حبيبه خالد مشكوره على الاضافه بارك الله فيك واعطينا سلطه الحمر مانقول لأ :)

ام راكان بصراحه ماني مصدقه معقوله المطاعم مايحطوا لون صياديتهم بني غامق على اسود :(

عموما مره ثانيه احط بصل اكثر انا حطيت نفس مقاديرك ياغاليه 7 بصلات بس يمكن كميه الرز تحدد

7 بصلات تحطيهم انتي على كم كاس ارز ؟؟؟؟؟؟؟؟؟؟؟؟


واسفه بشده تعبتك ؟!!!

الرائحه الزكيه عطرتي موضوعي توقعت الصياديه اكله سعوديه :)

ياليت تعطينيا الصياديه تبعكم وطريقة السمك :)

مشكورين بنات كثير كثير كثير

جزاكم الله خير يابنات

استفدت

*حمري البصل الى ان يصير بني وحطيه في الخلاط او دقيه في الهوند .....
*قي قدر تحطي زيت من زيت البصل..وتحمسي شوية بصل بعدين تحطي بهارات الصيادية +ورق غار +هيل +قرفة +كزبرة ناشفة
*تضيفي روس السمك واذا حبيتي بعض قطع السمك والطماطم المعصورة والبصل المدقوق واتركيه دقائق وبعدين اضيفي ماء حار واتركيه الى انم ينضج السمك بعدين صفي المرق وحطي الرز ....رجعي قطع السمك للمرق بعد التنصفية ((تعطي منظر للرز اذا غرفتيه ))واتركيه على نار هادئة الا ان ينضج الرز

*يتقدم مع الصيادية سلطة الطحينة وسلطة الحمر ((التمر الهندي ))بالاضافة لليمون والجرجير
وبالهناء والعافية
ان شاء الله اكون افدتك .....

ولايهمك عزيزتي راح أكتب طريقتنا في صلالة عن الصيادية ..وعلى فكرة تعتبر من ألذ الاكلات يممممممممممممم

المقادير حسب العدد طبعا أنا راح أكتب الطريقة ل5 أشخاص تقريبا ...

نحتاج :

2 بصلة كبيرة مقطعة شرائح ..

حبتين طماطم مقطعين قطع صغيرة

قرن فلفل مدقوق مع فصين ثوم

بهارات ..( نصف ملعقة كمون .. نصف ملعقة هيل ..نصف ملعقة قرفة ..وربع ملعقة فلفل أسود ونصف ملعقة كركم )كلها مطحونة ..

راح نحتاج أيضا مقدار 8 ملاعق طعام تقريبا من حليب جوز الهند ماجي (راح تحصليه في السوبر ماركت ) وذوبيها في كوب من الماء الدافي ..

وملح طبعا

وسمك يكون خالي من العظام مقطع قطع مربعة ومغسول .

ورز حسب النوع اللي تحبيه

الطريقة :

حمري البصل في زبدة أو سمن لورباك حتى يذبل ويحمر لونه..

أضيفي البهارات والثوم وقرن الفلفل وقلبيهم مع بعض شوي ..

حطي عليهم الطماطم وقلبيها ..وغطيهم شوي حتى يموت الطماطم

أضيفي السمك عليهم وقلبيهم مع بعض حتى يتجانس الخليط ..

ضعي عليهم الحين الرز وقلبي شوي ..

أضيفي عليهم الماء المغلي وتكون كمية الماء كافية تقريبا لنضج الرز ..بس شو نقصي الماي لأننا راح نضيف حليب جوز الهند بعدين

الحين حركي الرز مع السمك والبهارات وحطي عليهم الملح وغطيهم شوي ...

أخيرا حطي عليهم حليب جوز الهند اللي ذوبتيه بالماي وحركي زين ..وغطيهم زين حتى ينضج الرز ...

وبالعافية عليكم وأتمنى الطريقة تعجبكم ...

نحنا نسوي معاه الشتني الحار ,..

وهو عبارة عن فلفل قرون ضعيه في الخلاط مع علبة صلصل وقليل من نفس البهارات وصبار مذوب في ماي ساخن وخالي من النواة و5 ملاعق دقيق جوز الهند (ماجي )
تخطيهم مع..بعض بماء دافي ..

#طريقتي في الصيادية اسويها بالتونة والتمر الهندي#

1- افرمي 4 او 5 بصلات ووكشنيها الين ماتسمر لاتخليها تنحرق وحطي شوي ثوم واعواد قرفة وقرنفل وهيل وخليها مع البصل

2-ذوبي التمر الهندي في موية حارة وصفيه وخدي مويته وكبيها على الكشنة

3-غسلي الرز وارميه على البصل وحطي ماجي وفلفل اسود وكمون وملح وزيدي مويه اذا احتاج

4- افتحي علبة او علبتين تونة حسب عددكم واحطيها على الرز وخليه يطبخ
حيطلع لك لونه بني والطعم خيااااااااااااااااااااااااال