الجزء الثاني من ذكريات كنعان وكلنتون..احلى من الاول

هلا وغلا بكل اللي دخل الموضوع..هذا الجزء الثاني من ذكريات كنعان ولد ام كنعان ..وكلنتنوه ..خخخخخخخخخ

قلت لكلنتون..وشرايك نسبح..؟قال مهيب مشكلة ابسبح بس المشكلة ما معي صروال سباحة ..قلت لا ولا يهمك الحين اجيبلك صروال من داخل واروح ادور صروال سباحة ولا لقيت شي ما لقيت إلا صروال سنة الظاهر إنه صروال السباحة حق ابو صويلح
وآخذ الصروال واعطيه اياه
يوم جينا نبي نطب في البركة قال وش ذا الخضار اللي فيها قلت هذا نعناع كابينه في البركة علشان الواحد تطلع ريحته وش زينها<---- اصلن هالبركة مغربة لو تدخل يدك وسط المويه ما تشوفها :34: ونطب في البركة وتجي بنته قالت ما اعرف اسبح قلت هذا عز الطلب:32: .. قالت وشو؟ ..قلت يعني زين علشان إذا غرقتي اطب وانقذتس قالت منيب سابحة إلا بلستك وانا اللي يضيق صدري وشوي
وتطقني العبرة الحين طاقين مشوار وهالروحة كلها علشان تسبحين واخرتها تقولين ابي لستك واقعد العنفي ابو صويلح وراه ما حط لساتك يوم عزمت إني اروح ازنط ابو صويلح واشوى تجيني ذيك الفكرة ..واروح افك اللستك اللي في موتري واعطيه اياه
واشوى تطب تسبح بس مثل ما قلت لكم هالبركة مغربة وما اشوف شي عاد قلت في نفسي لازم ادور لي فكرةثانية..
واجيك اسوي نفسي اغرق ابيها تنقذني ويجي ابوها الملعون ويطلعني عاد انا سويت نفسي ميت علشان تجي تسوي لي تنفس صناعي مثل ما يسوون في الافلام <--- تراه في التلفزيون السعودي يعني كلهم رجاجيل.. ويجيك ابوها الملعون ويسوي لي تنفس صناعي المشكلة عليه ريحة اثم لو يتنفس في وجه تسلب كان مات ..
و وانا اللي اقوم وانا شوي وانصرع حتى ذيك الليلة قعدت كل الليل ادهن خشتي وحلقي بفكس ابيها تروح ريحة اثمه لكن ما نفع شي مع هالريحة إلا يوم قحنت لي غرشة بنزين :28: :10: ..
ايه نسيت اعلمكم يوم طلعنا من البركة قامت بنته تكحكح وجاها لويزات الله واعلم لفحها الهوا عاد انا استغليت الفرصة قلت لها وش رايتس ارفعتس بفكس <---- اللي ما يعرف وشو الترفيع يسئل جدته أو يسئل دعلج ..
قالت معصي الحين اشرب يانسون واطيب..
المهم إن سالفة المسبح ما نفعت عاد أنا ادور شي علشان اسولف معها قلت في أي سنة تدرسين قالت ..في ثامن باء قالت وانت قلت أنا خلصت الجامعة وناوي اكمل الدختوراه ..بعدين قلت في نفسي يا ولد اقطع عرق وسيح دم واجيك واقول لها وش رايتس تصيرين صديقتي ؟:26: وتقوم وتتفل في وجهي قالت نعنبوا هالخشة ما تستحي على وجهك ..يا حيف على الرجال بس<----- صارقها من التمثلية البدوية اللي تجي المغرب منول..
وانا اللي يطيح وجهي وانحاش من عندها :30: واروح اقعد مع ابوها قال هاه منتب جايب لنا عشا قلت ..لا ترى العشا في الليل مهوب زين حتى يقولون ما يتفخ الكرشة إلا هو..
وحنا منبطحين على الدكة قلت هاه يابو جون عطنا قصيده قال والله منيب شاعر قلت عطنا قصيده لأي واحد من شعراكم الكبار..
قال طيب ويقوم ويتنحنح ثمن قال هذي قصيدة للشاعر الكبير جورج بن ديفيد قلت اسلم قال يقول ابو ديفيد
في ذات يوم خرجت الصبحية والهوا اللي وش زينه يهفهف على صلعتي <---- تخبرون شعر هالامريكان كله سواليف انا يوم سمعت البيت الاول قلت خلاص ما عد نبي قصايد انا خابرن تمر فيذا وش رايك نروح ناكله؟.......
المهم يوم شفت إن كلش ما نفع قلت هين يا كلينتون شغلك عندي
يا عيال أنا شفت ناس ثقيلين طينة لكن مثل هالادمي ما عمري شفت
المهم من باتسر الفجرية قومتهم وقلت يالله مشينا ابوديكم لمشيوير واركبهم واروح وانزلهم عند بعارينحول الميزان اللي على طريق القصيم
:23: والتفت عليه مع الدريشة وأنا ماشي قلت يالله يالتسلب عود رجليه خلك يتقطع قلبك يالشايب ..وخل بنتك تطقها الشمس ألين يصير وجهها مثل تكرونيات مكة

:21: :22: