أسعد الله مساءكم بكل خير
في البداية هذا هو الموضوع الأول لي
وأتمنى يكون فاتحة خير والأهم إنه يعجبكم
/
\
طبعاً في كِل مناسبة سعيدة ( حفل خطوبة ، زواج ، نجاح ، عيد ميلاد ، ولادة )
نحتاج لبعض الشغلات البسيطة اللي في البداية نستهين بها لكن بوجودها
تعطي الحفل أو المناسبة تفاصيل مميزة ، ومثل ماهو معروف المرأة الأنيقة
تهمها التفاصيل الصغيرة قبل الكبيرة ، لأن عيون الناس تتجه للأشياء الغير
مُكررة ، نحاول نبحث عن أشياء ماشفناها قبل عند أحد .
الفكرة بالتأكيد غير جديدة علينا ، وأقصد فيها :
سَـلاَّت المُناسبات
وحسب مناسبتنا نستخدم السّلات مثل دخلة العروس أو الجلوات وغيرها .
حَابة أوريكم نماذج منها وان شاءالله تعجبكم :
هذي شكلها من الأمام .
هنا نفس السلة لكن الصورة على جنب حتى نشوف شكل الوردة البيضاء
وعلى فكرة الخامة ملمسها شاموا ( قماش يشبه المخمل لكن لمسته أنعم ) .
أعتذر لأن الصورة مو واضحة ، لكن هي نفس السلة بس من الداخل
مبطنه بقماش أبيض بلون الوردة على جنب وفيها ورد مجفف غير مثبت يتحرك
ثُم طبقة ثانية من قماش التول الأزرق .
هذي أسميها " سلة العرايس "
عشان الورد الحلو اللي فيها عشان الألوان والشكل
وهو مشغول بالإيد يعني مو جاهز .
السلة نفسها لكن من الخلف ، المصممة تشوف إنو أحلى من قدام مجموعة ورد
أما من الخلف شي بسيط ، حتى ماتزدحم .
هذي كبيرة نوعاً ما وتفيد لتوزيعات الخطوبة مثلاً ، أو تواجد غصن أوراق الشجر
على مسكة السلة يخليها تنفع لوضع الريحان فيها ونثره وقت دخول العروس .
من الداخل ،البطانة من قماش التول لأنه سهل التحكم فيه وفيه اهتمام واضح بأن
يكون القماش بحركة متموجه أحلى من المستقيم المشدود .
هذي ناعمة وفيها جانب مختلف .
هذا هو الجانب الثاني منها وفيه شكل فيونكات بالقماش نفسه مع بطانة
من قماش الساتان البنفسجي .
هنا من الداخل وفيها مُستخدم ثلاث أنواع من القماش للبطانة .
تفصيل حلو على مقبض السلة من الخلف على شكل فيونكات صغيرة كاروهات بني وبيج
مع الإهتمام بعدم قص العروق باللون البني .
هذي بصراحة محتارة كيف أوصفها لكم عاجبني طريقة تغليفها بالقماش
وماشاءالله مرتب مع الورد المشغول بالقماش على مقبض السلة .
نظرة على جنب
لاحظتوا حاجة فيها ؟
طيب بقولكم ، هذي من الخلف أطول شوي من الأمام وشكلها بيضاوي
مُغلفة بالكامل بقماش وعليه وردات صغار ثُم طبقة شفافة بالشيفون الوردي .