الجزء الثاني من كشتات شقحه........؟

السلااااااااااااااااااااااااااااااااام عليكم
اسفه على التأخير ونرجوا منكم السموحه

يوم راحت عني جفرتي
حزنت حزن ما يعلمه ألا ربي بس قلت لي مته وانا ضايقن خلقي ليه ما اوسع صدري
وانسى الجفر واروح األعب

كان اطلع وروح اشوي مع ابوي الفقع ( الناس تسويه مكابيس وحنا نشويه)
المهم
واكيد طبعا تغديت وبلعت لين انترس بطني وقلت الحين بيبدا الخبال

كان اقول حق بنات عمي ارواح ( اي لنذهب) نروح عند الجبال ورحنا يوم رحنا
ولا قعدت انا وبنت عمي نتسابق كان نسبق البنات
ما دريت ولا صياح نوره وخيتي: دااااااااااب شقحه داااااااب
وانا علبالي تضحك كان اقول : ودااب يعني شنو تبيني انقذك
كان تصيح والله العظيم انا قلت لا السالفه صج
يوم جيت ولا اشوف صج داب كان اصيح واركض لبوي يباااااااا داب داب
قالي : داب اخاف سحلي شفتوه علبالكم داب
قلت امش بس وربي فوقي داب كان يقوم ولد عمي الوليده راشد
وانا اركض معه ( فصخت الحيا امشي مع ولد عمي )
بس المهم
كان يمشي ويطالع ولا صج داب كان تقول اخته لا راشد مالك شغل روح لا يطير سمه عليك
كان اقول وشنو تبينا نموت كلنا علشان اخوك لا وانا بنت عمك ورنا شجاعتك واذبحه

كان يقولي : ليه مو اخوانك يذبحونه
قلت :اخواني رخوم قوم اذبحها انت
كان يسمي بسم الله وياخذ جريه ويصقعها براسها
وخذا الثانيه والثالثه والرابعه لين ماتت كان يقول ادفنوها لا تجي امها
وراح كان اروح واجيب صيخ للشوي وارفعها من بعيد بس لوتشوفون شكلي وانا ارفعها
تضحكون سنه
واروح عند ابوي وانا رافعتها بالصيخ واقول شفت بنتك الشجاعه ذبحت الداب
ولا اتكلت على الرياجيل
كان يقول بعدي يابنتي هذي البنت اللي تعتمد عليها
ولد عمي يطالعني منصدم بعدين قعد يضحك يقول ماهي صاحيه

وبعدين رحت انا وخزنه ونوره خواتي نرقص عرضه ونغني ( ذبحتي دااااب يا شقحه )
ويجي اخوي مشعل عند خمتنا ويرقص معنا وحناا انهبلنا اهبال
وراشد ولد عمي منقهر
وانا اضحك بخبث كل ما شفت اخته : نيهااااااااااااااااااا
وبعدين قلت لخوي خويلد تكفه قحص فينا بالعربانه كان يقول يالله
ورحت ناديت البنات وركبنا بالبدي
وقام يمشي خالد مسرع ويلف وحنا نصايح بس والله وناسه
ويقحص فينااا
كان يوقف ويخلي اختي نجله تسوق وانا نزلت من البدي ابي اروح اتناقش وياه
ليه نجله تسوق وانا لا كان يصكر الباب
وانا ابي اركض ابي اركب ولا نجله تحرك
وانا الحقهم واصيح ياهنووووووووووووو
يا نجيل ابك انا ما ركبت
بس كان المخيم ماهو بعيد عنا كنت اشوف الخيام مادريت ولا اشوف بقي مار من جنبي
اطاالع ولا الفارس الملثم اخوي محيمد راكب فيه كان اوقفه واقول
تكفه يامحمد ابك الربع راحوا وخلوني تكفه ابي احرهم
كان يقول كم تعطيني قلت اقول لبوي يشتري لك جهاز ابو كاميره
غبي انا ماقلت لبوي يشتري لي اخليه يشتري له بس عطيته 100 ريال قلت هذي بدال
التلفون
كان اركب وامشي فيه قدامهم واستعرض وافحط واحرهم ويجي خالد يقول انزلي ابي
اركب قلت تعرف الخيمه قال ايه قلت روح اقعد ينطرونك
وامشي بس المهم حريت بنات عمي وطلعت الحره اللي بقلبي وما خليت احد يركب

كان ارجع للخيمه والبنات حاقدات علي عااد انا اشوف ما سويت شي غلط إلا خواتي
حبايبي شمه وخزنه الوحيداات اللي ما زعلوا

كان اقول للبنات بلا زعل ولا شي نبي نلعب لعبة غمزه كان يعيون قلت كيفكم ابي اروح اجمع
اخواني والعب
واروح انادي مشعل قلت تعال نبي نلعب تلعب معانا كان يقول وعااادي ما في احراج
قلت لا خبرك تلعب مع البنات ماكو الا انا ونوره تلعب قال لا ابي حسبالي البنات معاكم ابي العب كوره
كان انادي البنات قلت الشباب وعماني يبون يلعبون كوره
ونطلع كلنا صار فريق ابوي وعيالله 8 وعماني وعيالهم
كان اسوي فريق تشجيع انا وخواتي وامي ومرت ابوي قمنا نغني ونرقص ونقصد
يعني منفعلات
مادريت ولا يدخل قول على ابوي وعيالله فريق الاتحاد كان يصيحون بنات عمي مستانسات
قلت ماراح اوقف التشجيع المفروض اني اسكت بس انا قلت ما اسكت لين تخلص المباراة
وبنات عمي يغنون نبي قول نبي قول
ولا اخواني تزداد همتهم ويسجلون قول التعادل قمت رحت سجدة سجدة شكر
وقمت اغني انا وخواتي ياكلك ياكلك ياكلك ياكلك
وبنات عمي يقلون لا تفرحون تو الناس
قلت لا والله بفرح وبذبح قعود وصارت المبارات كلها تحدي لين فزنا عليهم 2/1

ورحت اقصد عند ابوي
ابوي ما احلاه الله يرعاه هو وخواني الله يخليهم ابوهم للجنه وختهم للجنه
( انا قلبت القصيده كلها)

ومن بكره ولا يجي ابوي بالخبر المر قال يالله ترى العصر راح نمشي
وانا ما لي نفس كان اروح ارتب القش واشيل اغراضي
ومشينا للبيت
ورجعنا وانتهت طلعتنا والمرح والمتعه
بس ما خليت الكشته رحت وكشت فوق السطح

والى اللقااااااااااااء في كشته السنه الجايه بأذن الله اذا ربي احيانا
جاااااااااااااااااااااو جااااااااااااااااااااو