الجن جننوني..ينامون جنبي والله عذاب..

السلااااام عليكم.........

كيفكم ياخوياتي .....ياااااااابعدي أنتم والله أحبكم...

شوفوا يابعداتي..((يعني يابعدي بس إنتوا كثيرات....الله يعينكم عالفلسفه خخخخخخخخ

هذا الموضوع نزلته قبل فتره في المجلس العام ......

ومدري ليه بعد فتره حذفوه....

المهم قلت خلونا نتونس هنيا في هالواحه .....

يعني أي وحده عندها قصص مشابهه تكتب .....عادي ما أضربها...00((إحلفي..خخخخخخ

طبعاً صارت لي مواقف كثيره ماسبق وكتبتها بأكتبها لو شفتكم تفاعلتوا....
بنات لاتخافون ترى لو خفتوا يطلعون لكم...(((بالقوه تبغاهم يخافون..خخخخخ

نبدأ .........



((تريما كاسيه )) لأنكم دخلتوا موضوعي....:icon28:

لو تفحطوووون ماني قايله لكم وش معناها....والله حبيبتي ماهو ذنبي إنكم ماتعرفون لغات((أقول ضفي وجهك))
حبياتي معناها...شكرا,,بس بالأندونيسي..نعم نعم..عندي لغه أندونيسيه...
الله يخلي نانسي...ياحبي لها...:)

لا ماهي نانسي بنت الشوارع هذه الوسخه إللي تقول((طربرب..وأدلع..وفي النهايه تقولي كولي تراب))إيه هي تغني كذا..ماقلت لكم وسخه وماتستحي ...ماعلينا...

أنا أقصد نانسي شغالتنا..الله يرحمها إذا ماتت في مد تسونامي...
إهئ إهئ...والله دقينا عليها ذيك الأيام ماترد...وبعد فتره رد واحد قال..
مافي شغاله إسموا كدا...يمكن هيا موت...

وأنا أبكي...أبكي...لأنها طيبه حييييييييل...



((الحمدلله والشكر..نسيت الموضوع وجلست تحكينا عن شغالتهم..صدق ماتنعطى وجه))


للإستمرار في قراءة الموضوع...
يجب عليكي الموافقه على الشروط المدونه أدناه...

أولاً:ضفي وجهك ..إقري على نفسك...

ثانياً:أنا أخلي مسؤوليتي لو وحده فيكم ما نامت الليل..بالعربي الفصيح لوكنتي خوافه جهزي لك فراش بجنب أمك..وإذا متزوجه مايحتاج أكيد جنبه..

ثالثاً:إذا كنتي تحت سن ال13..أنا أبصم على العشره إنك ماإنتي بنايمه اليوم...

رابعاً:ياليت تسوين لي قهوه ومعمول...بس كثري الهيل لو سمحتي لأن المره الماضيه كان خفيف...





((بنات لا تزعلون...يعني صح الشروط تعسفيه بس صدقوني لمصلحتكم))

إذا كنتي موافقه إضغطي ((هنا))







خخخخخخخخخخخخخخخخخخ هاهاهاهاهاهاهاهاهاهاهاهاهاهاي
رحتوا تضغطون وماطلع لكم شي..ضحكت عليكم...والفأر في إيديكم..


يالله خلينا نكمل السالفه....


يقولكم يا طويلات العمر...
في الأمس كنت مواصله مثل أي يوم...
((والله لوتدرون عن نظام نومي..إنكم تكرهوني وتقولون بالفعل جنيه))
أنا أنام الساعه الحادية عشر صباحاً..وأستيقظ الساعه العاشرة مساءً...
لالالالالالالالالا..أقوم أصلي وأرجع أنام...))

المهم..بعد صلاة الصبح ..قلت الأذكار والله قلتها..((أستغفر الله أحياناً ما أقولها))
وفي الساعه السابعه..((أموت أنا في اللغه العربيه))

قلت يابنت إفتحي الراديو وإسمعي البرنامج..يعني عاجبك الطفش إللي إنتي فيه يادب
((طبعاً هذه نفسي تكلمني..النفس الأمّاره بالسوء))
والله وشغلت الراديو...وكنت في غرفه مظلمه..لأن أخواني الصغار نايمين..
إلا أسمع هالمذيعه تقول..فاصل غنائي...ونعود بعد قليل..((ياكذبها..غنيه وراء غنيه..ويروح وقت البرنامج في الأغاني))
المهم أنا و وجهي سمعت هالأغنيه ..الله يهديني...بس والله من الطفش...



وفي تلك اللحظه....



لاتنزلون يا أصحاب القلوب الضعيفه...أنا حذرت..





بينما أنا مستلقيه على السرير..وأنظر في الجدار((صح الغرفه ظلمه بس أشوف نور ينعكس على الجدار))ترى والله ما أقدر على هالفلفسه((ترى الفلفسه علم جديد..أنا إخترعته..هو غير الفلسفه))



وإذا بي أرى....وأنا أسمع لذلك المغني الله يهديه وإيانا...



أرى....




أرى في الجدار خيال طفل يمشي....



إنشليت...وقف الدم بعروقي..قلت ياحرمه يمكن أخوك قام من النوم...
أناظر..والله أخوي نايم....
وأفز ذيك الفزه((أفز معناها أنط أو أقفز..الله يعيني على الترجمه بس ترى بفلوس))

وأجرررررررررري على أختي إللي أكبر مني...وأقولها :::::
حطي يدك على قلبي..وقلبي يقول...طربق طربق..
وهي مسكينه خايفه وتقول..وش بلاك....لايكون في حرامي؟؟؟
قلت لها::جني ...جني...آه والله شفته جني صغير..
قالت ::بسم الله عليكي..هم وش سالفتهم معك....






نعم ...نعم...سالفتهم معي طويله...



مثلاً....مره كنت أذاكر فوق السطح((الشطاره قاتلتني))
وكانت الساعه الرابعه فجراً..وأذن الأذان الأول...
وقفت أشوف المناظر الخلابه التي يطل عليها سطحنا((ورود وزهور وعصافير..وضفي وجهك ياكذوب))

وفي هذه اللحظه....شفت شي ما أنساه طوووووووول حياتي...
لفت نظري في الجدار شي يتحرك...كأنه بني آدم..

ناظرت..إلا شايب لابس خيشه...((يعني لبس خشن ..ترى هذه المره الثانيه أترجم..والحساب بعدين نتفاهم عليه))
أنا جن جنوني..قلت يمكن يابنت ظل واحد واقف بعيد...يمكن((مسكينه أطمن نفسي))
والله أطالع مافي أحد..بعدين إستوعبت إنه جني..
وااااااااااو ..كان معه سيف يلوح به..بطريقه تفسيرها إنه يبي يقتلني...
كأنه يقص رقبة واحد قدامه..

لا وعنده لحيه...ومنكوشه بالحيل....

بإختصار عقلي طار....
وأرمي الكتاب شر رميه وأجرررررررري عند أهلي ::::شفت جني ..شفت جني...

بالبدايه قالوا ::ياليت تضفين وجهك ترى محد رايق لمقالبك مع هالصبح..
قلت:والله جني..
ومحد صدقني....

إهئ إهئ...سلاح المرأه دموعها((ومثل كل مره هالحكمه من رأسي)):icon33:

ويقومون أهلي وينه ؟؟؟؟وينه؟؟
قلت :بدري يمديه راح بيته..وأكيد يضحك علي ..يقول خبله محد صدقها..

والله وتطلع شغالتنا ...وقالت...وين إنتي يسوف هادا جني؟؟؟

قلت لها ::هنا ياجنيه..
وراحت للمكان..وقامت تقول كلام ما هو مفهوم..وتهدد بإصبعها السبابه..وتحمر عينها..وكأنها تشوف أحد..وأطيرررررررر أنا لأمي..
وأقولها::إلحقي ..إلحقي...شغالتك مصاحبه جني..والله يهرجون فوق الظاهر إنه زعلها جالسه تخاصمه...
إلا وهذه شغالتنا قدامي..قلت لها بشري وش قال::
بس أمي ماخلتني أكلمها..مدري ليه...يمكن عشان الشغاله ماتخربني وتخليني صايعه مثلها وأتعرف على شاب جني....ما أدري يمكن..((تسوين خير لوتضفين وجهك))

المهم..مر الموضوع على خير....



أما السالفه التاليه..فإنها لامحاله..عقولكم طايره... طايره

في يوم من أيام هذه الإجازه الغبراء..
كانت الساعه تشير للثانيه بعد منتصف الليل..
وبينما كانت أسرتي تحتسي الشاي ...وتأكل البسكويت...

((والله أنا بس خايفه ..يطلبوني وزارة التربيه والتعليم..عشان أصير موجهه للغه العربيه))


المهم....كنا جالسين بغرفة المعيشه...وفجأه....





شمينا ريحة حرق..والله ريحه قوووووويه تكتم...
قلنا يمكن من المكيف...وطفيناه...والريحه زادت...
طلعنا من الغرفه...وقفلنا الباب...


بس الريحه زاااااادت حيييييل...
قلت لأمي خليني أصحي أبوي..قالت :لا ..يمكن من الشارع..
وأروح أفتح الشباك..وأشممممم..وأشمممممم..والله مافيه ريحه..
وصار البيت كله مكتوم من هالريحه...
كل مادخلنا غرفه..تنتشر الريحه فيها..


ولما خلاااااااااص حسيت إني ميته لا محاله..
رحت قومت أبوي...وقلت له:ماتشم ريحه
قال:إنتي مصحيتني من النوم عشان تسأليني هالسؤال؟؟؟؟

قلت :لا بس إحنا بنموت فيه ريحه قويه بالبيت...
طلع الشارع ورجع قال:أكيد إلتماس كهربائي...
وأهلي طلعوا فوق السطح..بس أنا جلست تحت ((الخوف قاتلني))
والله يابنات كل ما قرب وقت أذان الفجر ..كل ماخفت الريحه...
إلين بعد الصلاه...والله ولا كأنه أصلا كان فيه ريحه...
وكشف أبوي على الأسلاك وكل شي تمام..مافي شي محروق..
للأسف طلعت أذيه منهم...


السالفه الأخيره...
مره كنت نايمه...وكنت حاطه الجوال قريب مني...
وأنا في بداية النومه يعني فقدت الوعي بس مادخلت في الغويط......سمعت صوت الجوال يدق..وبأرفع لكن أخوي الصغير وراي نايم..يقول:لا ترفعين تراهم يضحكون عليك...والله كنت أسمع ضحكات بالفعل..
وأحس في أحد كاتم علي ومضايقني..:09:

وأخيرا قمت وأنا على بالي إنه كل إللي صار حقيقه...شفت الجوال ومافيه أحد دق علي..وأخوي على جنبه اليمين مثل ماتركته قبل لا أغفو....

وجلست أبكي من الخوف..بس أروح لمن؟؟كلهم نايمين...
قريت على نفسي ونمت وأنا مرعوبه...

وقبل كم يوم ...غفوت وأحس إنه في أحد قدامي..يعني أحد حاضني..وكاتم علي..أحاول أتحرك..ماني قادره...
ولما صحيت وفتحت عيوني...





لقيت سواد قدامي..قلت بسم الله ..إختفى...

رحت أبكي..وصحيت أمي من نومها...
بس ما أعطتني وجه...إهئ إهئ..
قلت لها:طيب الحين تشوفين وش بسوي....
وأروح أجيب مخدتي وبطانيتي وأنثبر جنبها..
والله كنت مرعوبه..لأن المسكه عورت لي كتوفي..كنت أتألم منها...





وهذا كله كوم....وسرقتهم كوم ثاني...
ياهم حرميه بشكل...
أبوي ماعاد يحط فلوسه بالبيت...لأنه ياما إنسرقت آلاف..

هذا غير الأشياء إللي تختفي...وبعد فتره تظهر...
يعني تعتبر إستعاره..يستخدمونها ويردونها ...والله حاله..



وعليهم حركة نذاله...يممممه منهم...
مره كنت نايمه..وأختي تصلي...
تقول أختي:وأنا أصلي لمحتك تمرين من جنبي وتروحين الحمام((الله يكرمكم))
وسمعت صوت باب الحمام..والمويه..وأنا وقت الصلاه أقول في نفسي..الحمدلله أول مره تصحى من وحدها((ياعيني على الخشوع في الصلاه))

ولما خلصت صلاه..دخلت غرفتي ولقتني نايمه..راحت للحمام ومالقت فيه أثر لمويه..

البنت جلست تبكي من الخوف..وتصحيني..تقول:إنتي مين؟؟
قلت لها:جدو أمين..تستهبلين إنتي ؟؟وحكتني السالفه وطار النوم...
بس حقيقي رعب...



أما أخوي الصغير..ياهم معذبينه عذاب....
مره كان وحده في الغرفه..وفجأه سمعناه يصارخ ويضارب...ويقول:
والله ألوح ..إنتي ماتلوحين...((يعني والله أروح وإنتي ما تروحين))

دخلنا عليه لقيناه يناظر في ركن الغرفه...
قلت له:وش بلاك حبيبي؟؟
قال:في بنت تقول:إنت ماتروح معنا..كلنا نروح بس إنت نخليك وحدك هنا..
ولما سألته البنت تشبه مين؟؟؟قال:تشبه وحده من خواتي..بس هي مسافره..

يالله أبيكم تقولون لي وش الحل؟؟
لاتقولون إنقلوا من البيت لأن جدتي ساكنه معنا..وما تخلي بيتها لو تموت..وأبوي ما يخلي أمه لو يموت..يعني مستحيل...

أنا إللي مجنني ليه شفتهم مع إني قايله الأذكار...
وتراني أحب أعرف إنتوا مثلي تعانون وإلا بس أنا؟؟
وش يسون لكم يابنات ؟؟؟


يالله أبي حمااااااااس وتفاعل...
وياليت ماتنسون الأدعيه إللي تحفظ الإنسان من شرورهم...

وسلامتكم...:icon28:









لحظه ...لحظه....
وين ضافين وجيهكم....؟؟؟؟
تحسبوني نسيت حساب الترجمه...

ترى أجرجركم في المحاكم....
هيا بالطيب كلكم تدفعون الحساب بإنكم تردون علي؟؟؟:42: