اتمنى تكونون جميعا بخير
واللي حامل يارب تمم لها وسهل عليها
واللي مو حامل يارب ارزقها من فضلك
بدايه اللي عندها شغاله هي مطروده من الموضوع اوووت<<<<<<<:2thmup: نمزح لاتحمقون يمكن شغالاتكم شريرات هههههههههههه
المهم شوفوا هذا الموضوع بيشمل كل شي يخفف على الحامل وقفه المطبخ في رمضان
واذا قدرنا شغل البيت كمان
اول شي ممكن يريح مخك ويخفف عليك هو المفرزنات
تقدرين تطلبينها لكل رمضان او تسوينها لانها صايره تكلف الصراحه
او دامه مافيه وقت اطلبي بس حق 5 ايام وانتي براحتك كل يوم فرزني صنف
وممكن نتبادل معلومات الاتصال مع بعض للي يفرزنون واسعارهم
انا طلبت من ثنتين بالانستقرام عشان اجربهم ولسى والله ماجربتهم اذا تمام علمتكم وبنزلكم صورتها اذا وصلاتني ان شالله
الانستقرام مليااااان حسابات <<<<<<للي مايعرفه هو تطبيق على الاجهزه الذكيه اسمه Instagram يعرضون الناس فيه صور ويكتبون تعليقات وفيه ناس فتحوا حسابات فيه عشان يبيعون
نرجع للمفرزنات واصنافها
فيه موضوع شامل لام فيصل الله يغفرلها
http://forum.hawaaworld.com/showthread.php?t=978186
بس فيه موضوع مافتح حق تفريز المعجنات
شوفوا ياحلوات المعجنات حمريها تحمير بسيط من تحت وفوق وفرزنيها
وبعضهم يحمرونها بس من تحت واذا بغوها طلعوها من الفريز فتره ثم بس حمروها من فوق
الكبه عشان ماتلزق ببعضها سويها وصفيها بصينيه ثم حطيها بالفريز
اذا جمدت حطيها بعلبه:biggthump
صدور الدجاج قطعيها وفرزنيها والطماطم اطحنيها وكيسيها وفرزنيها
والبصل اطحني كميه وحطيها بالثلاجه واذا بغيتي اطحني معه فلفل بارد:biggthump
الشوربه سوي حق 3 ايام على قولت اميمتي الله يشفيها ياكريم ويطولنا بعمرها
والطبق الرئيسي راح نتبادل هنا الاطباق السهله السريعه واذا زوجك موب يخالف سوي حق يومين مره وحده
الاطباق السهله السريعه
عندك صينيه التوست:
لها اكثر من طريقه لو بحثتي
بس طريقتي قطعي حواف التوست وحطي بالصينيه شوي من خلطه خلطه (علبه قشطه+3 ملاعق جبن سايل) وصفيه بصينيتك وكبي فوقه خلطتك( لصدور الدجاج او التونه او الخضار) ثم ارجعي صفي توست فوقه ثم حطي باقي خلطه وحمريها بالفرن من فوق
وهذي تقريبا نفسها بس التوست سووها رولات وحطوا عالحواف جبن سايل عشان يمسك
والحشوه معها دجاج وذره وجزر مبشور
البشاميل فيه ناس يسوون كميه يخلونه اكثر من يومين اذا مسكر تمام ما يتغير لانه طحين وحليب وملح ^^
واذا بتستخدمين ارجعي اطبخيه شوي وضيفي قطرات ماء شوووي عن اللزوم
الطبق الثاني صينيه خضار صحي وسهل ومافيه روايح بصل وقلي وطعمها حلو
الطريقه:
قطعي الكوسه والجزر والبطاطس مكعبات مدري اذا بتطلع حلوه مع نوع خضار ثانيه
حطي فالقدر شوي زيت وحطي ماجي وحطي الخضار وقطعه فلفل بارد وشويه مويه وصويا شوي
وغطيها اذا احتاجت زياده مويه زيديها شوي . اذا استوت حطيها بصينيه وحطي فوقها خلطه قشطه وجبن سايل. والله لذيذه وسريعها وتنوكل مع الخبز المفرود
هذي الاطباق الرئيسيه اللي ببالي الحين
الله يسلمك الحين خلصتي طبخ شفتي المواعين وراك:ohwe: الحين قلبوا انتي محتاجه غساله مواعين تريحك
اذا تقدرين . يازينها والله اني اتمناها :32: يارب تسخرلي واشتريها قبل رمضان
باذن الله الموضوع مستمر حتى في رمضان وبنعرض اطباقنا السهله وصورها ^ـ^
