ماش والله .. مو زي تصاميمك اللي دايم ..

والعيوب كثيره وتبيلها قعده ..

انا راجعه انشاء الله .. وراح أنبش بالمنقاش ..

الله يعينك ..

زي ماقلت لي عوده ..

أهلين أختي الأجودية ...
بالعكس أنا أبيكم تنقدون ..أصلا متعمد أنزل تصميم بهذا المستوى على شان نتعلم على النقد (محاولة تصريف)

طيب ..
الحين الدخان (على فكرة تراها صورة رجال بس نخليها دخان ) صورة الدخان والكاس ,,
..لو قلنا إنها توحي لمعنى آخر ..راح يكون يعني لليالي الحمراء ..صح
يعني برايك لو حطيت هذي العبارة
وبعد ليلة حمراء ..علمت أن الحب ألعوبة ..خسرت فيها أعز ماأملك .....م,ن

تنتهي المشكلة...أو لا ..

2- بالنسبة للكاس هو في الحقيقة صورة وليس رسم ...يعني أنا قصيت الصورة من الخلفية ولعبت شوي
بالألوان ..خليت اللون الأحمر فاقع شوي ..ومنا ومنا ..وطلع بهذا الشكل ..ولا هو بالأصل صورة ولو دققتي شوي بأطراف الكأس تلقين لون بنفسجي ..هذا لون الخلفية ..بس محد انتبه له ...:D

- بالنسبة لتضليل كلمة الحب ...ماأدري لكني أحس إنها جميلة جدا ..كأنها مكتوبة بالدم ...
أنا ماأحب أحط الألوان التقليدية للحب ,,,الي هو اللون الوردي الناعم لا ..ودي يكون لون الحب ..بشع ..على شان يصحون العالم ..أبغاه صارخ ..يعبر عن مأساة ..

- وش بقى وش بقى ...(أبشع صورة ..) ..تغيرها سهل ..يعني ممكن أكتبها بخط يد وتصير باللون الاحمر الفاقع..مع الأسود والأصفر ..مطاريس ..بس أعتقد إنها بتكون أحلى

شكرا لك على صدماتك ..وان شاء الله يتحسن مستواي في الأيام الجاية ...

لك تحياتي





أهلييين أختي الرعبوبة ...
مشكوووووورة على كلامك وتعقيبك ..فعلا ..التركيز على اليمين واليسار فاضي ..بس هذا موعيب ..يعني تعتبر حركة جمالية ..بدل ما نعفس الدنيا فوق تحت ويصير الكلام فوق الصور ..هذي طريقة إنه يكون التصميم مقسم ..يعني الصور على اليمين والكلام على اليسار أو العكس أو الصورة فوق والكلام تحت وزي كذا يعني مايكونون فوق بعض ...
بالنسبة للون الأبيض هذا مو دخان ..هذي صورة رجال بس مو واضحة ..صورة وجه كبيرة نصها نور ونصها ظل ,,شوفي فوق يمين فيه عينه ..طبعا أنا مسوي عليها تأثير على شان كذا طلع مو واضح بس الظاهر إني زودتها وصارت شكل مبهم ..ممكن نعتبرة دخان ..ممكن نعتبرة قماش ,,ممكن نعتبره مجرد لون أبيض مو مشكلة أهم شيء مايشوه التصميم ..ولا وش رايك ..:D
بالنسبة للكاس هو في الحقيقة صورة وليس رسم ...يعني أنا قصيت الصورة من الخلفية ولعبت شوووي
بالألوان ..خليت اللون الأحمر فاقع شوي ..ومنا ومنا ..وطلع بهذا الشكل ..ولا هو بالأصل صورة ولو دققتي شوي بأطراف الكأس تلقين لون بنفسجي ..هذا لون الخلفية ..بس محد انتبه له ...:D
الحين ماأقدر أحرك صورة من الموجود لأني ماأحتفظت بالتصميم على شكل شرائح PSD
يعني الشيء الوحيد الي أقدر أسويه إني اضيف ..شيء جديد ..ممكن أمسح الكلام لأن الخلفية الي وراه سوداء مافي مشكلة ..بس الباقي صعبة ,,,ويظل التصميم مجرد تجربة

مرة ثانية أللللللف شكر لك وتقبلي تحياتي


هلاا ضوء المكان
عااااااد ماصدقتي لقيتي علي شيء :D..بتشرشحينن تشرشح ..بس مو مشكلة ..ترى هذا فيه فايدة لكم
بالأول بعدين لي ...لأن التصميم فيه مجال للأخذ والرد ..بعدين ينمي الموهبه النقدية للكل
ونتظر مناقيشك
ولا تنسين تقولين رايك بالعبارة المقترحة ..

سلام ..

يااااااه يانا راح اشرشحك .. شرشحه على مستوى << وحده حاقده ..:D

راح ارقمهن عشان تعرف عددهن :

1/ اللي ورا الكاس احس انه كأنه شبح مو رجال .. ويخرع بعد .. ياليت تعدل به ..

2/ love وكلمة الحب مايجتمعن مع بعض .. او قصدك اللي مايفهم انقلش يقرا المكتوب بالعربي .. << افهمها عاد ..:D

3/ فيه خط احمر عند كلمة ابو هيثم يفشل .. خاطم .. مادري وش قصدك منه ..

4/ الكاس وش الهدف منه في الصوره .. << وبعدين ترا له معنى آخر عند النصارى ..

5/ ماضبطت حركة القلوب ..

6/ شكل الصوره عموما لو يكون مستطيل احلى من انوووو مربع وفيه مساحات كبيره وفاضيه ..

7/ وش بعد .. مو تلاحظ انه في كل مكان كلمه .. يعني متفرقات وبينهن مسافات كبيره ..

8/ كلمة أبشع صوره .. لو تخليها يعني بتنقط دم .. << جريمه ..خخخ ..

9/ العباره منيحه .. لكن ماتعبر بالصوره المطلوبه عن المغزى ..

وانا باذن الله ان خطر على بالي عباره ثانيه ومناسبه ماراح اتأخر ..

وايضا ان طرى على بالي عيوب ثانيه راح ارجع واكتبهن هني ..:D

------------------------

عموماً لا يضيق صدرك .. التصميم حلو .. وما قلل من جماله كل هالكلمات اللي كتبتها ..

------------------------

والله التصميم تماااام يابنات ومو شايفة شي مش مضبوط فيه خصوصا كلمة الحب التشويش اللي تحتها حلو وحتى درجة اللون مناسبة
بس اعتراضي الوحيد على الصياغة للعبارة المعنى جميل بس الكلمات ..... عادية جدا لا تسألني عن الكلمات المناسبة عاد أنت عربي وأبخص بها أتوقع ممكن صياغة المعنى بعبارة أقصر وتحمل سمات أدبية

وتراك غلطان يوم غيرت العبارة لأنك لما بديت التصميم بنيته على هالأساس واستوحيته من هالعبارة بس يوم غيرت العبارة كأنك بدلت أساس التصميم فصار اهتزاز أو فراغ
:D

وعليكم السلام ورحمة الله وبركاته..

اخي الكريم (تفـكر في مين)...

انا من زمان وانا اشوف تصميماتك..وتصميمات ثانية للبنات

واموت قهر لاني ما علقت عليها او ابديت اعجابي بها

ومن ملاحظتي لتصميماتك انا احس انها كاملة من ناحية الفكرة

والتصميم ..واحس ان الفكرة كلما كانت بسيطة يسهل

تطبيقهاوتصميمهاوهذا مبين من تصميماتك..

وهذا اللي يعقدني بالفوتوشوب اول الفكرة تكون براسي واذا جيت اطبقها

اكبر المسالة واعقدها وودي احط كل شي بهالتصميم واطلع من المدرسة

(الفوتوشوبية) راسبة..مع اني متذوقة جيدة للاعمال ..

ومن ناحية العمل هذا>= = = ( بدت تفلفس)

فهو ممتاز..لانك عبرت عن شيئين متناقضين وفصلت بينهم

لكن يمكن يببي له زيادة عناصر بالنسبة للجانب اللي فيه الكاس والقلوب

حتى تكتمل الصورة او الفكرة المقصودة ..

ويمكن وضع جماجم او شي من هذا القبيل وتكون في المساحة السوداء

الفاضية في الاعلى..

وهذا رأيي.......وعلى فكرة كنت برد عليك اول وحدة لكن تسجيل الدخول حال دون ذلك

يعني كلامي فيه بعض اقتراحات البنات..لذا اختصرت الطريق وقلت النقاط

الناقصة..

وفقك الله..

الاحـ ملكة ـزان......