الجمبري المشوي اللذيذ ع طريقتي البسيطه

طريقتي بسيطه تعلمتهاوانا صغيره من خالي الله يحفظه ولحد الحين وان ما اعتمدت طريقه غيرها تنفعك بالعزايم المفاجئه لزوجك اواذا كان عندك زحمة شغل في البيت فهي عشا سريع ولذيذ صدق
نبدا بسم الله
اكيلو جمبري منزوع الراس وحاولي تسحبي الخيط بدون ماتشيلين القشره من ظهره لما تشيلين الراس حقته بعد م تنظفيه غسليه كويس في مصفى وحطيه بزبديه عميقه شوي
حبيت اقولكم يابنات اذا جاب زوجي الله يحفظه لي يارب الجمبري انزع راسه وانظف ظهره وعبي كل نص كيلو بكيس مضغوط ومسطح وحطه بالفريزر وعند الحاجه اطلعه وغسله ع طول
المهم ماطول عليكم بس حبيت اوضح كيف يكون سريع

بعدين تحطي بالزبديه
2ملعق كبيره بهارت مشكله
املعقة صغيره زنجبيل مطحون
ملعقه ونص كبيره ملح او حسب رغبتك
نص ملعقه صغيره ثوم مطحون
املعقة صغيره بهارات روبيان
3ملاعق كبيره زيت اي نوع انا اصلحها بزيت الزيتون او دوار الشمس
اخلطي الجمبري كويس مع الخلطه
بعدين حطيه بصينيه تيفال واسعه
غطيه وخليه بالثلاجه لحد وقت العشا او دخليه الفرن اذا مستعجله وجا وقت العشا
الفرن لازم تشغليه قبل ماتجهزي الجمبري و تحطيه على اعلى شي عندك
دخلي الصينه بدون غطى وخليه 20 دقيقه بسس
راح تلاحظون ان السوايل بدت تنشف ووقشرة الجمبري انتفخت يعني انه نضج
والف عافيه يارب
سلطة الملفوف والجزره لذيذه مررره معها
اتمنى تجربوها وعلموني بالنتيجه