ام رنو :

مشكورة ام عبدالرحمن...... تقولين نقطع العجينة دوائر زى المطازيز ثم نفردها باليد بحيث تصير دائره ( من الوسط متينه ومن الاطراف خفيفه ) ثم نضع ربع ملعقه صغيره من الحشوه في داخلها وتقفل بحيث تكون نصف دائره .. ثم تزّم بحيث تكون مثل الكره .......... لكن ممكن توضحين وشلون ازمها زي الكرة؟ اذا سكرت العجينة نص دائرة تقصدين اسكر الاطراف لكن وشلون اخليها كورة وهي على شكل نص دائرة؟ سؤال اخر الكليجا القصيمية ماالقى طعم القرنفل فيها واخاف انه يخرب طعمها وش رايك؟ وبالنسبة للفرن هل الفرن الكهربائي اساسي؟ وكم المدة اللي اخليها في الفرن؟ ودي والله تزبط معي وماقصرتي يالغلا

مشكورة ام عبدالرحمن...... تقولين نقطع العجينة دوائر زى المطازيز ثم نفردها باليد بحيث تصير دائره...

إرواء العليـــــل :

يا ام عبدالرحمن انا جنوبية اولا بس عمتي الله يجزاها بالخير عايشه بالرياض وعلقتنا بالكليجا ودخلت موضوعك البارح وصممت انا والوالده نسويها وسويناها وقالت لي الوالده اقسمي العجين نصين نص اللحين نسويه ونص بعدين ليش ؟؟ تقول عشان الاخطاء الي نوقع فيها فهالقسم نتلافها بالقسم الثاني الله لايحرمني منها ومن عقلها بدينا نسوي واول خمس حبات تقولين بنحارب فيهم الله ياهي اشكال هندسيه ابتكرناها الله يافدم العجينه وسماكتها الله الله على الاحجام ومره نكثر حشو ومره خيال من الحشوه وخبزناها وانذهلنا وش الطراوه والنكهه ويم يم ارسلت لخالي وانا فرحانه وقال لذيده مرررررررررررررره وابشرك قبل ساعتين طلعنا النص الثاني انا وامي وسويناها مزبوووووووووووووووووط كلها نفس الحجم والحشو مو كثير وكنا نختمها بملعقة القلي لانها كلها معينات ونضغطها عليها وتبان العلامه وحمرناها وقالت امي عاد هالشغل الزين يباله زياره بكره ودمتي يا احلى ام عبدالرحمن

يا ام عبدالرحمن انا جنوبية اولا بس عمتي الله يجزاها بالخير عايشه بالرياض وعلقتنا...