اممممممممممممم

يبي لى عشر صفحات ويالله اخلص

لكن علشان تاخذون فكرتن صغينونه عني ترى انا مثل غلاية يعنى عشى مع اولاد دهرا كاملا الى ان شرفت المزيونه الثانية الى هي اختى

عاد كل ما حدن قال لى اول يا صبية ( بتشديد الباء = تطلق على البنت الى تسوى مثل الاولاد )

كنت استانس على بالى مدحة

لما كبرت وفهمتها

حسبي الله عليهم

السالفة الى قاهرتنى وانا صغينونه انى اموت بالمغامرات

دايم اجمع بنات وعيال الحارة والحرارى الى بالجوار ونسوى قطة ونروح نغامر بحدى هالوديان والشعبان ونرقى الجبال

طبعا اليوم المحدد لنا هو صباحية الخميس ومن يتاخر عن الموعد فلن يلحق بنا لاننا لا نعلم اين سنذهب على قولتهم ندج الين تصكنا الشمس
ومن ثم نرجع الى بيوتنا بعد مشوار ربما تكلل ببعض الجراد والعصافير الصغيرة التى نلتقطها من هالنخيلات

:44::44::44:

بس وين الحين خلاص حتى النخيل مات وماتت ايامه

والله موضوعك رووووووووووعه ويستااااهل التميز مبروك عليك حبيبتي

اما من ناحيه صورتي فأنا كنت نحيفه وشعري طويل إلين خصر:27: وكان دايم مربط قرنين( ظفيرتين ) وكان جااف وزاد جفافه بعد الزواج <<<الله يرحم حااااالي
كنت بنت عاقله وما أحب المشاكل ودائم هادئه وفي حاااااااالي وألعب مع بنات جيراننا من العصر لين العشاء عند بابنا اوعند باب جيراننا <<< داشرة
أذكر مرة من المراريت كنت ألعب مع وحدة بنت كان شعرها ناعم ومرتب ودبت الغيرة فيني
وبعد ما خلصت من اللعب قمت وحست خامس شعر البنيه فكيته لها ومليته تراب وافرك التراب
تقول افرك شامبو
وراحت المسكينه تبكي لبيتهم وشوي ويجي اخوها يشتكي لأمي مني وامي تدافع عني وما هي مصدقه هذة المصيبه وتقوله لأ لأ ماهو معقول الفيروزيه تسوي كذا بنتي وانا أعرفها عاقله <<< ما خذة مقلب فيني :42:
وراحت البنت واخوها وهم ما أخذو حقهم مني إلى يومك ذا الله يغفرلي أذنبت فيها
تسلمين حبيبتي على الموضوع الرهيييييييييب

يالله موضوع رايق على الاخر

انا كنت هادئه ونحيفه مثل مجاعات الصومال هذا سابقا اما الان حدث ولاحرج

وكانت اختى اللى اصغر منى هى اللى تشجعنى

مره من المرارير نزلنا بشقق مفروشه
الا اختى تقولى وش رايك نروح نتمشى
قلت يله
وكنا لابسين فساتين ((يعننى متشيكات ولا قرنين))
المهم ركبنا المصعد وماطلعنا منه اذا وصل 1 ضغطنا 6 واذا 6 ضغطنا 2 وهكذا
لحد ماطفشنا
وقلنا خلاص بننزل الشارع
الا فيه رجال كبير وجثه واقف ومعصب
مسكنى انا واختى مع قرونا وصقع روسنا ببعض
وضربنا ضرب عند الله خبره
قال يله كم رقم شقتكم قالنا ماندرى
وقف فينا وسال الاستقبال وعرف وعلم ابوى
وهااااااااااااااااااااااااااتك ياضرب
الله لايعيد اللقافه وبلاويها

ولت الطفوله حميدتن ايامهاا
لـــو كان ذللك يشترى او ير جـع
واها لأيام الدجة وزمانها
لوكان اسعف بالمقااام قليلا <<<< احلى احمد شوقي 2007
الله على ذيك الأيام لو ترجع
ويرجع لي الشعرالأشقر الي ودعته بلقافتي بثالث متوسط صبفته اسود وماشفت خير بعدهاا
كنت صعلوقه يعني ذحين :o مو مره بيضا وكان شعري ناعم مايل للأشقر بني فاتح وقصير ولاعمري طولته وعيوني عسليه وللأن << الله يمكن تغيرت :23: حواجبي خفيفه ماتبان الا اللي يقرب مني على الموضه منذو الصغر وكان الي يشوفني ياخذ فيني مقلب لأن شكلي هاديه وأنا من تحت لتحت
وكنت بين وحشين الأكبر والأصغر مني كلهم أولاد وأحب البس مثلهم :23: أتذكر مره أخوي اشترى لبس كاراتيل وجلست أبكي لين راح ابوي واشترى لي مثله وللأن يضحـــ ــــكون علي لمن يتذكرون شكلي فيه
وأتذكر بعد مدرستي قريبه من مدرسة أخوي وطلعنا مره بدري وتأخر السواق ماجانا قالت بنت جيرانا ايش رايك نروح لمدرسة أخوك قلت هيا ولمن قربنا من المدرسه عاد نشوف العيال من برا ونجلس ناديه بأعلى صوتناااويأشرلنا يعني اسكتم وأحنا نزيد الين جانا وأخذنامنه علقه :06:
وكان الظهر مستحيل أ نامه كانت عندنا بقاله ومن لمن أجي من المدرسه على طول أجمع بنات جيرانا وأروح أباشر عليهم شكلي مخسره أبوي من أول وراى كذا ماني بعيده عن قلوبه كنت دافووووره وياويل اللي يلمس كتبي أو يبي يدرسني

يسلموووو يالغنيه عالموزوع الفله

يا غزال مر بي عصرٍ ما رد السلام

قلت أريع واسقني قال ما يرد السلام

( لمن كان لديه أدني صعوبة في ترجمة ما سبق ذكره ما عليه سوى الاتصال على .... )<< قصدي يسأل في الرد ؟؟

يا مرحباً بالنشميات بنات النشامى ... بشروني عن الورعان والذراري .. والأهل والبراري ... والقراش والغنم والمعيز والبعارين ... عساكم طيبين يا الطيبين ....

وين اللي يقولون لنا رجعة ... واللي يقولون شوي ومعودين ,,, واللي يقولون ودنا نرز فيساتنا في ذا ..... وووووووويييييييييييييينكم .....
عرض خاص .... اللس بتشارك اليوم ... الله يزوجها إن كانت غيرمتزوجة ... ويصلح لها زوجها وذراريها لكل اللي متزوجات واللي بيتزوجون ... << يا نا س أعاني هذه الأيام من ثقل طينة غير شكل وسماجة زائدة عن اللزوم وأقواز متقوزة ....

وبعدين يا حبايب تسبدي .. وراكم خذيتو فكرة ما هيبها عني .. تراني كنت الأولى من وإلى وكنت المثالية على المدرسة وأنشط طالية فيها وووو <<< ما عاد فيني من كتب ...

وأما هديتي لكم اليوم شيء ...

تذكرون زمان أول يوم قلت ميدكم إن شعري كان كثيييييييييف مرة ( ترى حتي أنا كان لي قزين بس سعااانيييييييييييييييييين ) بس ألحين يا عيني على الطول والنعومة << أمحق

الموهيييييييييييييييييييم <<< ملطوشة ... أيش أسوي مشيت معكم وانعديت ....

يوم زواج أخوي الكبير وكنت في الصف الأول الابتدائي .... كنت فرحانه ذاك اليوم إني بألبس ثوبي الجديد <<< الله لا يوريكم إياه .... يجننننننن

وبعدين وعدتني بنت عمي إنها يتسوي لي شعري تلفه ما أدري كيف لين يجي ناعم وحلو ... طبعاً انا طيرااااااااااااااااان أبغى أسبق على الحمامات أتروش <<< كما سبق الاعلان من لديه استفسار فلا يستحي ...

وأجي للحمامات اللي جوا كلها مشغولة .... وما بقي اللي الحمام اللي برا ... قلت يابنت هذي المرة وبس ...

ووووويييييييييييييييييييييييييييييييو ... تقولون صاروخ اسكود منطلق .... يا للهول انعدمت الرؤيا>>>> الشعر يغطي عيني ماذا أفعل وإلى اين أتجه يااا الله ... وبعدها ....طاب طيب طاااااخ طيييييييييييييييييخ .... وصاكتن بسنوني في عمود الـ.......... في الحوش ... وإلى ألحين وأنا أعاني من أثر ذيك الصقعة .... واللي مستغربتنه إنها ما انكسرت سنوني ... لأن وربي الصقعة كانت مووووووووووت ...الله قدر ولطف ..... وراحت التسريحة واضطرينا نحضر الزواج بشمس وأغصان ... وأذى ومضاربة ورعان ....

وإلى لقاء آخر ....