الحل مع الناس النشبه ايش؟

بنات اقسم بالله طقت كبدي
هذا غير مشاكلي مع اهلي بسببها
عندي صديقه من ايام الكليه والحين عمرنا ٣٠ تخرجنا وكل شي مع بعض لنا ١٢ سنه تقريبا
المهم هي من اول الله يهديها نشبه
لكن ابوها كان حاكرها يعني مايسمح لها لكوفيات ومطاعم فكانت تزعجني كل اسبوع تعالي او اجيك او نطلع حديقه فهي كان يسمح لها ابوها طلعه تقريبا بالاسبوع ويسمح لها بيوت بس لاحظو
كنا ساكتين ماعمرنا انا والشله قلنا نبي كوفي او شاليه لان ندري ظروفها ماتسمح ابوها يرفض ونراعيها مرت السنين والبنت تزوجت قبل سنتين
زوجها طول وقته بالاستراحه اقسم بالله اتوقع متزوجه بالاسم خلاااااااااص تعب سكلت شهر سنه لكن الحين احس بنفجر بنات احس زوجخا بس يبي يصرفها كل يومين وااله العظيم بدون مبالغه كل يومين يلا بجيك ولا تعالي يلا كوغي يلا مطعم يلا نروح حديقه يلا نتجمع
انا اول شي مادتي ماتسمح لي
ماعنذي ميزانيه للكوفيات والمطاعم
غير كذا فيها طبع شين تقولي اطلبي ماحب اطلب وتعرفون المطاعم والكوفيات بعضهم ياخذون الحساب على طول خاصه اللي يكون كوفي بمول كنت احاسب اكثر من مره علي ولا تفكر تدفع او تقول كم الحساب
اكثر من مره اقولها يابنت الحلال ماقدر
اطلع معك كل يومين انا عندي اهل يغثوني عندي اقارب عندي صديقات ثانيان مو بس مرتبطه بك
شفتو لو الجدار يفهم اقسم بالله تفهم
تسوي نفسها زعلانه تقول اوكي براحتك
اذا قبت ماقدر مادري الا من بكرا تجي وش عندك اليوم
تعبببببببببت منها يابنات هي نشبه نشبه بشكل ماتوقع احد يتحمله
والله فرحت لماًتزوجت وحملت قلت بتلهى حصلتها بزياده لدرجه صرت اشك زوجها يقولها لاتجلسين لم سالتها وين زوجك طول وقتك طالعه؟ قالت هو مايجلس طول وقته مع اخوياه بالاستراحه مايجي الا للنوم بس
طيب انا وش ذنبي !!
زوجه ساحب مو قد الزواج تشغلني انا
المصيبه عندها كومة خوات
لكن ماتروح لهم مادري وش تبي !!
حتى لما جتني فتره توظفت بعيد
تجلس تحاول تكرهني بالوظيفه تبي ارجع زي صعبه وشلون واهلك وضغط وانتي بترجعين ماتتحملين وارجعي بس ماحد ملقيها وجهه انا غبييييييييه لااني استحي ولا احب اجرح احد لو اني اعطي بالوجه ماصار لي كذا والمصيبه يابنات صارحتها قلت لها اكثر من عشرين مره ماقدر
تصير مشاكل مع اهلي بسبب كثرة الطلعات بس ماتفههههههههم
تحسبني بس فاضيه لها ماعندي شغل
الا اطلع ولا اروح لها
ماعندي مشكله
اطلع بالاسبوع الاسبوعين مره
عادي وتشرف ببيتنا لكن كل يومين طابه علي
ولا تبي اجيها ولا نطلع
حتى الخوات وهم الخوات مايطلعون كل يوم
مع بعض
والمصيبه الاعظم ماتراعي ظروفي
يعني اقولها اهلي مايوافقون كل يوم
ماتفهم تقول عادي طنشي!!
قبل يوم كانت تغثنا بابوهاًعمرناًماقلناًلها
طنشيه واسحبي عليه هي لا تبي كل الناس على كيفها
حتى صديقتنا زوجها مايبي كل يوم
تطلع تجي تقول وش عليه منك يلا قولي له
لاتطلع مع اخوياك للاستراحه يعني هي لو زوجها
حاكرها مثل ابوها ماجت تشيش صديقتنا
ان ليش زوجك يرفض تطلعين معنا