاكل خير وراحت وخلته جلس يفكر طول اليل وفي اليوم الثاني كانت الخطه الي سوتها الام لها مفعول سريع دخل على امه
وقال لها امي انا فكرت في الي طلبتيه مني وانا موافق اني اخطبها مدام هذه رغبتك
الام : وهي تضحك رغبتي ورغبتك ورغبتها بعد
وتوته توته فرغت الحتوته حلوه ولا فتفوته اتمنى تعجبكم وتنال على رضاكم وهالله هالله بردود الي تبرد القلب يالغاليات في انتظاركم 000000الماهرات