الحلقة الاخيرة من المقامة الخطيرة

عندما خرجت ام عبادي من عند ام فهد وراحت بيتها
اول ما دخلت من الباب ............
قال ابو عبادي : هلا والله بالسندريللا
ياللي نورك شعشع وحرق عدادات الفيللا
وين كنت دايرة؟؟؟؟مع اية شلة؟؟؟؟؟؟


قال ولدها عبادي : سندريللا ........ اجل اكيد فردة الشبشب حق ماما طاحت في الشارع
تعالو نجيبها بسرعة قبل ما ياخدها راعي البلدية وهو طالع

قال ا بوعبادي: خليه ياخدها اصلا المقاس حيطلع عليه واسع



وراحو الاولاد يدورو على فردة شبشب امهم في انحاء البلاد



قالتكقالت ام عبادي :انت تقول سندريللا ؟ يعني انا جيت بدري

لان سندريللا رجعت البيت قبل اخواتها ياعمري

قال:عمرك من بدري

قالت:بدري واللا هلالي ؟؟؟؟
قال:اخص انا هلالي ؟؟؟؟؟؟؟؟
انا اتبرأ من كل هلالي
حتى لو كان واحد من عيالي


طول ما انا ابو اتحادي لازم اكون عبادي
ولاعاد تجيبي السيرة هادي

وبعدين تحسبي انك زكية ؟؟؟؟؟؟؟؟
وانك ضيعتي السيرة الاولانية ؟؟؟

فين كنت يا ولية ؟؟؟؟؟؟؟

قالت:كنت عند ام هدف

قال:هدف .. ماكان هدف كان تسلل واضح
والحكم شاف الراية وسوى نفسه رايح
قالت:قصدي كنت عند ام فهد


آقال:آه ام فهد ولولو

وايش كنتو تقولو ؟؟؟؟؟؟؟؟؟

قالت:اسكت يا ابوعبادي
الحرمةزعلانة ومتنكدة وقالها محلوب بالمررررة مو عادي

قالكليييييييييييش؟؟؟؟؟؟؟؟؟؟؟
زعقت على جوزها وما اتكلمت بشويش؟؟؟؟؟؟؟؟



قالتكلا المسالة مو كدة بالمرة
ولدها حمد رسب وبسببه ضاعت عليهم السفرة


قال:طيب يسافرو السنة الجية
واللا لازم يتخرج الولد من السانوية ؟؟؟؟؟؟


قالت:مو اللي زاد الطين بلة
انو ولدهم التاني يقول تجوزوني واللا.........



ودخل ابناء ام عبادي وقال اكبرهم : يا ماما لقينا شبشبك برة في السلة
قالت:طب روحو نامو ياللا


قال الواد:ننام ايييييييييييه ؟؟؟؟؟؟؟؟؟؟؟ والسوني تو ؟؟؟؟؟؟
قالت:ليييييييييييييييييه ؟؟؟؟؟؟؟؟ وفين الاولاني خربتوووه؟؟؟؟؟؟؟؟؟
قال:لا بابا وعدنا انو يشتريلنا هوَ
عشان احنا نجحنا بقووووووووة



قالت:طب روحو دحين غرفتكم
وبابا حيجيبه لكم زي ما وعدكم


قالكهااااااه كملي الهرجة.
اللي سمعتيها من هادي الخرجة


قالت:يقول يا اتجوز
يا ماني ناجح لكم السنة الجية والسفرة تتبوَظ



قال:وليش مايجوزوه ؟؟؟؟؟؟
قالت:مولو اتجوز تروح فلوس ابوه


قالكطب عالاقل يخطبو لو
قالت:ومين سعيدة الحظ اللي ترضى تعولو


موالولد لسَاعو طالب ماهو موظف
ما دخله عند ويا دوبك على بنزين السيارة يصرف
قال:والله بصراحة ما اعرف



سيبنا يا شيخ منهم
الله يكون في عونهم


ايش رايك احنا نسافر ؟؟
قال:ومن فين اجيب فلوس التزاكر؟؟؟؟



قالت:ليش هو ابو وفاء ما رجع الدين؟
كل يوم يقول لي بعدين
من فين اسدك من فين؟


قالت:وانت سكتت؟؟؟ الين دا الوقت؟؟؟؟



قال:كنت ساكت ولما كفح الطيل
قلت لو يا ترد الفلوس يا تشوف الوييل




قال: تكفى يا بو عبادي
اديني فرصة تانية
والله اني في العيد ما اكسي اولادي




حنيت عليه وعلى حالو
وقلت خلاص ما راح اطلبها منو الين يجيبها لحالو
تصدقي عاد انو باع كل شي حتى جوالو؟؟؟؟؟؟




اقالت:الله يكون في عونو
ويفتح عليه و يرزقو وبرد ديونو





قال:ياللا ياحرمة انا ابغى انام
بكرة ورايا دوام
روحي سوي العشا وبطلي قرقرة وكتر كلام
قالت:يا سلااااااااااااااام



موانت اللي فتحت الموضوع ؟؟؟
قال:روحي ياللا تراني حاموت من الجوع
قالت:طيب خلاص على ايش مصروووع




وانتو ياللي بتقرو
مع السلامة بس لا تنسو قبل النوم تلبسو البيجامة


بس قولو لي ايش رايكم في المقامة؟؟؟؟؟





ملاحظة:عفوا لكن حصل معي خطأ اثناء كتابة الموضوع المرة الاولى فاضيف الى الردود واضطررت لاعادة كتابته