السلام عليكم
انا ترددت قبل لا اكتب مشكلتي بس اليوم حبيت اكتب لكم واتمنى القى منكم الآذان الصاغيه
انا يا بنات متزوجه لي اربع سنوات وعندي بنت عمرها 3 سنوات و حامل
زوجي اكبر مني باربع سنوات وانا توني توظفت حمدلله
زوجي انسان عاقل مو راعي خرابيط يحب بنته و يقول انه يحبني لكن ما ادري هو صدق او لا
انا عن نفسي انسانه عاقله مو مدح لنفسي لا والله بس هو خطبني لاجل هالشي لاني مو اجمل اخواتي
لكن اعقلهم مو معناته هم مو كويسات لا بس انا كنت المطوعه على قولهم
تزوجت طبعا انا شخصيتي رومانسيه حالمه يعني احب احلم واسهب في الاحلام يعني راسمه الزواج شي
وبالاخير انصدمت باشياء كثيييييييييييييييره
طبعا اول الزواج واللي كل عروس تكون مبسوطه انا لا بس اول شهر ومن ثاني شهر زوجي يدخل ينام وانا بقلة خبرتي
كنت اجلس بالصاله اقول لو يبي يقولي تعالي وهو بعدين قال اني ما كأني متزوج انام لحالي طيب ليه ما تسكر التلفزيون وتقول يالله ننام وش دراني اخاف ادخل معه يقول وش تبي هالنشبه وانا كنت عاطله وهو يداوم
كان الويك اند كله ببيت اهلي مع انا عرسان والله ما اذكر طلعني او مشاني الا مرات قليييله
طبعا صارت مواقف كثيره وهو كاتم وكلها اشياء تافهه ما تذكر يعني يزعل عشان ما اقوله يالله نزور اهلك
طيب ليه ما يقولي يالله نروح؟؟
صار موقف وجا يهوش وانا كنت في بيت اهلي وكنت باول الشهور بحملي ببنتي وهو جا ورفع صوته على ابوي
ابوي لما راح جلس معاي وفهمته كل شي
عدى الموقف على خير وبعدها سافرنا بعثه وهناك تغير 180 درجه يمكن دعوات امي
حسيت فعلا اني مبسوطه كان يداريني حتى ولدت بغربه وكان هو يطبخ وكل شي
بعدها رجعنا زياره هو توقع ان اهلي يسوون عزيمه وما ادري ايش ابوي ماسوا لان يقول عيب اعزم قبل ابوه
لان خالي قال بيعزم زوجي حلف على ابوه وابوي ما سوى عزيمه لنا ومرت الايام وجلس يعايرني بابوي وانه بخيل
وانه ما يعزم تخيلوا هذا واحنا في اجازه في بلدنا المفروض ما ينكد علي وعشت بهم لدرجه في يوم بنص الليل
تهاوشنا ووصلت للشيطان الرجيم و اتصلت على اخوي لانه قالي اذا مو عاجبك اطلعي وفعلا جا اخوي حاول يصلح لكن كان اخوي معصب و زوجي كذلك تهاوشوا وشد الكلام واخذني معاه لبيت اهلي
ابوي لما عرف زعل لان اخوي اللي اخذني وانه بيكون شي ضدنا كلم ابوي زوجي وجا وتفاهموا
وقال زوجي لابوي انت ترجعها لان اخوي مسافر وانه يبغى اخوي يجي ويتعذر لان لو ما اعتذر انا ما اطب بيت اهلي
وجلست شهر ما رحت لاهلي لين جا اخوي من السفر واعتذر منه واطلق سراحي
مر على هالسالفه 3 سنوات تخيلتوا والى يومكم زوجي يكره اخوي وما يسميه الا الثور الهائج تخيلتوووووووو؟
مر يضيق صدري لما يسبهم و على اي سبب واي مشكله لازم يفتح سيرة اهلي ويسبهم خاصه ابوي واخوي
طبعا ابوي كبير بالسن وما يعرف يطلع الرقم ولما زوجي اتصل يعايده ابوي ما رد وزوجي عصصصصصصصصصصب
و العيد كان على ابوي وابوي ما عزم زوجي وانا حضرت العيد تخيلوا وداني لاهلي ثاني العيد على اساس اسلم
و الاخ يخليني اسبوعين عندهم ولما كلمته قلت وينك قال ليش يعزمون فلان وفلان وانا لاااااا
قلت طيب وش دخلني انا قال لو اهلي يعزمون احد وما يعزمونك لازعل عليهم وانتي ما همك زوجك
وجلس يهووووووووووووش طبعا انا بس علمت امي واخواتي بالسالفه وابوي ما يدري قلت انا عندكم لاني تعبانه من الحمل طبعا توظفت و حسيت الوظيفه جتني بسبب صبري عليه طبعا جا واخذني ورجعني لبيتي
بدون احد يدري ان بينا شي لكن رجعت وانا مكسوووووووووووووووره و حزيييييييييييينه ليش يسوي فيني كذا
والله والله ما ااقوله يوديني لاهلي ولا شي اكلم اخوي الصغير يجي وياخذني لهم او يمروني واطلع معهم
ولما توظفت اهلي نفعوني اولا سواق اهلي هو يوديني لما كنت اقدم ووداني كم يوم والباقي زوجي يوديني
بس انا مابي زوجي يوديني لانه صار يقول دوري سواق بالاجره لازم فصرت اطفش منه واخلي سواق اهلي يوديني وحمدلله بنتي اهلي مو مقصرين تجلس عندهم حتى لما اطلع من الدوام تجلس عندهم لين الليل لما اروق اخذها .
المطلوب حبيباتي هل وضعي صحي لبناء اسره خاصه اني حامل بتوأم يعني قريب بيكون عندي ثلاثه يعني
اسره كبيره وزوجي احسه بعيييييد عني وانا حتى صرت احس نفسي اني زوجه بالاسم يعني بس اطبخ وانظف
واجيب عيال و وناستي القاها مع اهلي الله لا يحرمني منهم اطلع معهم واجي معهم و اثبات ذاتي بوظيفتي ان شاء الله لاني حبيت وظيفتي وبنتي مو مقصره معها واللي يخيلني اسأل اني شفت ناس تطلقوا بعد عشر سنوات فهل وضعهم كان مثل وضعي؟؟ وهل الطلاق حل لمشكلتي لاني تعبت اشرح لزوجي اني مالي علاقه باي شي يسويه ابوي وقلت له لا تسلم عليه ولا تتصل ولا شي وهو ماراح يشره عليك هو يقول ايه هو همه انك تجينهم كل يومين ويشوفك وخلاص ما يهمه يقدر نسيبه ومن هالكلام
وشي ثاني مقلقني ان اخوي اللي اخذني واللي يكرهه زوجي راح يتزوج قريب اخاف يمنعني من حضور زواجه او ملكته مره خايفه حتى اقول ليته يتزوج وانا نفاس عشان يكون لي عذر .
اخيرا وليس اخرا هل فيه امل يرجع زوجي زي ما كان معي مع العلم اني احسه تغير خاصه مع الحمل اهملت نفسي وماعاد صرت مثل اول البس واستشور يالله يالله وتعرفون مع الحمل الوحده يالله تلقى لبس وهو اهم شي عنده الاهتمام بس مو المفروض انه يراعي هالفتره لانه هو اللي صاجني بالحمل و خلاني اخذ كلوميد مع ان بنتي صغيره لكن قلت يالله عشانه بسوي اللي يرضيه وياليته يراعيني ويداريني
اتمنى القى منكم ردود تثلج الصدر لكم ودي واحترامي
Bnt Sudeer @bnt_sudeer
محررة برونزية
هذا الموضوع مغلق.
من حق زوجك يحس بتقدير اهلك واحترامهم له وبعدين عيب ابوك مايسوي لكم عزيمه والله عيب وزوجك عرفتي طبعه يعني يحب انتي اللي تسوين له كل شي من دلع وغيره ليش تعتبي عليه ماراح ينفعك غيرزوجك انصحك ترجعين له من الناحيه العاطفيه يعني تحبي زوجك من جديد وتعاملينه كويس والله راح تشوفي اللي يرضيك زوجك انسان كويس بس يبي يحس باهتمامك واهتمام اهلك وهذا كل رجال يبيه من نسايبه وبعدين انتي ليش ماتعتبي ع اهلك وتقولي اعزمو فلان كلمو فلان مايصير كذا يا اختي وش الامبالاه اللي عندك زوجي تقديره من تقديري انا ما ارضى اهلي يعاملو زوجي بنفس طريقه اهلك سوري بس عندكم مشكله
الصفحة الأخيرة
يعني بالاول حلوة وش دخل ابوك الا يعزمة بعد البعثة عزمة ولا ستين عمرة حر ابوك وهو ليه ماقال لهله انهم بخيلين كان قلتي وانا بعد حلفت على ابوي مايعزمنا يعني لهله يعرف يطلع حجج
واهلك غلطو لما خلو اخوك يعتذر منه يعني غلطان ويبي يعتذرونله واهلك يخلون اخوك يعتذرله
احس زوجك مثل مرت الولد الي تدور الزلة على حمولته ولا تكبر عقلة
عزموني نادوني تركوني مايقدروني وووو
المهم ماعلينا من ذا كله
اهلك اهم شي وراس مالك
دامك توظفتي وهذا نعمة وكرم من ربي خصصيلهم جزء من الراتب لأنهم ينشالون فوق الراس ولو تعطينهم رراتب السواق مو كثير
لأنه ماراح ينفعك غيرهم وخليهم يذكرونك بالخير
وزوجك انسية خلاص انتي قلتيها زوجة بالاسم اصبري عشان اولادك وباذن الله مع الصبر والدعاء بيتغير مع الوقت
والطلاق امسحية من قاموسك لأنك ام عيال والدنيا بتغير زوجك مع الوقت لكن الصبر الصبر