حتى انا والله هيضتني قصيدته طالعه من القلب
اعتذر لصاحبة الموضوع .لعل هذه القصيده تكون الخاتمه (فضفضه يائس فهمتي؟؟)
دامها بتتزوج الحمدلله انا زوجي يفكر بوحده صار انتظرها تتزوج وادعي لها ١٢ وللحين جالسه على قلبي و متأكده لو خطبها يتوافق لأنها كبيره .لو تتزوج بستانس.
أهم شي لاتجيبي طاريها سافرت حملت ولدت وخلاص هو عاقل راح يشيلها من بالها بعد زواجها. مشاعره الحين عشان خلاص فقد الأمل

لو كنتي تعرفين انه يحبها قبل لا تتزوجينه فليش قبلتي فيه وش لك بوجع الراس

يابنت الحلال هالمشاعر صعب نتحكم فيها هي بس مسألة وقت وإن شاء الله تاجي هنا وتخبرينا ،،،،،،الله يصلح مابينكم،،،،ويجعلة قرة عين لك،،،،،،

فعلا المشاعر صعب نتحكم فيها

ولاننكر ان قصيدته مؤلمه

السلام عليكم ورحمة الله وبركاته استشاره الله يسعدكن ويفرج همومكن وبحاول اختصر وضعي والي انا فيه ومدري كيف اواجه هذه المشكله انا متزوجه من سنتين تقريبا .. شخصية زوجي هادي كتوم أخلاقه زينه الحمدلله بس بديت اتنكد من سنه وجاي بقولكم سالفة زوجي قبل يتزوجني خطب بنت خالته ووافقو وسوو تحليل ماقبل الملكه وقبل الملكه بيومين صارت مشكله بين ابوها وابو زوجي اعتقد عشان ارض كبيره كانو شريكين فيها وابو البنت حلف مايتزوجها الي هو زوجي .حصلت زوجي قبل سنه وشوي كاتب قصيده فيها حتى ذاكر اسمها وواجهته وجحد قال انا ناقلها وماكتبتها جاتني رسالة واتس اب زيها زي اي رساله وعديتها . اخت زوجي عمرها ممكن 15 علمتني بكل شي حتى الهدايا الي كان يجيبلها اول ماخطبها علمتني فيها وكانت تقولي خلاتي كلهم عارفين انه يحبها .//.. بنت خالته انخطبت قبل خمس شهور وملكت يوم عرفت انها انخطبت وملكت والله استانست قلت ممكن ينساها ورتاح .البارح حصلته كاتب قصيده في الواتس اب وارسلتها على جوالي بدون مايدري مرسلها على واحد من خوياه واليوم حصلته ماسحها من جواله مدرى اني شفتها ورسلتها على جوالي القصيده طويله فيه بعضها عرفت معناه وبعضها ماعرفته انقهرت من البارح ماتهنيت في نومي ارسلت على مستشاره اسريه ابقولها وضعي وماردت علي قلت اطرح مشكلتي هينا وش اسوي اعلم ابو زوجي او اروح لأهلي ولا اجلس معاه وواجه سكوت ماقدر اسكت ابغا اوقفه عند حده ....هذي القصيده ضفتها للي قالو اكتبيها
/حبيبتي حفاظاً ع الخصوصيةة احذفي القصيدة ..

نصيحتي لكِ كـ أخت عزيزة ، لا تعبثين في جوال زوجك حتى لا يضيق صدرك .. كل زوج وعنده مصيبه ف جواله لما تعبثين بجواله تعورين قلبك لا اكثر ، ومعروف ان قلوب الرجال قاسية ، م رح يهتم فيك اذا هاجت غيرتك قد م يهتم لكلام الناس وشخصية قدام الناس .. اهتمي بنفسك وعيشي حياتك لنفسك وربي ضناك وعطي زوجك اهتمام بدون كرم زايد عن حده .. بالتوفيق حبيبتي
من ناحيه الحب تراه من الله ومعروف ان الحب لازال بابه مفتوح ، وفيه آمل انه يتعلق فيك ، وطلعي اهلك واهله برا حياتكم للأبد ..