أهليييييين أختي ضوء المكان ...والله ماأدري وشلون أشكرك على نقدك ...

بعدين وراه الإنجليزي والعربي مايجتمعون ...ترى مافيه قواعد بالتصاميم ..يعني أنا
حطيت love دلالة على المفهوم الغربي لكلمة الحب ..يعني الحب الي أقصده هو بمفهومه الغربي
على شان كذا لازم أحط كلمة لوف ...شوفي لا تخلين أتفلسف ولا ترى مايردن أحد ..:D
بس أنتي حليتيها ..
على فكرة الأذواق تختلف وحنا مانقدر نقول لا كلامك صح وكلامي غلط أو العكس لأنه مافيه مرجع ثابت ...كلنا نعتمد على الذوق ....
بس معاك حق ..الرجال مرة صاير شكله كأنه وحش ولا دخان ...يعني مايدرى وشو ..وأنا شايف الصورة قبل التأثير على شان كذا متخيلها بس أنتم لا
باقي الكاس ..طبعا الكاس مثل ماقلت بداية التصميم كانت فكرة تختلف وكلام يختلف بس غيرت في النهاية ....كنت ناوي أخلي عنوان التصميم الليالي الحمراء ...والكأس يتناسب مع ليلة حمراء ..على فكرة كنت بكتبها بالإنجليزي بس ماعرفت وش معناها :D زين إني أعرف كلمة Love وتخب علي
ومثل ماقلت استخدمت الإنجليزي بالتصميم لربط علاقة بين المفهوم الغربي للحب والي نشوفه الحين موجود بيننا ...
النقطة التاسعة أنا معاك فيها ...فعلا ..أنا حاس إنه فيه فراغ بين التصميم والكلام ..
ووووووووووووووألف شكر لك ..



أهلا مغاني ..
جابك الله تفزعين معاي ...
مادري وشفيهم حاطين علي ,,,بس ولو ..أزين ..خلهم يتشجعون على النقد ويعبرون بكل حرية ...:D
معاك حق ...كوني غيرت العبارة أو الفكرة أكثر من مرة أثناء التصميم سبب فراغ كبييير في التصميم وصار كأنه فيه تفكك في العناصر
حتى العبارة طلعت معاي عقب ما انتهيت من التصميم ...يعني يوم صممت صرت افكر بعبارة وبالأخير طلعت هذي ...واضح إنها ضعيفة رغم إن معناها قوي
شكرا لك ألف شكر ...وتقبلي تحياتي


أهلين ملكة الأحزاااااان

ترى التعليق من جد يأثر في الواحد سواء لي أو لغيري ...حتى لو قلتي حلوة بس..يكفي إني عرفت إنك اطلعتي عليها وأعجبتك ...
وعلى فكرة كونك تحطين كل شيء حلو بالتصميم خطأ لأنه بيصير زحمة ...يعني أنا عندي أكثر من صورة للقلب ..بس ليش أحطها كلها ...يكفي صورة وحدة ...أهم شيء إنك وصلت للفكرة الي تبيها ...
أنا أذكر يوم كنت أدرس فنية بصف سادس ..كان الأستاذ يقول عبو الصفحة ألوان ..ماأبغى ولا مساحة فاضية ...تكسرت إدينا وحنا نلون السماء بالأزرق ...وكبرنا وكبرت معانا الفكرة هذي ..إنه لازم يكون كل التصميم ألوان ...لكن الفراغ واللون الأبيض له سحرة وجماله ...أنا شخصياً لما أشوف تصميم كله شخابيط ولون رايح ولون جاي وصور ..أتضايق مع إنه جميل نوعا ماء لكن مو مثل لو أشوف تصميم هادي فيه مساحات بيضاء ..أو مو شرط بيضاء ..مساحة صافية ..ارتاح ..لعل فقاقيع يستخدمون الخاصية هذي لكنهم بالغوا فيها إلى حد المهزلة ..وصارت المسألة كلام وصورة ..ولا صرنا نفرق بين المصمم والميكانيكي...المهم مالنا دخل منهم
تدرين وش مشكلتك يا ملكة ..أو مشكلتنا كلنا ..إننا ما عندنا الأحساس بكتمال الشيء ,,ممممم يعني وشلون ..(معليش أنا طفشان اليوم وبتفلسف)...بقرب لك الصورة ..الفنان الي يرسم لوحات
لو تشوفينه وهو يرسم ..يظل يرسم ويرسم ..وفجأة يتوقف .. أنتهت اللوحة ..مايستمر ..خلاص يوقف لأن الفكرة الي في بالة صار يشوفها واضحة في اللوحة ..احساسة يقوله كذا .. وهذا الشيء الي نبيه ..نبغى هذي الميزة ..إننا نقدر نحدد اللحظة الي ينتهي فيها التصميم أو تنتهي فيه اللوحة ..وهذا يحتاج له في البداية وضوح للفكر وتمرس في العمل ....آسف على الفلسفة ..شكلك تقولين توبه أعلق على تصاميمك ..:Dبس لا تخافين ..نادر ماتصدف وأكون رايق :D
مشكورة على انتقادك ..ونتمنى نشوف لك تصاميم جديدة ...

تحياتي

السلام عليكم ورحمة الله..

اخي الكريم...(تفكر في مين)..

ماشاء الله عليك استاذ..عندك فلسفة بالتصميم وفلسفة بالكلام..

وكلامك كله منطقي وصحيح..و بصراحة يخلي الواحد ينتبه لاشياء

مهمه قبل التصميم..وانا عندي بعض التصميمات على جهازي لكنها مو ذاك المستوى

اللي اشوفه من تصميماتكم .. واللي يبهرني اكثر درجة الالوان المستخدمة في

التصميمات..مثل اللون الاحمرفي تصميمك هذا درجته مرة حلوة..اما الواني فهي

تقليدية ومملة..وبعمل بنصيحتك واحاول اقلل من العناصر اللي احطها بالتصميم..

وبصراحة برنامج السويش آخذ كل وقتي..رغم ان الاعمال الفوتوشوبية تعجبني اكثر

من الاعمال الفلاشية..

فايش تنصحني حتى اترسخ بالفوتوشوب هل اعمل تصميمات واطرحها للنقد؟..اواقرا

بعض الدروس الموجودة في المنتديات؟..مع اني قريت الكثير منها واحول تطبيقها

لكن احسها مملة جدا..وهل الفلاتر لها تاثير كبير في العمل؟؟؟

ومشكور الف شكر لردك الجميل..

الاحـ ملكة ـزان..

أهلاً أهلاً بمبدع المنتدى:)

خد شوية فزلكة:)

التصميم لازم يعطيك إحساس بالقبح
وهذا متوفر ورأيى أن تظل الخلفية سوداء

ولكن ما سيجعله فى رأيى جميل بالفعل

أن يغطى الدخان على الجزء الأيمن من الصورة بالكامل
"يعنى تغيير أساسى فى التصميم"

وكلمة "الحب" فى الأسفل بهذا الشكل وضعها غير منطقى

أقولك فكرة...يا ريت تجربها

إعمل تقسيم للجزء الأيمن كما هو تماماً إلى جزئين

جزء أسفل تفاصيله واضحة ولكن متحولة إلى رماد

وعند فصله عن الجزء الأعلى ينبعث الدخان
انا عاجبنى اللى بقوله...بس انا ماليش ثقل على الفوتوشوب أبداااااااااً

فى إنتظار مبدعنا أفكر فيك:)

بسم الله الرحمن الرحيم

أخي في الله (أفكر فيك)
أرى في التصميم عدة أشياء:
1- الكأس أفتقد لجزئه الأيسر الأعلى.
2- هل عبارة " أبشع صورة " فقط تعني الكأس والليالي الحمراء؟
3- أعتقد أنه لابد أن توضح عبارة "الحب في الله ولله" بشيئ من الصور.
وعموما لكل شخص رأي واختلاف الرأي لا يفسد للود قضيه ، كما يجب أن نعلم أن التصميم موهبه قبل أي شيئ أخر، وكذلك هناك تصاميم لا يمكن لأحد أن يحللها إلا مصممها. أتمنى أن أكون قد وفقت في تقديم (النصيحه) وأتمنى لنا ولك وللجميع دوام التقدم والإبداع والتوفيق لما فيه صلاح ديننا ودنيانا وما فيه منفعته للمسلمين عامه.

والله أعلم
أخوكم في الله

هلا ملكة الأحزان ....شوفي ..لو تموتيييين ماراح أقولك أنا أفكر فمين ..:D
لا تصدقين عاد ..ترىي ماأفكر بأحد ولا بالي بأحد ... أيام ماكنت أسجل بالمنتدى قبل سنتين كان بالي مشغول ...وصادفت إني لقيت صورة حلوة تناسب الإسم ...فصرت (أفكرفيك)

حتى تتقنين الفوتوشوب ..لازم يكون عندك ديناميكيه في الــ(بدت الفلسفة ):D
لازم أول شيء تصيرين عارفة بأدوات الفوتوشوب ....وتأثيراته ..وهذا الي بتستفيدين منه من خلال الدروس ...
الشيء الثاني إنك تحاولين تقلدين التصاميم الحلوة الي تعجبك ....وأنا إن فضيت راح أنزل لكم درس صغينون ..تستفيدون منه كثييييييييييييييييييير ..لأن المصممين كلهم يستخدمون هالحركة ....وهي كيف نلعب بالصورة بحيث نخليها تناسب الألوان الي نحبها ...وتصير مميزة ..إن فضيت ..:D




هلا مروة ...هو هذا الي أبيه ..الإحساس بالقبح .....
مشكوووورة على رايك ..أما فكرتك ..راحت نضعها تحت طاولة المفاوضات ...:D
لو تتقنين الفوتوشوب يا مروة ..كان تطلعين عال العال ..
شكرا لك ..


هلا أخوي عبدالله ..
مشكوووور على آرائك ونصيحتك ..وإن شاء الله أعمل ببها قدر المستطاع ...لك تحياتي