بقدملكم اكلة زاكية كتير مو بس الشركس بحبوها الكل بطلبوها مني بالحفلات شكلها حلو وطعمها احلا يلا المقادير
5 اكواب طحين -4 ملاعق زيت -كوبين الا ربع ماءوملعقة ص ملح اعجنيه مع بعض او بالعجانةومكن استبدال الماء بالحليب .
الحشوة حوالي 15 حبة بطاطا مسلوقة -بصلتين مفرومين -ملح وفلفل اسود حسب الرغبة .5ملاعق زيت لقلي البصل .زيت غزير لقلي الحلفا
اقلي البصل بالزيت ثم اهرسي البطاطا واخلطيها مع البصل-رقي العجينة رقيقة مثل الششبرك وقعيها مربعات وضعي بالزاوية ملء ملعقة من الحشو سكرها على شل مثلث وضيها على شرشف حتى تنتهي من كل الحشو - احمي الزيت ثم خففي النار واقلي حبات الحلفا بس يسير لونها زهري مش محمرة غامق-ومكن حشوة اخرى بالجبنة البيضا تفرم ويضاف لا ملعقة ص فلفل احمر .تؤكل الحلفا مع الشاي وصحتين
الشركسية @alshrksy
عضوة فعالة
يلزم عليك تسجيل الدخول أولًا لكتابة تعليق.
shavu
•
شكلها أكلة لذيذة وسهلة كثير ولكن ويش معنى الحلفا وتسلميلنا يا الشركسية
LUBNA
•
هلا بالشركسية ، بتعرفي ماما دايما بتساويها بنفس طريقتك تماما وبالفعل كتير كتير طيبة ومش ممكن تروحي عند امي وما تلاقيها حاطه منها بالفريزر لساعة الزنقة . تسلمي:cook:
belle
•
مرحبا شركسيه وشكرا لك ,بس سؤال صغير اذا ما في سئله الفلفل الأحمر حاد ام حلو , وكمان كنت بدي اسأل ان كانت بتنحط بالفريزر بس يبدو لبنى اكدت هذا الأمر , على فكره انا باسمع بالحلفا من واحده اخت حماتها شركسيه وبتقول انها لذيذه جدا .ساحاول انو اعملها برمضان ان الله راد شكرا مره تانيه.:24: :26:
الشركسية
•
مرحبة بالاخوات وشكرا على الردود حلفابالشركسي يعني فطاير- بالنسبة لفلفل الاحمر الحلو مش الحار- وعلى فكرةالحلفا بسرعة بطير خصوصا اذا محشي بطاطا الاولاد بحبوا كتير وخصوصا برمضان للسحور زاكي وبشبع -رمضان مبارك للجميع .
الصفحة الأخيرة