انا مرتبة جدولي اقوم اصلي الظهر وبعدين اقرا قران الساعة 2 ابدا احشي واحوس عند التلفزيون وبعدها اصلي العصر وادخل المطبخ اكمل الباقي قبل الاذان ادخل اخذ شاور واطلع احط الفطور طبعا المواعين اول باول اغسلها بعد المغرب اغسل المواعين الباقية واصلح الشاي واجلس الى صلاة التراويح واصليها في البيت بعدين اشوف شغل البيت والعيال كل يوم ارتب غسيل وكنس وغيره لما اخلص اجلس على النت شوي وبعدين انوم عيالي واصلح السحور ونتسحر واقرا قران وانام بس
الصفحة الأخيرة
مافيه غير أنك تفرزنين الأشياء اللي ممكن تتفرزن زي السمبوسة والفطاير والبيتزا والسبرينغ رول والكبة وغيرهم
حتى السينبون والجبنية كلها تتفرزن هاتي لك شغالة بالساعة أو شغالة أهلك عطيها فلوس وخليها تلف لك وتعاوني معها عبي هالفريزر وإرتااااااااااااااحي
حتى كشنة الشوربة ممكن تحمسين كمية كبيرة بصل وثوم وبهارات وصلصة في زيت كفاية
ولما تتسبك توزعينها في أكياس أو تحطينه في برطمان في الثلاجة يكفيك
واللحم تقطعينه وتغسلينه وتوزعينه على قياسكم اليومي وممكن تخلين الجزار نفسه يقطعه لك ويوزعه في أكياس
أو صحون وترتاحين
عشان كذا لما يجي وقت الفطور ماراح تدخلين المطبخ إلا بعد صلاة العصر
بس عشان تحطين كيس الحمسة واللحمة وتحطين عليهم مويا حارة وملح والشوفان
وتسوين القهوة
العصير عادي سويه الفجر وغلفيه أو سويه في علب عصير المراعي عشان لها غطاء محكم وأرتاحي
الحلا حق القهوة سوي ثلاثة أشكال صواني وخليهم بالثلاجة تكفيكم أسبوع
والسمبوسة بأنواعها ماعليك إلا تقلين أو تحمرين بالفرن على كيفك
ومثلها الجبنية الساعة خمس ونص
أفرشي السفرة وحطي عليها التمر والفناجين وترمس القهوة وحافظة الشوربة والملاعق والكاسات والمناديل والمغارف حتى الحلا ممكن تصفينه بعدو توزعينه بصحون وتغلفينه