jolie وش تسوي مدام ايفون

حبيبتي اذا عندك وقت للرياضة والمشي فهاي أحسن طريقة مع شوية تخفيف بتجيب نتائج روعة
حسب ظروفك

بالتوفيق:26:

اول شي السلام عليكم جميعا

منو مدام ايفون و اشسالفتها و وين مكانها .. عطينا تفاصيل ماعليج امر و اشلون يعني النتيجه عجيبه؟ عفيه وضحيلي :32:

حنوووون المزيون

عليج بالرقص الشرقي يوميا لين تعرقين و تبقين من الحر ... و اذا مع ريجيم بعد بتكون النتيجه عجييييبه..
الرقص الشرقي يشد الجسم و يعطيه تقسيمة حلوه
راح يضعف بطنج و يشد و تنمسح المعده و يطلع لج خصر و تروح الخواصر والبلكونات اللي بالظهر و تضعف الفخوذ.. ترا والله اكلمج عن تجربه .
و اعرف وحده جسمها عجييييييييييب من كثر الرقص الشرقي .

و اذكر مره كانت عندنا بنت بالدوام الجسم مصبوووووب صب .. مو طبيعي .. اسألوها ناس عن السر قالت انها تموت على الرقص الشرقي ( هوايتها المفضله )

العمليه سهله .. كل ليلة اذا ناموا اليهال و قبل لا يرجع ابو العيال للبيت قفلي عليج بابج و رقصي لين تعرقين و تموتين من الحر ..حتى لو ماتعرفين .. شوي شوي بروحج بتعلمين .. و ترا في نوادي صحيه من ضمن برامجهم التدريب عالرقص الشرقي ..حاله حال الايروبكس .. بس مثل ما قلت لج اذا مالج خلق تلتزمين بدوام بالنادي .. رقصي ابيتج كلهم نفس النتيجه ... و الحركه بركه :26:

قبل كل شيء مشكورين عالرد والدخول لمأساتي مو لموضوعي ... تصدقون أمس رحت بشترى بدله عندي استقبال اليوم يوم غلقت دزيت لزوجي مسج من غرفة القياس مفادها ..
( يضيق خلقي لمن ألبس بدله يطلع شكلها غلط علي ... أرجوا إعادة النظر للمره المليون في طلبي ( شفط الدهون ))
أدري تنطرون الرد منه بس ولا عبرني :11:

بالنسبة للمشي سألوا شوارع الكويت عني كل يوم بممشي حتى شارع الحب قزيت فيه :32:
والأجهزه ضاق بيتي ... بالعكس طلعتلي عضلات صكيت على لعيبة كرة القدم صارت فخوذي بارزه العضله فبطلت وتميت على الجهاز اللي على شكل رقم 7 وبشكل عام مالي فخوذ كبيرة لالا عاديه حتى لمن رحت لدكتور الشفط قالي ما يسوون وعاديين

وجربت الرقص الشرقي والله حسيت نفسي مثل الهبله بروحي أرقص وبصراحه خفت لا يطلع لي جني تالي هالليل :30:

والنادي الرياضي والله نادي الفتاة شارع بيني وبينه بس زوجي مو راضي :29:

والطب رحت للدكتور طالب الشمري ضعفت من فوق ومن تحت وتميت بالوسط كأني الفريره

بس شنو قصة الدكتوره إيفون أنا خابره إيفون ماركة مكياج :27: