الحقن المجهري للمره الثالثه

اهلا بنات حبيت احكي تجاربي لانه نفسيتي جد محطمه ومش قادره اتحمل الابر ولا الادويه ولا اعيد كل اشي من جديد . 
انا الحمدلله وضعي تمام لكن وضع جوزي كان عندو ضعف ما في عدد ولا حركه منيحه اول حقن مجهري مع ٢ اجنه من الدرجه الاولى وما زبط الحمل 
ثاني مره حقن مجهري مع ٣ اجنه درجه اولى وصار عندي حمل كيميائي 
هاي المره الثالثه وانا باليوم العاشر من الترجيع نزل علي دم تحول للون بني عملت تحليل من الخوف وطلع سلبي ونفسيتي مدمره من اول يوم الترجيع احساسي كان يقولي انه ما رح تزبط العمليه ومش عارفه شو اعمل وتعبت كثير من عالموضوع ورجعولي ٣ اجنه ٢ منهن درجه اولى و ١ ضعيف  وضع جوزي بالمره الثالثه كان ممتاز وكان عندو عدد وحركه وجمدولو ، مش عارفه لمين احكي واشكي والله العظيم مو غيره ولا اشي ولا من نيه مو صافيه بس دائما بقول بيني وبين نفسي انه لي نصيبي هيك لي غيري ربنا بعطيهم بدون ولا اي تعب ولا ابر ولا فحوصات عمري ٢٣ سنه وبمر بهيك اوقات صعبه كثير من وانا جيل صغير والاشي كثير متعبني بس ما ببين لحدا جد ساعدني وخففن عني وكونن صريحات معي واحكنلي تجاربكن لاني بحاجه كثيررر